البارت التاسع عشر
حبك يدك بلراس
طائر بلا تغريد
طلعت عمتي وإني بقيت صافنه هاي عليمن اجت وليش مشت لشويه اج مهيمن
السلام عليكم
هلو حبي وعليكم السلام
صبينه ميت جوع
فدوه العينك مو تدلل
صبيت وكعدنه نتغده
مهيمن اليوم اجت عمتي
صدك شرادت
والله ما ادري اجت گالت اريد اتغده وياكم كتلهه كل الهله دخلت اجيب اله عصير رجعت مالگيتهه
شويه طلعت من الممر مال الغرف
شو خلت وراحت
شنو يعني كلشي ماگالت
لا والله ابد. حته. تجلبت بيهه ماقبلت
والله ما أدري العصر أمر عليهم وسئله
طلع مهيمن وإني بقيت بحيره من وره عمتي خابرت عل امي
الو ها يمه شلونج
الحمد لله انتي شلونج
والله يمه اليوم صارت شغله وانتي گتيله اي شي يصير گليلي
اي عفيه شكو شنو الصار
سولفت لمي كولشي
شوفي يمه تتذكرين البطل الي جبته الج ذاك اليوم وگتلج ظميه
اي يمه عندي بعده
خوش باجر تگومين علبيت تنضفينه كله تغسلينه وتلزمين البطل تخلينه ابصطل ماي وترسينه وترشينه بلبيت كله حته المطبخ والحديقه وخاصه غرفتج
ليش يمه هو شنو بيه هذا البطل
يمه هذا بيه بطله حته تبطل كل عمل مو زين
ها والله يمه طلعتي مو هينه هههه
ولج يمه من لوعت گلبي. والشفته من وره عماتج لعبن بيه لعب بسحارهن لحد ما اجت مره جيرانه حجيتلهه البيه راحت جابتلي هاي البطله وگالت ترشينهه بغرفتج وعلى ملابسكم صدك من سويت هيج رجع رجلي يموت عليه
عزه الله لا ينطيهن والله
اي يمه ذني يكرهنج والتكره كلشي تسوي
زين يمه من الصبح ارشه
اي عفيه وديري بالج عل رجلج
إن شاء الله
سديته من امي وإني خفت بلزايد هههه
صدك ثاني يوم سويت الي گالت الي عليه امي
مرت ايام ومهيمن گام يوميه يسئلني عل محمد
ابتهال هم تشوفين محمد
لا مو دائمن ليش
ها لا بس سؤال
لو گام يفتش وراي بلمبايل ومن اسئله يگلي هيج اريد اباوع الصور. مالت الزواج لان اني مخليتهن بلمبأيل
الى ان اج يوم التخرج
جنت طايره من الفرح لبست فستان تركي نيلي وأحمر
وعليه حزام والسنه كول البنات حجاي احمر والولد ربطه حمره وقاط اسود
رحنه للحفله بس شني مهيمن طلعهه من عيني
گعدي هنا
لا تتحركين
لا تضحكين
لا لا. لا لا موتني وإني ساكته اريد بس تخلص الحفله عل خير
أخر شي اصطفينه حتي ناخذ صوره جماعيه
صارت وگفتي يم محمد
