"فررحت واجد وقلتلها تمام.....دزتلي رقمها وخشيتلها عالفايبر وزدت تعرفت عليها امثر واكثر....في البداية شخصيتها كانت غامضة بس بعدها بدت تحكي بكل اريحية وطلاقة"
"بعد كملت الهدرزه مع سرو سكرت النت ووصلتني رساله من رقم غريب وقريتها ولقيتها 😳)
(ربي يهنيك مع وليد وبجد نتمنالكم كل الخير....وليد شخص مايتعوضش وانتي محظوظة فيه....ممكن مالياش نصيب فيه بس هوا يحبك انتي ومايشوفش في غيرك وكنت نتمنى روحي بدالك بس الله غالب 💔...مجهولة)
"قعدت نرمش بعيوني عشان نتأكد من الرساله....قريتها مرة ومرتين وثلاثه وجتني ساجدة"
ساجدة »» سومة كـ "بحتت النقال وقعدت تقرا في الرساله"
ساجدة »» هييييي....زعما من منو؟!!
انا بصدمة »» مش عارفه!!!
ساجدة »» ديريله كاشف ارقام بسررعه
"خذيته عالسريع ودرتله كاشف ارقام....طلع tamy tamy"
انا »» شوفي شن طلع؟
ساجدة »» فوتيه ومادوريش
"مسحت الرساله ونا نفكر فيها....من اللي تحبك ياوليد غيرري!!!...تذكرت ع طول فاطمة وقلت نرن ع مرام بعدين نقوللها عشان عيب لو ركبتلها فوق حـ نتحشم من عمتي"
.
.
.
~~~~~~~~~~~~~
فالليل....
"قاعدات ماما وعمتي يديرن في عشاء...دزت حنينه ع مرت عمي نجاح لكن مش قاعدة....اما ساجدة قعدت معاي وتحكيلي ع خطيبها وكيف حاولت بنت تفرق بينهم وذكرتني بفاطمة"
انا بصدمة »» لهدرجة وصلت عندها؟
ساجدة تنهدت »» الله غالب
انا »» باهي ليش كذبت ع خطيبك وقالتله انك وحدة مش تمام ومش كويسة...شن تستفيدد!!...حررام عليها
ساجدة »» الحمدلله معتز ماصدقهاش وانحلت المشكلة
انا »» باهي الحمدلله
"كملت هدرزه معاها وطلعنا للصالة...قعدنا عالتلفزيون ووتينا العشاء وتعشينا...بعد العشاء دارت حنينه شاهي وكاكاوية والتمينا قعدنا نهدرزوا واغلب حكاياتنا ضحك...،ضحكنا ليييين ملينا ورن راجل عمتي عليها"
عمتي »» هيا تصبحوا ع خير....هيا ياجودي
نحنا »» تلقي الخير
ساجدة تلبس »» باه شوي
"طلعوا وروحوا قعدنا نا وحنينه وماما ومودة...خشت مودة تكسد عالنت وجاء عمي الصغير حمزة"
انا بفرح »» حمززززة وييييين ليا زمااان ماشفتك
حمزه سلم عليا وضحك »» هههه الله غالب مشاغل الحياة
"ضحكت وسلم ع ماما ومودة...قمعز معانا وقعدنا نهدرزوا...نسيت نقوللكم ان عمي حمزة م93....مررر الوقت وجاء بابا وروحنا لحوشنا"
أنت تقرأ
نصيبي "ابـن عمي"
Romansaرواية واقعية للكاتبة سـرو الحاسي...باللهجة الشرقاوية مع شوي غرباوية ^^ 💛...تتكلم عن بنت وحياتها وكيف ربي جمعها بشخص ماكانتش تتوقعه والمشاكل اللي يواجهوهن والصعوبات اللي تصيرلهم 💕💕...لا اسمح بنقلها 💙
