البارت الخامس والعشرين والأخير
حبك يدك بلراس
طائر بلا تغريد
رجعنه للبيت وكف سيارته بلباب
ها مهيمن تنزل
البنات هنا
اي هزيت راسي
خاف ميعرفني
لا اني حاجيتلهن عنك
شگايلتلهن
كولشي يعرفن حته شلون تعرفت عليه جانت من يشتاقن الك اطلع الهن صورتك وابقه اسولفلهن
زين وين گايلتلهن اني
مسافر
نزلت ومديت أيدي اله. يلله گوم
طفه السياره ونزل
دفعت الباب ودخلت
وأيدي بئيد مهيمن
من وصلنه للصاله لگينه شهاب گاعد ويمه البنات شافني اجن يركظن
هلو ماما
هلو حياتي شلونجن
وين جنتي
باوعت لشهاب ابتسمت هههه خوش مفاجئه مسويلي
شلوني بلله
ههههه فدوه الطولك خويه
التفتت شفتهةماهو صحت
مهيمن
تره مهيمن وياي
ها وينه لعد ليش ميدخل
بنات تعالن شوفن منو اجه من السفر
دخل مهيمن والبنات صفنن عليه
ماما منو هذا
ركعت صرت بطولهن حظنتهن من وره كتلهن هذا بابا
شنو بابا رجع
بلي رجع
ركظن عليه حظننهة
ويبوسن بيه
حظنتهن بقيت اشتم بيهن الله ياريحتجن
بابا بعد متسافر مو گلتله حلا
لا باباتي ما اسافر
هيييي يعني حتعيش ويانه
باوعت لبتهال. ودنگت اكيد انتو راح تجون تعيشون وياي
علا ماما يعني بعد منسافر التيته منال
باوعلي مهيمن بستغراب منو تيته منال
هذي مريه عشت وياهه من سافرت المصر صارت مثل امي والبنات متعودات عليهه يصيحلهه تيته يعني بيبي
أها هزيت راسي لا بابا بعد ماكو مصر ولا غير مصر كافي بعد ست سنوات
أوكي كالت علا
حلا بس بشرط متبتعد عنه بعد
جريتهن الحظني حيل وإني ابوسهن مستحيل ابتعد عنجن ابد
بقينه گاعدين راح شهاب جاب عشه من بره
فرشنه بلصاله وتعشينه والبنات داير مدايري مهيمن گاعدات
بعده مهيمن استأذن وراد يطلع جلبن البنات بيه
ما متروح الله يخليك تدك حلا برجلهه بلگاع وتبجي
علا اذا تروح اروح وياك
