ப்ரியசகியே!(Completed)

சகி-16

                        

வீட்டினுள் வந்த மாதுவோ சிந்துவை தேட அவளை கவனித்துக்கொண்டிருந்த ரஞ்சனியோ ‘அவ ரூமுக்கு போயிருக்காமா இப்போ வந்துருவா நீ வா நம்ம காஃபி குடிக்கலாம்’என

‘இல்ல ஆன்டீ அவளும் வரட்டும்’என்றுவிட்டு அங்கேயே அமர்ந்துக்கொண்டாள்.

தன்னறைக்கு வந்த சிந்து பேகில் தினிக்க முடியாமல் தினித்திருந்த அந்த பையை எடுத்து கப்போடிற்குள் வைத்துவிட்டு முகம் துடைத்துக்கொண்டு கீழே வந்து சேர்ந்தாள்.

வரும்பொழுதே ‘அம்மா தலை வலிக்குதுமா’ என்றவாரே வர அவரோ முன்பு பேசியிருந்தபடியே ‘மாத்திரை போட்டியாடா?’என்க

‘இல்லம்மா இனிமேதான்’

‘சரி அப்போ இந்த காபி குடிச்சுட்டு மாத்திரை போட்டு கொஞ்சம் தூங்குடா’

‘வெளிலப்போகனும்னு சொல்லிருந்தீயேமா எப்படி தனியா போவ’என கவனித்துக்கொண்டிருந்த மாதுரியோ வாசுவிடம் திரும்பி ‘ஏன் அங்கிள் நீங்க போகலையா?’என அவருக்கு முன் சிந்து பதிலளித்திருந்தாள்

‘இல்ல மாது அப்பாவுக்கு இன்னும் கொஞ்ச நேரத்துல ‘கால்’ இருக்கு நான்தான் அம்மாவ கூப்டிட்டு போறதா சொல்லிருந்தேன்’ என வருந்த

‘அதனால என்ன சின்னு நான் ஆன்டீக்கூட போய்ட்டு வரேன்’

‘உனக்கு வேற வேலை ஏதாவது…’என அவள் தயங்க

‘அப்படி தலபோற வேலைன்னு ஒன்னுமேயில்ல. சோ….’என்று ரஞ்சனியின் பக்கம் திரும்பியவள் ‘என்ன இன்னும் நின்னுட்டு இருக்கீங்க...க்விக் க்விக் சீக்கிரம் கிளம்புங்க பார்ப்போம்’ என பொய்யாக மிரட்ட அவரோ

‘சரிங்க மேடம்’என்று சென்றுவிட்டார் இவளும் கிளம்பிவர சரியாக இருந்தது. அவர்களுக்கு கையாட்டிவிட்டு சிந்து வர வாசுவோ

‘அடுத்து என்ன?’

‘அவங்க வரதுக்கு இன்னும் எவ்வளவு நேரமாகும்?’