انا »» ههههههه خزززي....بس والله عيب لو كثرت الجيات هنا
مرام »» لالا وكان خطيبة خوي وفالنهاية بنت عمي وتقدري تجينا فاي وقت
انا »» ههههه باه
"خشينا جوا للدار وسكرنا الباب....بعد شوي طلعت مرام باكو صغير"
انا باستغراب »» شنو هذا؟؟
مرام »» هذا نقال جابه لكي وليد
انا »» هيييي ليش؟
مرام »» حاط فيه صوره بيش معاش ترايفيله ياحنة
انا »» هههههههه مبردك...،،باهي والقديم شن نديرله؟
مرام »» عادي القديم رخيص وبلا فايدة...خليه عندك للاحتياط
انا »» باااه
.
.
.
"قعدنا نحكوا نا ومرام من موضوع لموضوع....قالت متعرفة ع واحد في الثانوية ويحبها وتحبه"
مرام تنهدت »» وهذي قصتنا
انا »» قصتكم معقدة!
مرام »» الله غالب
انا »» مش عارفه شن نقولك وعارفه سؤالي بايخ....،سنة كم انتي
مرام »» ههههه اولى ثانوي ياغبيه وكاسبة سنة
انا »» هههههه اهاا
.
.
.
"عيطتلنا حنينه ومشينا كسدنا عندها...ومرام ركبت لشقتهم"
.
.
.
~~~~~~~~~~~~~~
مرام خشت....
مرت عمي نجاح »» لييش طولتي؟
مرام »» كنت مكسدة مع سومة
نجاح باستغراب »» سومة جت؟؟
مرام »» اها "وخشت جوا"
.
.
.
~~~~~~~~~~~~~~~~~~~~~
عنـدي...
"قـاعده مع حنينه وندير في عشاء.. جاء جدي من الجامع وقعد ع تلفزيون الصاله ويتفرج عالاخبار....بعد شوي خشت عمتي نجاح سلمت ع جدي وخشتلنا فالكوجينه"
نجاح ببتسامة »» خير ياعمتي
حنينه »» خيير خيير يانجوحة شخبارك
نجاح »» تمام الحمدلله...،سومة كيف حالك
انا تحشمت »» تـ تمام الحمدلله
"سيبتهن يحكن ورن نقالي (حبيبي) "
انا »» ايوه ياعمري
وليد »» اووو شكله رايق السمح....شن اخبارك؟
انا »» هههههه بكل....تمام الحمدلله
وليد »» وين قاعده وفشن اديري
انا »» قاعده فالعمارة وتوا عندنا عميمه نجاح
وليد »» اهاا....،"وسكت شوي"...رايفتلك
انا تحشمت »» و و حتى انا
وليد بصوت حنون »» اقسـم بالله نحبـــــــــك....ونمووت فيك....ومانقدرش نعيش بلاك.....نحبـك...نحبـك ...نحبـــــك...
"سكرت منه ووجي قعد حمر ونبضات قلبي يزيدن بقووة...حضنت المخدة وقعدت نفكر فيه....نحبه وحق ربي ❤"
(يانعلي يابنات صارلي جفاف عاطفي 😭😂)
~~~~~~~~~~~~~~
نردوا للرواية....
عنـد نجلاء...
"قاعدة في الدار وتفكر..."
نجلاء »» زعماا حبيته....اووووف مش عارفه حاسة روحي متلخبطة....بس والله كويس ويهبللل....يااارب دلني ع طريق الصواب يااارب 💔
"تنهدت وتمددت ع سريرها....قعدت تفكر....مستقبلها...حياتها....كل شـئ حـ يتغير عن قريب....حاسة ان اللي داراته صح وغلط في نفس الوقت....شعور صعب لما يخيروك بين حاجتين ووحده اصعب من الثانية.."
.
.
.
~~~~~~~~~~~~~
"مـررر اليوم عادي ومافيهـش اي تغيير....،نضت الصبح الساعه 9...فطرت وطلعنا نا وحنينه قعدنا نسيقوا في الجنان....كملناه كله عالساعه 11 ورنت عمتي قالت جاية معاها ياسمين"
.
.
.
في حوشنا....
"مشت نجلاء وماما للسوق وشروا كل حاجة ناقصـة عشان التلبيسة"
.
.
.
~~~~~~~~~~~~~
بعـد مرور اسبـوعين....تحديداً يوم التلبيسة
"جتنا عمتي ومرت عمي منى وخالتي امل...قعدنا نوتوا فالحاجات....عالعصـر حونا باقي عماتي وخالاتي وصبايا اعمامي وخوالي....تعبااا الحوش ورنت ام عبدالرحمن ع ماما وقالت قريب يجوا"
نجلاء تبكي »» خااايفه خااايفه
انا »» هييييي 😳...كننننك تبكي ومن شن خايفة!!!
منى »» بسم الله اقري المعوذات توا تهدي
"مسحتلها شوي من المكياج وعدلته لها....طااالعه تهبلللللل آيـة من الجمال...قعدن بنات عماتي وخالاتي يدربكن ويغنن ونجلاء متوترة!!"
"بعد نـص سـاعه سمعنا صوت تبييب وسيارات عرفنا انهم وصلوا"
.
.
.
يــــــــــتــــــبـــــــــع__💛
أنت تقرأ
نصيبي "ابـن عمي"
Romanceرواية واقعية للكاتبة سـرو الحاسي...باللهجة الشرقاوية مع شوي غرباوية ^^ 💛...تتكلم عن بنت وحياتها وكيف ربي جمعها بشخص ماكانتش تتوقعه والمشاكل اللي يواجهوهن والصعوبات اللي تصيرلهم 💕💕...لا اسمح بنقلها 💙
