نجلاء »» بس لبسته في التطريفة!!
انا »» غير البسيه يهبلللل
نجلاء »» قولتك
انا »» اهاا
..
..
..
"بعد الغداء مشينا للمزين ورفعنا وليد...وصلنا ونزلن البنات وانا قبل بننزل وليد مسك يدي"
وليد »» سومة!
انا »» نـ نعم
وليد »» بعد تكملو رني عليا من نقال مرام اختي
انا »» بـ باه
"خشينا للمزين وكانت الساعه 2:30...بدت فينا المزينة.....مرررت ساعه واثنين وثـلاثة وكملنا...كنا في المزين انا وانوار ومرام اخت وليد ونجلاء...رنيت ع وليد"
انا »» الو وليد
وليد »» ايووه
انا »» وليد كملنا راه
وليد تنهد »» تمام
"سكرت منه ومستغربة ليش تنهد...بعد ربع ساعه جاء وركبنا....وصلنا للحوش لقينا زااااااحم وولعنا المنظومة وقعدنا نرقصوا عليها....خشيت الكوجينة انا ونجلاء وخذينا الموالح وقعدنا نوزعوا فيهن"
انا ببتسامة »» تفضلي ياعمتي
المراه مبتسمة »» ماشالله عليك مخطوبة؟
انا ارتبكت »» اا اها مخطوبة
"مش عارفه ليش كذبت عليها لان كان وحده اخرة في مكاني راه ماصدقت...وزعت باقي الموالح وخشيت جوا....جتني مرام اخت وليد"
مرام »» سومة نسألك...فيه حاجة بينك وبين وليد؟؟
انا »» ههههههههههههههههههه
مرام »» خيرك تضحكي؟
انا »» ههههههه وليد مستحيل نفكر فيه كـ غير اخ
مرام »» امممم 😒...تمام "ومشت"
"ضحكت ع غيرتها ع خوها...صح هيا كويسة ودمها خفيف بس تغااار اكثر من اللازم ع وليد...في وسط سرحاني عيطتلي نجلاء"
نجلاء »» سوومة سوومة!!
انا »» نعم؟
نجلاء »» جدي يبيك
انا »» بااه
"مشيتله ولقيته برا"
انا ببتسامة »» خير ياجدو..."وبوست ع راسه"
جدي مبتسم »» الله يربحك يابنيتي...نبي نصلي المغرب فضيلي الطريق
انا »» هيا حاضر
"فضيتله طريق ومشا صلى...اما نا خشيت جوا وقعدت نوتي مع البنات في السلات اللي بناخذوهن للعرب....كملنا وخشيت للكوجينه لقيت مرت عمي نجاح واللي هيا ام وليد ومعاها الطباخة"
مرت عمي »» سومة
انا ببتسامة »» نعم عميمه
مرت عمي »» الله ايربحك ساعديني نبي نمشي للشقه وكرعيا واجعاتني
أنت تقرأ
نصيبي "ابـن عمي"
Romanceرواية واقعية للكاتبة سـرو الحاسي...باللهجة الشرقاوية مع شوي غرباوية ^^ 💛...تتكلم عن بنت وحياتها وكيف ربي جمعها بشخص ماكانتش تتوقعه والمشاكل اللي يواجهوهن والصعوبات اللي تصيرلهم 💕💕...لا اسمح بنقلها 💙
