نجلاء تبكي »» خااايفه خااايفه
انا »» هييييي 😳...كننننك تبكي ومن شن خايفة!!!
منى »» بسم الله اقري المعوذات توا تهدي
"مسحتلها شوي من المكياج وعدلته لها....طااالعه تهبلللللل آيـة من الجمال...قعدن بنات عماتي وخالاتي يدربكن ويغنن ونجلاء متوترة!!"
"بعد نـص سـاعه سمعنا صوت تبييب وسيارات عرفنا انهم وصلوا"
ماما وحنينه »» لولولولولولولوليييي
"خشينا للكوجينة نا وبنات عمي انوار وساجدة وبنت عمتي ياسمين....قعدنا نوتوا ع خشة العرب....قعدوا يغنوا ويدربكوا وجابوا معاهم دبش لنجلاء وذهب ووووو حاجات واااجد وخشيت ع نجلاء فالدار"
انا بفرح »» هيا جوجو وتي روحك
نجلاء »» باه...طالعه سمحه ولالا؟
منى »» طااالعه تهبلللللي
"ابتسمت نجلاء بنوع من الرضا والخوف....تنهدت ودرت وجهي للجهة الثانية ونزلت دمعه من عيني ومسحتها....مشينا الكوجينه وقعدنا نضيفوا فيهن وطلعت نجلاء عليهن"
امه وخواته »» لولولولولولوليييي
"قمعزت نجلاء وبعد شوي قالوا عبدالرحمن بيخش....لبسنا اوشحتنا وخش عبدالرحمن وطالع يهبللل 😍😍...قعمز بجنب نجلاء وقعد يهدرز معاها..."
عبدالرحمن خذا من التورته »» هيا ياعيوني
"انحرجت نجلاء وقرب عبدالرحمن الكاشيك من فمها وبعده"
عبدالرحمن »» هههههههه
"اما البنات رايحات في عالم اخر ونا معاهن 😂"
"قرب عبدالرحمن للمرة الثانية وبعده منها ونجلاء ضرباته بخفة ع كتفه....قربه للمرة الثالثه ووكلها ولبز بيه خشمها"
البنات »» ووووووه
نا همست لمنى »» ااااااخ وخلاص يهبلل
منى ضحكت »» ههههههه بكل شوفيهم
"قعدت نجلاء تضحك وهو يضحك...مدلته اخته الدبلة ولبسها لـ نجلاء....مررر الوقت وطلع عبدالرحمن وخشت نجلاء تبدل عشان متعشيين عندنا"
.
.
.
.
~~~~~~~~~~~~~~~~~
بعد نص ساعة....
"قاعدة في الكوجينه البرانية نا والبنات ونوتوا في العشاء بإشراف عمتي نجاح طبعاً....اما ماما قاعده مع نجلاء....لبست نجلاء قفطان خليجي طويل واحمر وفيه حزام اصفر من الوسط وكعب طويل احمر، وطبعا معاه الذهب والاكسسوارات....طلقت شعرها ودارت مكياج خفيف شوي....طلعت تهبلللللل وطلعت وانصدموا منها كيف طالعه!!"
انا »» الله اكبر طالعه تجنني
ابتسمت نجلاء »» نجك ليا والفال ليك
"تنهدت من كلمتها الاخيرة وحاولت نبتسم ونجامل...تعرفت ع بنت خالت العريس واسمها ملك وكانت طيبة وتهبلل"
أنت تقرأ
نصيبي "ابـن عمي"
Romanceرواية واقعية للكاتبة سـرو الحاسي...باللهجة الشرقاوية مع شوي غرباوية ^^ 💛...تتكلم عن بنت وحياتها وكيف ربي جمعها بشخص ماكانتش تتوقعه والمشاكل اللي يواجهوهن والصعوبات اللي تصيرلهم 💕💕...لا اسمح بنقلها 💙
