نصيبي "ابـن عمي"

الــحــلــقـــة 4

عمتي »» سومة تعالي نبيك فموضوع

انا »» تمام

"مشيت معاها للدار وسكرت الباب وقمعزت حذاي"

عمتي ببتسامة »» سومة متقدملك واحد

انا عرفته انه ولد جيراننا »» باهي؟

عمتي »» توقعي منو؟

انا »» منو؟

عمتي »» وليد ولد عمك

انا انصددمت »» شنوووو 😳😳

عمتي »» اها وليد طلبك من جدك وحكالي عالموضوع

انا »» لااااااا مش موافقه...انا وليد دايرته زي خوياا معقوووله يخطبني 😳

عمتي »» انتي بس فكري فالموضوع ومش حـ تلقي خير من وليد وصدقيني مع الوقت توا تحبيه...

انا »» تمام عطيني وقت نفكر

"طلعت من الدار وانا كارهه الدنيا كلها...في يوم ماعمري فكرت فوليد ولاحتى نحمي معاه الا نادرا....فمابالك موضوع خطبة وزواج..."

"قعدت نمشي ومش فاطنه لروحي وخبطت فوليد"

وليد يبحت فيا وساكت »» ......

انا »» حووووول "ودفيته"

"ركبت لشقتنا وخشيت لداري وسكرت الباب وقعدت نفكر بيني بين نفسي...صح وليد حلو ومايعيبه شي وكويس بس...بس مش متقبلة فكرة انه حـ يكون خطيبي...يعني نفكر فيه كـ اخ بس"
.
.
.
____________________
7:00المغـرب
"نزلت ماما ونجلاء عشان العرسان متعشيين عند عيت جدي....فتحت الدولاب وطلعت قفطان طويل زي المغربي ابيض وفيه حزام اسود في النص....استشورت شعري ودرت مكياج خفييييف وطلعت خياااال....لبست كعب ونزلت مع الدروج وخشيت مع الممر وقابلني وليد ومنذهل بجمالي وكيف قعدت....خشيت في الصاله وسلمت ع العروس "منى" قعمزت وقعدت نهدرز معاها"

انا ببتسامة »» مواليد كم يامنى؟

منى »» م93 وانتي؟

انا »»  انا م95 يعني عمري 16

منى ببتسامة »» العمر كله

"قعدت نهدرز معاها وجوها يهبللل وبالاخص عمرها مقارب من عمري....حطت ماما وعماتي العشاء وتعشينا وغسلنا الماعين"
.
.
.
~~~~~~~~~~~~~~~~~~~~~
بعـد العشاء....
"روحن اغلب عماتي وقعدنا مكسدات انا ومنى وياسمين بنت عمتي....قعدنا نهدرزوا من موضوع لموضوع وكان جو منى زي جونا يعني يهبلللل....بعد ساعه"

عمي احمد »» هيا يامنى

انا »» هيييي مزال بكري ☹

احمد »» ههههه اهو الحوش قريب تعالي وقت ماتبي

منى ابتسمت »» هيا تصبحوا ع خير

نحنا »» وانتو بخير
.
.
.
~~~~~~~~~~~~~~~
12 م
"روحوا كلهم وقعدت انا وجدي وحنينه...متعوده ديمه نبات عندهم....خشوا جدي وحنينه رقدوا وانا قعدت مكسده عالتلفزيون وخش وليد"