بارت تكمله
حبك يدك بلراس
طائر بلا تغريد
مهيمن رحت للشقه مالتي گعدت علكرويته خليت رجليه عل طلبه وراسي يباوع للسكف وبالي يمهه
منو هلبنات ذني
وليش محمد مارجع
هذا نذل دز ابتهال وحدهه
ماخايف عليهه
وهيه ماخافت مني
معقوله ترجع للموت برجليهه
فزيت من ذكرت الموت
شنو قابل راح اكتلهه اني
اي اكتلهه لعد اخليهه تضحك عليهه
لا هاي ابتهال هاي روحي جنت ميت عل شوفتهه
اليوم بيتهه عل حطيتهه
وحته ملابسهه بعدهه
أوووووف شلون هسه شيصبرني الباجر
حاولت انام ما كدرت
فتريت بلشقه
بعدين كمت اخذت جنطتي خليت بيهه كم شغله وشلت سويجي وركبت السياره وطلعت عل بغداد
ابتهال دخلت للبيت تلگتني وصال
هلوواخيرأ شفناج
هلو وصال شلونج
الحمد لله
تفضلي امج هنا بغرفتهه ههه طايره بلبنات
دخلت شفت امي متمدده عل جربايه ولكانونه بئيده ومعلك بيه مغذي
وعيونه غايره
لا مستحيل هاي مو أمي تقربت منهه گعدت عل طرف الجربايه وعيوني تجري
جانت حلا وعلا واگفات يم شهاب الي كاعد عل كرسي بصف الجربايه
امي فاقده متعرف شي
بس من حجيت يمه
شفتهه فتت عينه وسدتهه عبالك جاي تحاول تفتحهن حته تشوفني بس متكدر
رفعت ايدهه تأشر
تقربت خليت ايدي بئيدهه
سمعتهه تنهدت
دنكت بست ايدهه
وبجيت حيل بحركه
ماعرف اسكت بعد حسيت بخنكه بصدري صارلهه ست سنوات
طلعت من صدري مره وحده
ابجي وعاتب
ليش محد گلي بمرظه
ليش ولكم ظامين عليه
حسيت بئدين صغار عل جتڤي باوعت ايد حلا منا وعلا منا وعيونهم يجرن وياي
شبكتهم حيل عل صدري وإني ابجي
امي حست عليهه اسمعهه تگول كافي يمه لا تعذبيني
باوعت طلعت دمعه من طرف عينهه دنكت عليهه بسته وشميت صدرهه أووووف ياصدرج يلحبيبهه
من شوكت هيه مريضه
من سنه ونص حجه شهاب
لعد ليش مكلتولي
هيه مترضه والله تخاف عليج
بعد ساعات مرن وإني نايمه بحضنهه وبناتي يمي سمعت صوت يصيح وصال وصال تعالي بويه وينج اجت ابتهال لو بعده
رفعت راسي بتسمت هذا عمو
اي هزت راسهه وصال
اريد اشوفه ليش ميجي
ميگدر كال شهاب
ليش ميكدر شپيه
مو قبل فتره تعرض الحادث وصار مڨعد
صدوك تحجون
مع الأسف
كمت بسرعه اريد اشوفهه
وين غرفته نترت
بصف غرفت امي
رحت اركض والبنات يركضن وراي
دخلت شفت شخص عباره عن هيكل عضمي ومدد
تذكرت من جنت اسمي ابو كرش من كد ما سمين
من شافني دموعه صبن ودنك
شفتي بويه شصاير بيهه
