البارت الرابع عشر
حبك يدك بلراس
طائر بلا تغريد
مساء الخير عليكم
مهيمن واخيرا سمحتلي ام طه ان احجي ههههه
اني الشيخ مهيمن اكبر اخوتي خريج هندسه بس متوظفت فتحت شركه وشتغلت بيهه واهلي معتمدين عليه
شكلي مقبول
متزوج بت خالي بس ابد مابينه توافق هيه وحده مغروره وكم ولسانهه طويل وكم مره وصلت بيناتنه للطلاك بس لان بيناتنه اطفال اتراجع قبل سنتين صارت مشكله كلش جبيره ومنعدهه حلفت يمين اهجرهه وفعلا ابد ما تقربت منهه بيناتنه سلام وسؤال عن الاولاد بس ماكو غيره
بيوم جنت بغداد بلمكتب مالتي الي سويته خصوصي حته ابتعد عن البيت الدنيه ظهر وحاره وكفنه وجان اشوف بنيه صغيره سبحان الله عليهه عيون غريبات لونهن
تبيع كلنس بقيت اباوعلهه بعدين دزيت السايق مالتي فارس يشتري منهه رغم عدنه بلسياره بس كتله ميخالف روح
المهم ثاني يوم هم مرينه وصار يوميه امر عليهه اشتري جيس كلنس بس حته اشوفه ماجنت انزل من السياره بس فارس
بيوم مريت وشوف سياره بيهه شباب يتحرشون بيهه واحد منهم يجر بيهه يريد يصعدهه بلسياره
ولبنيه تبجي
اني تخبلت نزلت ركظ جريت الولد وشمرته بلكاع نزل الثاني عليه تلاويت ويا رغم هو اضخم مني بس من حركت كلبي كدرت اكتله
انهزمو بعد ما اجا وياي فارس رجعت علبنيه وبقيت اسولف وياهه عرفت هيه يتيمه وزوج امهه يخليهه تشتغل
المهم قررت كل يوم اشتري الكلنس منهه وخليهه ترجع من وكت
فعلا ماخليته بعد تتاخر بلشارع
حته بيوم الي سافرت اكدت عل فارس يروح يشتري منهه
وبيوم اجيت عليهه شفتهه صعدت ويه ناس اني اعرفهم يتاجرون بعراض الناس ركضت وراهم بس مالحكت ركبت سيارتي ولحكتهم همزين لحكت عليهم بنص المزايده ولان اني اعرفهم واعرف نفوذهم ونص الكبايريه وياهم قررت ما اسوي مشاكل دخلت عل مزاد وزايدت عل البنيه ةخذتهه وطلعت رحت علمكان بره بغداد مجان بيه هوايه ناس بس جنت فاير وهناك فهمت منهه سالفتهه كلش ضجت عليهه وقررت اساعدهه
رحت وخطبتهه بس حته اساعدهه لان اهلهه باين عليهم الطمع وميجون اذا مااستفادو
المهم عقدت عليهه وبديت اساعدههى بسمجان بنيتي زاج صدك بعدين تعلقت بيهه حيل خاصه بعد ماعرفت شكد فقيره
يوم عن يوم زاد تعلقي بيهه قررت ان ارتبط بيهه بعد ماعرفت بيه متزوج تراجعت
تركتهه لحد مدخلت كليه بعده قررت اكمل وياهه وخاصه بعد ما تصوبت وشفت خوفه ولهفتهه عليه
بعد ما اخذت موافقتهه عل اتمام الزواج طلعت من بيتهم ورحت عل بيت اهلي اعرف مهمتي كلش صعبه خاصه امي ماتقبل عل زوجتي بس اعتقد ابوي.راح يوكف وياي لان هو كلي اتزوج يدري بيهه شارد من البيت والناصريه من ورى مرتي
المهم قررت اواجههم وشيريد يصير خلي يصير
وصلت الضهر تلكاني جابر
ها الله يجويك شيخ
الله يسلمك ابوي بلمظيف
اي شيخ موجود ويا خطار
