وليد بصوت نعسان »» وحتـى نا....اسمحيلي سومة توا نعساان ونبي نرقد توا نحكوا بكرا "وسكر"
"وجعتني روووحي وعزقت النقال قعدت نبكي....الايام هذين معاش يهتم بيا وزادها البرود متاعه 💔....خشيت للحمام وفتحت الدوش وقعدت تحته ونا نبكي....بكيييت بكييييت لين فشيت خاطري....رديت للدار ورقدت ونا دموعي ع خدي"
.
.
.
~~~~~~~~~~~~
صبـاحــاً...
"نضت وصوتي مبحوح من البكاء وعيوني حمر ومتورمات...طلعت النقال ولقيت رساله من وليد"
(اسـف ياعيوني...والله اشتغلت وااجد امس ورقـدت طول...نحبك والله)
"دموعي تحولوا لابتسامة بس ماحبيتش نرد عليه عشان نحرق دمه....مشيت للحمام حشاكم توضيت وصليت الصبح وخشيت للكوجينه صبحت عليهم وقعدت نفطر....اليوم كـان الاحـد....طلع بابا ونا قعـدت مكسدددددة بروحي...خشيت للدار لقيت رسائل من وليد"
(ردددي)
(وينك)
(عارفك مازلتي زعلانه...خلاص عاد قلنا اسف)
"قعدت نضحك واحسن حاجه حرقتله دمه ورنيت عليه في اقل من ثواني رد"
وليد »» ايووووه....ويييينك من بدري ندزلك في رسائل
انا درت روحي نبكي »» بعد كل اللي درته تبيني نحكي معاك!!
وليد »» والله اسف اسف اسف....عارف روحي والله حتى امس كنت نعسان ومش فاطن لروحي
انا بحزن مصطنع »» باه
وليد »» نحبك...نحبك...نحبك...والله مايهون عليا زعلك ياطشتي
انا »» وحق ربي نموووت فيك...والله امس مارقدت ونا نبكي
وليد »» سمحة وانتي تبكي راه
انا ضحكت »» ههههه بارد...بعدين امتا عمري بكيت قدامك؟
وليد »» ههههه زمان ونحنا صغيرين لما نضربك
انا »» خززي بارد
وليد »» مش عارف كيف حببتيني فيك...زمان معتبرك كيفك كيف اي بنت عم ونفس اختي....لاكن من عرس احمد ونا مركز عليك
انا »» والله وحتى نا....امممم المهم انحبك
وليد »» ناعليا وخلاص من الرايق
"تحشمت وسكتت اما هو ضحك وكملنا هدرزتنا"
.
.
.
~~~~~~~~~~~~~~~~~~~~
بعــد مــرور شهـرين...
وتحـديدا قبل 3 ايـام من عرس نجـلاء...
انا »» انوووار انووووار
انوار »» نعممم
انا »» جيبيلي سطل المسير بسرعه
انوار »» بااه بااه
"كنا قاعدين في المخزن الكبير نا والبنات وصبايا اعمامي وعماتي وخالاتي الاثنين...نوتوا في الحاجات عشان التطريفة بكرا....اما نجلاء قاعدة في الدار ومعاها الحناية تحني فيها"
.
.
.
"كملنا تجهيزات الموالح والسلاطات وساجدة قعدت تدربك ونحنا معاها....ولعنا المنظومة بصوت عالي ع اغنية علييه نغير ومن الاخير نحبببه نحبببه....صبينا نا والبنات قعدنا نتراقصوا"
أنت تقرأ
نصيبي "ابـن عمي"
Roman d'amourرواية واقعية للكاتبة سـرو الحاسي...باللهجة الشرقاوية مع شوي غرباوية ^^ 💛...تتكلم عن بنت وحياتها وكيف ربي جمعها بشخص ماكانتش تتوقعه والمشاكل اللي يواجهوهن والصعوبات اللي تصيرلهم 💕💕...لا اسمح بنقلها 💙
