يلله بس بسرعه رحمه لهلك
وصلني للسياره مالتي وهو رجع اني ركبت السياره ونطلقت للناصريه
طول الطريق افكر بطريقه اخلي مؤمل يعترفلي بلي سوى لان مستحيل يعترف بكل سهوله
السياره تمشي وإني امشي بأفكاري
بدت الغمامه الي عل عيوني تزول
تذكرت شلون مؤمل تزوج رباب بت جاسم ابو الهيل الي امي جانت تموت منهم وگالت لو اموت ما تتزوجهه
بس بعد ما نهزمت ابتهال ماحسيت غير امي خطبت رباب وزوجتهه ال مؤمل
معقوله جان ثمن زواج مؤمل خراب بيتي
اي ليش لا والا مستحيل امي جانت تقبل بيهه
تذكرت شلون بليلة هروب ابتهال من رحت لهلي وأمي جابتلي گلاص عصير شربتهه ونمت. لنص الليل
أكيد مخليلي بيه شي وألا شلون انام واني جنت فاير
لو من گالتلي ابتهال امي اجتنه اليوم بس بقت شويه وطلعت أكيد هيه الي خلت الصوره
وگالتلي ادور عل ترجيتهه
أكيد
ظربت علستيرن حيل وإني اصيح
غبي
غبي اني فد واحد غبي صدكت بلي اشوفهه ونسيت البين الصطور
والله اذا ماخليتكم تتوسلون بيهه وتردون بس ترضى عنكم ما اطلع اني مهيمن .
ربي انت اعلم بحالي
شلون تركت ابتهال تضيع مني بذيج السنين
حرامات راحن مني احلا ايام
رجعت تذكرت بناتي حلا وعلا
ياربي شلون بنات مثل نسمت الهوى الطيبه
وارجع اتذكر اخوي والي سوى بيهه واتخبل
الطريق صار مو ساعتين عبالك سنه
وصلت للبيت بقيت بلسياره شويه لحد ما هدئت اعصابي بعدهه دخلت للبيت تلكتني امي
هله يمه الله يجويك
هله يمه شلونج
الحمد لله يمه تعبانه والله الرماتيز حيل مئذيني
الله ينطيج العافيه
وين الولد
والله علاوي طلع يگول عنده لعبه
يو هذا شوكت يبطل ميت مره گتله لا تروح لل لعبه ساعه ونكسر وشيطيبه بعد
يمه جا شتسويلهه كل الشباب تحب الطوبه
هه ماتذكر كبل انت شلون جنت تشرد من ابوك وتروح تسبح بلشط
ويروح وراك ابوك الله يرحمه ويجيبك هههه
هههه اي والله صدك الله يرحمه
صدك مؤمل ما رجع مرته
يبو لاتذكرني الله لا يردهه
ليش يمه خطيه جهالهه
يمه ختولي شني هاي الخبله
صدك يمه انتي مو جنتي ماقابله بيهه شلون زوجتيهه المؤمل اني اتذكر انتي كلتي لو أموت ما ازوجهه المؤمل مو صح شنو الي غيرج
ها يمه والله تتذكر شمدريني ييمه
هسه گوم روح ارتاح وبعدين نسولف
اي يمه صدك صارت عتيكه
المهم اني رايح اسبح وروح للشركه
