نصيبي "ابـن عمي"

الــحــلــقـــة 10

عمتي جميلة »» حتى وكان ووليد كبير وواعي لقراراته....خليه براحته ووالله سومة كويسة ومافيش منها زين واخلاق وجمال....وكان ع خوي توا نحكوا معاه

"قعدن عماتي يقنعن في مرت عمي نجاح وبعد جهدددد جهييييد"

مرت عمي نجاح »» تمام موافقه

عمتي ابتسام »» لولولولولوليييي

"ابتسمن حنينه ونجاح ومشت مرام هي وياسمين للكوجينه يوتوا في حاجات"
.
.
.
~~~~~~~~~~~~~~~~~~...
جدي وعمي منصور وراجل عمتي ابتسام وراجل عمتي جميلة..،

جدي »» ها يامنصور ايش صار فموضوع العيل

عمي منصور توتر »» مش موافق

جدي »» لييش!؟

عمي منصور »» والله ماكنت نبي ناخذله وحده تقربله

جدي »» بس سومة تفرق!!!

راجل عمتي "حسين" »» نشهد بالله انها بنت كويسة وخالد مربيها احسن تربية

جدي »» هاا سمعت الكلام....،العيل يبيها وهي تبيه ومش عشان تقربله معناها خلاص !!

عمي تنهد »» باه، بس نعطوا فيها كلمة وشوف حتى العيل مازال صغير

راجل عمتي »» عادي حتى 5 سنين

جدي »» تمام 5 سنين وبالمرة يكون واتي!!
.
.
.
"اتفقوا الرجاله بعد يومين يجوا ويعطوا في سومة كلمة ومدتها 5 سنين"
.
.
.
~~~~~~~~~~~~~~~~
عنـدي....
"رن عليا وليد وحكالي...،فرررحت واجد وفنفس الوقت حزنت...من جهة اني حـ نكون لوليد..ومن جهة 5 سنين واجد بكل وكل ماطولت فترة الخطوبة كل ما تقعد بايخه"
~~~~~~~~~~~~~~~~~
بعد مرور يومين....

الظهـر...
"كنا قاعدين فالكوجينه ونوتوا بعد ماشرينا كل حاجه....عمتي ابتسام قعدت عندنا هي ومرت عمي منى....اما الباقي جايين مع اهل وليد"

انا بقلق »» خايفة!

منى »» من شنو ياهبلة....مش فاتحه عاد وبعدين انتوا اولاد عم مش برانيه ع بعضكم "وغمزتلي"

انا »» ههههههه باردة

ماما »» هيا هيا ساعدننا وانتن من بدري تحكن!!

انا ومنى »» ههههههه

"وتينا كل حااااجه وخشيت مع منى لداري...استشورتلي شعري وبدت تمكيج فيا...بعد قريب ساعه كملتلي وطلعت نهبلللللل....عالساعه 4 ونص سمعنا صوت سيارات وطلعن ماما وعمتي....جونا حنينه ومرت عمي وعماتي الاثنين وخالت وليد وبنتها فاطمة"

"وتيت روحي وطلعتلهم"

عمتي نجاح ببتسامة »» تعالي قمعزي جنبي

"قعمزت جنبها ونا متحشمة وقالتلي"

مرت عمي نجاح همستلي »» هذي من وليد..."ومدتلي سلسلة ذهبية مكتوب فيها حرف S"