"خشيت قلت لمودة تلبس...اما نا لبست قفطان وردي طووويل ومستور وبكمام ومادرتش مكياج عشان جدي الله يرحمه...لبست عبايتي ووشاحي الاسود ومودة لبست ومشينااا"
.
.
.
~~~~~~~~~~~~~~
"وصلنا للعمارة ونبضات قلبي يزيدوا كل ماقربنا من العمارة....نزلنا وشلت معاي سفرة الكيكة وخشينا مع العمارة وطقينا"
فتحت مرام »» اهلييين اهلييين تفضلوا
"سلمنا عليهـا وخشينا جوا ولقيت حنينه قاعدة مع مرت عمي نجاح....جيت سلمت ع حنينه وجيت لعمتي نجاح"
عمتي نجاح ابتسمت »» كيف حالك يابسومة؟
انا تحشمت »» الحمدلله
"قعمزنا جنبهن وقعمزت جنبي مرام وهمستلي"
مرام »» وليد قاعد يلبس ومشيك من بدري عشانك
انا »» ههههه اسكتي ياسخيفة
مرام ضحكت »» هههههه
"طلعنا للكوجينه نا ومرام قعدنا نديروا في قهوة"
مرام نخصتني »» اطلعي لوليد!
انا بارتباك »» اا لالا منقدرش
مرام »» غيرر اطلعي يرجا فيك من بدري
انا »» لالا توا يشوفوني!!
"دفتني مرام بالغصب وطلعتني برا ولقيت وليد....كان طالع يهبلللللللل بحتت فيه وعيوني مليانات دموع وجيت شوره واضبطته بكلللل قوتي"
انا ونبكي »» راااااايفتلك رايفتلك وحق ربي...
وليد »» والله ونا اكثر ياعيوني
"قعمزني وليد جنبه عالدروج ومسك يديا وقعد يحكيلي عن كل شئ صار معاه وانه قريب حــ يكمل الشقة ونتريحوا...مافطنتش الا ومرام طلعت بكل قوووة "
مرام »» سووومة خشي خشي امك تدور عليك
"خشيت نجري للكوجينه وجت ماما"
ماما بعصبية »» وين كنتي؟
انا »» كـ كنت مع مرام اسأليها
مرام »» اها صح ياعمتي
ماما »» اهااا "وردت خشت"
"تنهدت بإرتياح ووتينا القهوة والباستي وضيفناه للصبايا....بعد شوي ع اساس اني داخلة للكوجينة طلعت برا"
وليد بخوف »» شن قالتلك؟؟
انا »» هههه ماشافتنيش
وليد »» الحمـدلله...توا خشي جوا عشان مايشكوش فيك
انا »» باه
"قبل مانخش جوا وليد التفتلي وعيطلي"
وليد »» سوومة
انا ابتسمت »» نعم
وليد »» نحــبك
انا بخجل »» نمووت فيك
أنت تقرأ
نصيبي "ابـن عمي"
Storie d'amoreرواية واقعية للكاتبة سـرو الحاسي...باللهجة الشرقاوية مع شوي غرباوية ^^ 💛...تتكلم عن بنت وحياتها وكيف ربي جمعها بشخص ماكانتش تتوقعه والمشاكل اللي يواجهوهن والصعوبات اللي تصيرلهم 💕💕...لا اسمح بنقلها 💙
