نصيبي "ابـن عمي"

الــحــلــقـــة 15

بعــد مــرور 5 سنــوات 🍃

كـل شئ تغيـر....كمـل وليد نـص الشقـة ومازال شـوي....نجلاء حالياً عنـدها 3 عيال واللي هما محمد وسالم واحمد....مودة عمرها توا 14 سـنة ومحمد خوي عمره 17 سنـة...ماتغيـرش حبي لوليـد بل زاد اكثر واكثر....اليـوم عيـد ميلادي الـ22....طفيت شمعتي واستقبلت عامي الجديد بكـل آفراحه واحزانه...وليد عمره توا 25 سـنة....مرررن السنين بسرعه وماحسيتش بيهن وهذين اهم التغييرات...

انـوار بنت عمتي وسـاجدة انخطبن...

اعمامي الاثـنين بدوا يبنوا جنبنا واما عمي الصغيـر فـ خطبناله...
.
.
.
~~~~~~~~~~~~~~
عشيـة يوم الاثنين...تحديدا سنـة 2017..

"شرالي وليد نقال جديد من شهـرين...شرالنا بابا وايفاي وقعدت مكسـدة عالنت....حكيت مع بنت عمتي ياسمين عالواتس..

ياسمين »» سوومة تحبي تقري روايات؟

انا »» لالا الحق معمريش قريت

ياسمين »» توا نصورلك برنامج وحمليه واقري منه روايات يهبلوووو

انا »» باه

"دزتلي ياسمين صورة برنامج اسمه Wattpad...خشيت ع قوقل بلاي وحملته واشتركت فيه....مفهمتش طريقته ورنيت ع ياسمين وشرحتلي كل حاجة....بجثت ع روايات وضفت مجموعه روايات في المكتبة"

"مشيت لمدخل الحوش وبحتت لروحي كيف تغيرررت وااااجد قبل 5 سنين....سرحت شعري اللي زاد طوله عن قبل ورنيت ع وليد"

انا »» الو وليد حبيبي

وليد »» ايوا ياقلبي شخبارك

انا »» بعد سمعت صوتك تمام

وليد »» اااااخ وخلاص...اقسم بالله كل يوم نزيد نحبك ع اليوم اللي قبله

انا تحشمت »» سبحان الله حتى الخمس سنين اللي مرن بيناتنا ماغيرنش في حبنا شئ

وليد »» الحمدلله يارب.....حبيبي افتحي واتس نبي نحكـي معاك فيديو

انا »» حـاضر

"مشيت فتحت واتس وللعلم وليد النقال اللي شراه بعلم اهلي بعد اقناع من عمي وجدي....طلقت شعري وصففته ودرت شوية لمسات بسيطة ورنيت عليه"

وليد رد عليا »» اوووووو ويين ويين هالجمال هذا كله

انا ضحكت »» ههههه مش لهدرجة عاد

وليد »» ناعليا وخلاص....العسل هذا كله ليا وحدي!

انا »» احمم مالا لمنو

وليد »» هههههه

"سرحت فضحكته ووليد عض ع شاربه التحت وقعد يضحك....قعدنا نهدرزوا وكملناها كلها مقالب وضحك ع بعضنا"
.
.
.
~~~~~~~~~~~~~~~~
الليـل...
"مشيت للكوجينه وقعدت ندير في عشاء وماما عند جيراننا درت رز مبوخ وعيطت لمودة تكمله عليا عشان فاتني المغرب"

موده »» اووووف مطوليش

انا »» باهي باهي وانتي درتي لسان وقعدتي تردي

موده »» خفي علينا ياحني

انا »» خزي حيواااانه....تذكري قبل خمس سنين كيف كنتي بنت صغيرة ونلّعب فيك....ولانسيتي كيف كنتي تبكي وتقوليلي ديريلي مكياج

مودة تتهزا »» ننننننننننن "وقلبت عيونها" خـلاص عارفينك عزوز

"طلقت فيها الكاشيك وعديت...قعدت نضحك عليها كيف كبرت وقعدت ترد واتهزأ....توضيت وصليت المغرب ومشيت للكوجينه مالقيتش مودة...تأفافت وطفيت عالرز ودرت فنجان قهوة وقعمزت برا...كان جو يهبلل وقعدت نتدهور في الجنان...قعمزت ع كرسي وفتحت نت وقعدت نحكي مع وليد"
.
.
.
~~~~~~~~~~~~~~~~~~
"مـروا 3 شهور وماصارش اي تغيير....حاليا في شهـر 2 سنة 2018....الوقت يمـر والناس تتغير وكل حاجـه تتغير مع الوقت..."

"نضت من اشعة الشمس اللي خشت لعيوني...تأفأفت ولقيت ماما فاتحه الروشن وتضم فالدار"

انا »» اووووووف ماتخلوش واحد راقد هنا

ماما »» الساعه 10 ومزال بترقدي اخري؟؟....هيا هيا سلم بنتي صلي الصبح وافطري وعاونيني"

"تنهدت ومشيت توضيت وصليت وفطرت...رديت للدار لقيت مودة مازالت راقده....مشيت للكوجينة عبيت كباية امية وصبيتها عليها"

موده ناضت مخلوعه وبخوف »» هاااا كنننننكم كنكم!!!!!!

"ضحكت ع منظرها وهيا قعدت تبكي ومشت لماما وحكتلها"

ماما »» تستاهليها نا قتلك ارقدي لعند توا....الكيل كله ع سومة وانتي 24 ساعه راقدة....هيا هيا تعالي ساعدينا

"بحتت في ورقصتلها حواجبي بأستفزاز....رقيتلها ومشت للحمام وسكرت الباب بكل قـوة"
.
.
.
~~~~~~~~~~~~~~~~~
عنـد وليد...
ناض توضا وصلى الصبح....فطـر هو وصاحبه معتـز ورن نقاله لقـاه رقم غريب

وليد »» غريبة منو اللي يرن ع الصبح؟

معتز »» غريبة!!...شوفه

رد وليد »» ايووا

»» الو وليد شن اخبارك

وليد »» تمام الحمدلله....منو معاي؟

»» انـا
.
.
.
يــــــــتـــــــبـــــــــع....💛💚