البارت الثامن عشر
حبك يدك بلراس
طائر بلا تغريد
مسائكم ورد،🌼🌻🌺🌹💮🌸💐
سمعنه الباب يندك حيل وصوت بلباب
يمه منو هذا مهيمن
ماأدري ظلي هنا لتطلعين
راح مهيمن وإني لبست روب وطلعت اتسحب ورى
أسمعه يحجي
منهو هذا
اني يشيخ اني افتح الباب
نورس هاي شجابج
اجيت اهنيك بعرسك مايصير
نورس صيري عاقله ورچعي البيتج
هو وينه بيتي ماتگلي صارلي سنين وياك مابنيتلي بيت
وهاي بعدك ماعاقد عليهه بنيتلهه قصر
اول شي لتعلين صوتج
ثاني شي هاي مرتي وإني بنيتلهه بيت حته نخلص من مشاكلج
يا مشاكل هاي لو مو انت ما كو مشاكل تره
هيه وينهه وينه الك...... ام الرجوله
نورس احترمي نفسج وطلعي بسرعه
شويه واسمع صوت رجال دخل للبيت وصاح
نوس وين جايه اني مو گتلج لا تطلعين
أهي أهي اجيت اشوف رجلي الي عافني
اسف شيخ والله حذرتهه من الطلعه وجنت حابسهه من الصبح لسه بس هسه غافلتني وطلعت
خويه اني اذا مقصر گول انت تدري بكلشي وتعرف اني تاركهه عل ذمتي علمود الصغار
لا خويه حشاك من التقصير والله اني الما أدري وين انطي وجهي منك اسف يخوي وعتذر منك
يلله انتي امشي جدامي بسرعه فشلتيني
الله كريم الله ياخذلي حقي منك ومنهه
امشي بسرعه
طلعو وسد الباب وإني رجعت للغرفه
تأخر شويه
بعده اج الغرفه
ها حبي منو ذوله
ها ماكو شي
شلون ماكو شي تره كولشي سمعت
گعد علچربايه ومسح وجهه بجفه وزفر وگال
اسف اذا خليتج بهلموقف
گعدت لزمت جتفه وگتله لتتئسف انت مسويت شي غلط
انت خيرتني وإني اختاريت
اتمنه اسعدج وما خلي واحد يئذيج
إن شاء الله يلله حبي تعال نام
ثاني يوم اجا امي وام يزن البيتنه
جابن ريوك وأجن تلگيناهن اني ومهيمن
صباح الخير خاله
صباح الخير يمه شلونكم
الحمد لله
ها يمه شلونج
الحمد لله زينه
بعده گعدنه تريگنه كولنه وسلممن علينه ورجعن البغداد
الضهر اج مهيمن اني بغرفه گاعده
حبي گومي حظري نفسج راح يجي ابوي واخوتي يسلمون عليج
