البارت الثالث عشر
حبك يدك بلراس
طائر بلا تغريد
مساء السعاده عل عيونكم
اسفه البارحه مجانت عدنه كهرباء المحوله طكت وضلينه
مشينه بلسياره والولد گاعد بلسدر يدلي بأبو يزن
أخر شي وصلنه البستان جبير دخلنه مابين الزرع مسوين سوباط مال عنب
منا ومنا شجر وعنب وتين أشجار حلوه بس جان خالص وقتهن لان بحدود الشهر العاشر
وگفت السياره گدام بيت حلو وبيه بابين
خياتي فوتن من هذا الباب راح تلگن اهلنه متانيجن
ونت خيي فوتنا منا
دخلنه لگينه حديقه جبيره متعوب بيهه
كلهه أشجار حلوه
مشينه بطارمه جبيره تلگتنه مريه هيج عمرهه بلخمسين وياهه ثنين بنات
وحده عمرهه تقريبن 18سنه والثانيه عمرهه تقريبن 25سنه بس حيل مرتبات
لبسهن گلبيات بس حلوه
اهلا وسهلا هله بيجن هله بريحت العزيز
السلام عليكم خاله شلونج
بعد خالتج هله بيجن
بوستنه بعدين اجت البنيه گالت السلام عليكم اني زينه اخت شيخ مهيمن ابتسمتلهه مبينه حبابه بوستهه
السلام عليكم اني نورس زوجت شيخ مهيمن
تفاجئت بيهه بعده زغيره وحلوه خرب هاي لو تدري بيهه شراح تسوي
سلمنه عليهن ودخلنه
تفضلن يمه اهلا وسهلا
يمه زارتنه البركه
الله يخليك خاله
يمه منهي ام يزن
اني ام يزن وهاي ابتهال اختي
أها يا أهلا وسهلا
تفضلن استريحن وهسه دقائق ويجهز الغده
بس خاله بلا زحمه اريد بس اروح للحمام
اي تدللين خاله
زينه
ها يمه
تعالي اخذي البنات الغرفتهن خلي يرتاحن ويبدلن علما يزهب الغده
تفضلن منا
هاي الغرفه الجن وبيهه حمام اخذن راحتجن
طلعت وسدت الباب
ولج هاي شنو شلون حيات عايشين
شبيه حياتهم
تخبل والله شفتي المزرعه
يعني يعجبج تگعدين هنا
اي والله لو أگدر ولا اروح منا ولج الگعده هنا ترد الروح وترجع الشباب
هههه اي والله صدوك بس شفتي نورس شلونهه
اي ولج مبين عليهه وكحه
اني خفت منهه
هههه وعلي جاي اتخيل شلون اذا درت بيج مرت مهيمن هههه يمكن تخليج كل كتر بمكان هههههه
لا عيني شني شحده اني هم مو سهله تره
هههه فوتي فوتي مو سهله ولج انتي اذا واحد حاجاج بلشارع تگومين تبجين
يو ام يزن ليش تخوفيني
ولج مو اخوفج بس غير افهمج حته تعرفين شلون تتعاملين وياهن
