البارت الخامس
حبك يدك بلراس
#طائر بلا تغريد#
مساء الورد الأحمر 🌹🌹🌹🌹🌹🌹
يهل رحت ومشيت وماتركت اعذار
حجايه وياك عندي ورايد احجيها
ظلت صورتك ماترضى عني تروح
نار بقلبي تلهب من أصد ليها
روحي أشكد تحبك صعبه من تنساك
موسهله انتفارك يالعشت بيها
صار اهواي اتاني ترد مارديت
ولاناشدت روحي اشبيهه مابيها
انصحك اني وليضحكك لاتروح اوياه
على درب الخطر روحك يدليها
عندي اوياك كلمه ودمعه بيها اجروح
اظل بالدمعه خايف لمن ابجيها
وأحس بالكلمه صعبه وتقصدك بالذات
روحي تصيح بسمك مره حاجيها
شلت راسي شفته يباوعلي وعيونه تجدح نار
خفت منه بس بالي بقه يمه حيل نعجبت بيه
بقيت افكر بيه
ثاني يوم الصبح طلعت اخذت جيس الكلنس وطلعت للشارع
صارت الساعه بلعشره وكفت يمي سيارة الشيخ
نزل منهه هلمره لابس قميص وبمطرون
ونضارات طالع يموت
باوعتله ابتسمت ما ادري ليش
شفته. خزرني وصل يمي گعد گبالي
گلي
ليش جيس الكلنس
كوله
اي كله بيش
كتله ها شتسوي بيه كوله
معليج انتي
كيفك ب٢٤,الف
طلع ٢٥نطانياهن
بس خلي احسب شكد مبيوع منه
مو مهم نزع نضاراته باوع لعيوني ورجع لبسهن وگام للسياره التفت گلي يلله روحي البيتكم لو بعد عندج تبيعين
ها لا هو بس هذا
اجه فارس اخذ الجيس وراح
بقيت اباوع السياره لحد مختفت رجعت للبيت
ها ولج شو جايه من وكت
مو بعت كل الجيس
لا صدك هههه عفيه عليج
كون كل يوم هلشكل
الله كريم
شنو غدانه
سويت تشريب لبلبي
اي عفيه جوعانه
يلله تعالي راح اصب ونتغده
ثأني يوم من الصبح بدلت وخذت الجيس ورحت
فرشت فراشي وگعدت هلمره مابعت من الجيس. صارت الساعه بلعشره. طبكت سياره يمي رفعت رأسي واشوف نفس الشخص نزل اول ما شفته ابتسمت كأنما اكله منتظرتك وفعلا جنت منتظرته
سلام شلونج
هلاو انت شلونك
الحمد لله تالي وياج ماراح تبطلين
