"بعد ساعتين رنت عمتي وقالت وليد وصل....لبست احلى لبسة عندي ودرت مكياج خفيف ومشينا لحوش عيت عمي....سلمنا عليهم وجيت شور وليد "
انا »» الحمدلله ع سلامتك "جت عيني في عينه فاللحظة هذي وتمنيت الزمن لو يوقف بينا"
وليد مسك يدي »» طالعه سمحه "وغمزلي"
"تحشمت منه عالاخررررر وسكتت وقعمزنا...مشيت للكوجينـة وقعدت نوتي معاهم...وتينا بيتزا وشاهـِ وضيفتهم.....ع فكرة مفيش حد عارف ان وليد يبيني غير بابا وجدي وعمتي"
.
.
.
~~~~~~~~~~~
بعد نص ساعه...
"الكل انشغلوا ويحكوا وليد غمزلي وطلع برا...بعد شوي لحقته للجنان"
وليد بفرح »» رايفتلك ياعيوني
انا قعدت نبكي »» واناااا اكثرررر....مش عارفه كيف مـررن اكثر من 5 شهور بدونك
"حضنته وقعدت نشم في بنة عطـره وقريب دخت...ضغطت ع كتفه"
وليد »» ااااه
انا بخوف »» اسفه اسفة صارتلك حاجه 😳!!!!
وليد »» هههه لالا....هيا نخشوا
"خشينا جوا ومن حظنا محـد شافنا......قعمـز وليد وانا مصادرته...قعد ينابش فيا ومره مرات نقعد نضحك...مـررر الوقـت وجـاء المغرب...خشن الصبايا للكوجينه وقعدن يديرن فـ العشاء والرجاله يصلوا فالمغرب...طلعت برا للجنان لحقني وليد"
وليد »» سـومة
انا »» عيونها
وليد »» نحبـك
انا »» نمووووت فيك
"بعدها سكتنا شوي وقلت"
انا تنهدت »» وليد خايفة يجي يوم وتسيبني
وليد حط يده ع فمي »» اشش معاش تقولي هكي...مستحيل نسيبك لاني نحبك وماعمري فكرت فغيرك..نبي نحاربو الدنيا مع بعضنا...خاطري نتزوجو ونجيبو عيال ونحكولهم قصتنا وكيف حبيتك وحبيتيني...نحبكككك ياسومة
انا بحتت فيه وبفرح »» ربي مايحرمني منك ❤
.
.
.
~~~~~~~~~~~~~~~~~~~~~~
بعـد العشاء...
"روحنا للحوش وخشيت لداري، بدلت دبشي وحكيت مع وليد شوي،،..قعدت نتفرج عالـtv نعست ورقدت
.
.
.
~~~~~~~~~~~~~~~~~~~~~
صباحـــاً....
"نضت الصبح ع صوت عالي....بحتت مع الروشن لقيت بابا جايب كاشيك يغرف في الرملة....غطيت ذاني وحاولت نرقد ماقدرتش...بعد شوي خش عليا بابا"
بابا »» هيا معانا نا ونجلاء ماشية لعيادة الاسنان
انا »» وماما؟
بابا »» امك ومحمد ومودة عدوا لخالتك سلمى مريضة
انا تنهدت »» بااه
.
.
.
"لبست بلوزه مخربشة وسروال جينز ازرق....طلعنا نا ونجلاء شفنا صاحب الكاشيك قاعد يبحت فينا 👀...نزلنا روسنا ومشينا للسيارة"
.
.
.
"مشينا للعيادة،...نزلت نجلاء وبابا ونا قعدت فـ السيارة....بعد نص ساعه جو وروحنا للحوش...ومرررر اليوم ع خير"
.
.
.
~~~~~~~~~~~~~~~~~~~
صباح اليوم التالي...
نضت مشيت للحمام توضيت وصليت الصبح...خشيت للكوجينه لقيت ماما تدير في كسكسي"
أنت تقرأ
نصيبي "ابـن عمي"
Romanceرواية واقعية للكاتبة سـرو الحاسي...باللهجة الشرقاوية مع شوي غرباوية ^^ 💛...تتكلم عن بنت وحياتها وكيف ربي جمعها بشخص ماكانتش تتوقعه والمشاكل اللي يواجهوهن والصعوبات اللي تصيرلهم 💕💕...لا اسمح بنقلها 💙
