نصيبي "ابـن عمي"

الــحــلــقـــة 1

فـي بداية 2011

4:00م

انا »» نجلاااااء يانجلااااء

نجلاء »»هااا كنك؟

انا »» نجلاااء قولي لبابا يرفعنا للسوق عشان نشروا دبش ☹

نجلاء »» باه باه

"مشت نجلاء حايلت ع بابا ورفعنا للسوق...شرت نجلاء قفطان ابيض قصير فوق الركبة وانا شريت قفطان ازرق ملكي عشان فرح عمي الصغير.."

نـعرفكم ع روحـي....

اسمي بسمـة (سـومة) عمري 16 سنـة...منقراش بسبب الظروف...مواصفاتي عيوني عسليات...شعري بني لعند كتوفي...مش دبدوبه ومش رقيقه...يعنـي حلووة ^^

اختي نجلاء عمرها 15 سنـة...تقرا ثالثه اعدادي...مواصفاتها عادية وعيونها كبار وشعرها اسود طويل..

بابا خالد وماما زينب...

عندي اخ واحد عمره 11 سنـة اسمه محمد...واختي الصغيره مودة عمرها 8 سنين...
.
.
.
"شرييينا كل حاجه ومشينا لحوش عيت جدي...كانن ملتمات بنات عماتي واعمامي كلهم....سلمنا عليهم قعمزنا وقعدنا نغنوا وندربكوا.."

ساجدة بنت عمي »»وووووه تعبت من الرقص

البنات »» هيا سووومة ارقصي

انا »»شنووو 😳😳

ساجده »»هيا وراس سوومة

انا »»اووف بااه

"صبيت ولفيت المحرمة ع خصري وقعدت نرقص"

انوار بنت عمي »» يابطة ميحي مييحي..يابطة راكي اطيحييي 😂

انا »»ههههههه حقيرة

"شويا وخش وليد ولد عمي"

وليد »» 😳😳 "وطلع بكل هدوء"

انا »» ووووه وووووه عليا شافني ونا نرقص كلله منكن 😱

هبة »» عاادي مدوريش
.
.
.
"مـرررر الوقت وتعشينا...غسلنا الماعين وطلعت برا نغسل في يديا وشفت وليد مقمعز"

وليد صبا »» اا كنت نرجا فيك...اسف بدري خشيت عليك وانـ. "قطعت عليه"

انا »» عادي ولايهمك

"مشا وليد وانا خشيت جوا....سهرنا نهدرزوا ونضحكوا لعند الساعه 12 ورقدنا"
.
.
.
~~~~~~~~~~~~~~~~~
صبـاحـاً...

"نـضنا الصبح ع صوت هرجة صبيت وبحتت مع الروشن لقيت وحدين جايين يركبوا في الخيمة والزينة...خشيت للحمام توضيت وصليت وخشيت للكوجينه لقيت العيلة كلهم ملتمين"

انا ببتسامة »» صباحوا

الكل »»صباح النور

حنينه »»ويين ويين ياحنه نوم لعند الساعه 11 ونص

انا قعمزت جنبها »»هههههه ماهو امس سهرنا ياحنينه

حنينه »» اهاا وباه

"فطرنا وقعدنا نضموا فالحوش...ضميناه كله وكانت بكرا التطريفه...حطينا الموز في اطباق ووتينا الموالح..."

ماما »» اااه تعبت بكل....سومة جيبيلي اميه

انا »» حاضر ياماما

"مشيت للكوجينه تلاقيت مع عمي احمد واللي هوا العريس"

انا »» ههههه اهلا ياعريس

احمد »» اووو سومة...شنجوك وشن دايره

انا »» تمام الحمدلله...وشخبار ايمان

احمد »» اهو دايرتلي طروح مانكلمكش اسبوع العرس عشان ترايف عليا 😒

انا »»هههههههه مسكيين 😂

احمد »»ههههه متشمتة صار

انا »» اهاا 🌚

"هدرزت معاه شوي وجبت لماما الميه...ولعنا المنظومة وقعدنا نرقصوا ونغنوا عليها ومشا جونا يهبللللل....في العشيه جن الجارات يساعدن فينا وسمعت وحده تحكي مع ماما"

جارتنا »»...............

ماما »»..................

انا انصدمت...
.
.
.
يـــتــــبـــــع_🙈❤

رايكم فالبداية ومازااال الاحداث المشوقة...