البارت العاشر
بيوم الي نجحت بليل خابرني كامره
جنت لابسه ثوب قطيفه لون احمر قصير فتحته جبيره ونص ردن وفاتحه شعري وحاطه ملع شفايف واقرء
اول مسمعت الدگه گلبي گام يدك
فتحت كامره بسرعه وإني اضحك
هلووووووو
هل اوسكت
بقه صافن عليه
هلو ميمو شبيك
گال خرب عمي وج شنو هاي
گعد عل حيله
هاي شبيك ليش هيج تخنزر عليه
ها لا مابيه شي شلونج
ههههه الحمد لله شفت نتيجتي
اي الف مبروك عفيه بلشاطره
ههههه گمت احرك براسي وطير بشعري وإني اسولف ويا شفت شلون شاطره اني
اي اي كلش شاطره
يلله اريد هديتي
مو تتدللين
زيييين شنو هديتي
الي ترديه
يعني أي شي اريده
أكيد الي يخطر بالج
أوكي باجر أگولك
ههه ليش مو اليوم
لاعيني لازم افكر زين اريد هديه مضبوطه
فكري زين بلي ترديه
أكيد ههههه
بقه صافن عليه
ليش صافن عليه
ماادري
شلون متدري
بهوله شنو اني بلنسبه الج
انت انت كولشي بحياتي انت أبويه وخويه وحته امي
يعني شتحسين بيه
احسك سندي مهيمن اني من يوم عرفتك بعد ما اخاف
بس
لعد شنو بعد
لا هيج اروح انام تصبحين عل خير
قبل لا ارد سد التلفون
اني فهمت قصده خابرت عل ام يزن
هلو ام يزن
هلو گلبي شلونج
الحمد لله
صدك مبروك علنجاح الف مبروك
الله يسلمج يلغاليه
ربي يوفقج
أكلج ام يزن رايده اسئلج سؤال
تفضلي اسئلي
أ أ أ مو
ها شكو گمتي تعت عتين هههه
اكلج مهيمن گلي راح يجيبلي هديه وگلي اختاري هديتج
اي وبعدين
بس اني اريده هو ماريد هديه
أها يعني تردين تصيرين زوجتهه
