انا »» باه....بس امانه نبيك تكلمني يوميا وماتقطعنيش بكل
وليد »» من عيوني ياعيوني
"قعدت نحكي معاه شوي وسكرت....قعدت نبكي لاني كنت متضااايقه وااااجد وحسيت حياتي تفرق عن حياة اي بنت مخطوبة....ماكنتش نبي نزيد ع وليد وفالنهاية هذا شغله ويأمن لمستقبلنا"
.
.
.
~~~~~~~~~~~~~~~~~~~
اليوم الثاني...
"نضت وعيوني متورمات من البكاء...تنهدت ومشيت الحمام توضيت وصليت الصبح ودعيت....خشيت للكوجينه وقعمزت مع ماما ونجلاء وماما قالت"
ماما »» اليوم وليد ماشي لبنغازي عشان مشروع شغل...رانا ماشيين فالعشية نا وبوك وبالمره نودعوه اصلا مطوّل"
نجلاء انصدمت »» مطوول يعني كم سنة؟
ماما »» مش عارفه والله
انا »» ماما عادي نبي معاكم
ماما فنصت فيا »» لالا عيب شن يقولوا العرب جاية تودع في خطيبها؟
انا »» بس ولد عمي في نفس الوقت!!
ماما »» كاان ولد عمك وزي خوك....لكن توا خطيبك!!!
"خشيت للدار وقعدت نبكي....مسحت دموعي ودزيت لوليد"
(وليد اول ماتركب للطيارة قوللي 💔)
رد عليا..
(حااضر...مش جاية ولا كيف؟؟)
تنهدت ودزيتله...
(اها مش جاية)
وليد استغرب ورد عليها...
(نرن عليك عادي؟)
قعدت نبكي وخفت يعرفني من نبرة صوتي....دزيتله
(والله مانقدر عندي شغل واجد فالحوش)
"سكرت النقال وحطيته في يدي وقعدت نبكي دق الباب وفتح عالسريع طلع خوي محمد 😳"
محمد باستغراب »» ليش تبكي؟
"عزقت النقال ورا ظهري خفت يشوفه...مسحت دموعي وابتسمت بمجاملة وقلت"
انا »» اا لالا عادي
"طلع خوي محمد وللـتذكير هذا خوي اللي عمره 11 سـنة ^^"
.
.
.
~~~~~~~~~~~~~~~~~~~~
عالعشيـة....
"مشوا بابا وماما لعيت جدي وسيبونا نا ونجلاء ومودة ونور....قعدت نفكر ومتضايقه....بعد نص ساعه وصلتني رساله"
(ركبت الطيارة توا...نحبك ❤)
"تنهدت بألم ودزيتله..."
(توصل بالسلامة ياضي عيوني)
"بعد نص ساعه روحوا بابا وماما....اااه نسيت نقوللكم ان تلبيسة نجلاء بعد اسبوعين....كملت الليل كللله ونا في الدار....تعشينا وغسلت الماعين وخشيت للدار قعمزت عالسرير وقعدت نفكر وقاطعتني نجلاء"
أنت تقرأ
نصيبي "ابـن عمي"
Roman d'amourرواية واقعية للكاتبة سـرو الحاسي...باللهجة الشرقاوية مع شوي غرباوية ^^ 💛...تتكلم عن بنت وحياتها وكيف ربي جمعها بشخص ماكانتش تتوقعه والمشاكل اللي يواجهوهن والصعوبات اللي تصيرلهم 💕💕...لا اسمح بنقلها 💙
