البارت الرابع والعشرين
حبك يدك بلراس
طائر بلا تغريد
بعد دقائق اندك الباب
گام ابو يزن فتح الباب
اهلا ابوعلاي تفضل
السلام عليكم
اهلا مهيمن
خير منو شكو
والله هذا أخوهه شو جاي نافش ريشاته علينه ويريد حك اختهه
حگهه
شلون حگه
تعال ندخل ونشوف
السلام عليكم
وعليكم السلام.
شلونك. شهوبي
الحمد لله شيخ
شلونك ام يزن
تسلم خيي انت شلونك
الحمد لله بخير
استريح بويه شهاب
الله بلخير مهيمن
الله بلخير ابو يزن
أي شهاب خيرك گالو رايدني
أي رايدك اريد افتهم السالفه شني
أي سالفه
عدلت گعدتي وگتلهه شيخ مهيمن اني اصغر منكم كلكم بس اريدكم تسمعوني
وما تقاطعوني
تفضل احجي
اريد اسئلكم كلكم الي عرفته انتو تعرفون اختي من عمرهه ١٣سنه
يعني بعده طفله كلشي ماتفهم وانتو الي ربيتوهه هيه حجتلي عنك وعنكم هم
والله شاهد حبيتكم من خلال حجيهه
حته انته ابو علاوي من گد ما حجت عنك كلڜ نعجبت بشخصيتك
وگتله ال ابتهال تره مهيمن يحبج حيل
زين انتو الي ربيتوهه شتگولون اختي تسوي الي صار
ها يعني اختي تطلع منهه هاي السوايه
صح ما أنكر هيه غلطت بهروبهه بس ماسئلت نفسك ليش هربت هربت لأن خافت من عندگ ولأن اخوك خوفهه ونقل الهه أحداث مو صحيحه
اختي ماعدهه شي واذا عندك اثبات عليه گوله واذا ماعندك اثپات صدگني راح أوگف بوجهك
وأخذ حك اختي
أحم. خلصت حجيك لو بعد عندك حجي
لا خلصت.
شوف شهاب انت هسه ثبتتلي انك زلمه صدك الي عدهه هيج اخو اكيد ما يوم تنظام
وهسه اني اريد احجي
شهاب منو گلك اني صدكت بلحجي الي سمعتهه
وإني شنو سويت من سمعت بلحجي ها گلي شنو سويت
اني ماسويت غير صدك قفلت الباب عليهه حته اروح اتحره عن الشغله وارجع
ثق بالله. حته من سمعت
أشرت بئصابيعي
لا ظربتهه ولا طردتهه ولا سويت اي شي
واحد غيري بعد الي شافه جان ذبحهه بس اني لا جنت اثق بيهه ثقه عمياء
ما صدكت ابد
بس هيه مع الأسف سمعت من هذا وذأك وشردت
وتالي لا خلتني اني افهم
ولا واحد يصدك بيهه أن هيه ما مسويه شي
