نصيبي "ابـن عمي"

الــحــلــقـــة 5

لا اسمـح بنقلهـــا ❌❌

انا »» بدري شوي....تعرفي قالي نحبك

نجلاء »» حييي حيييي وشن رديتي

انا »» سكتت

نجلاء »» هههههه طول عمرك معاقة مشاعر....ياحمارة ليش ماقلتيله نموت فيك 😍

انا »» تفووو ومن قالك نحبه

نجلاء »» هههههه واضح واضح

انا »» تعرفي!!

نجلاء »»شنو؟

انا »» كل مانقعد معاه نحس بشعور غريب...نحس في روحي نسخن وجسمي يرعش ومعاش نقدر نحكي و"قطعت عليها نجلاء"

نجلاء »» هييييي 😍 تـي هذين علامات الحب ياحمارة....حييي وقعدتي تحبي وليد اللي كنتي تقولي "وتقلد فصوتي" وليد زي خوي

انا »» ههههههه مش عـارفه

"مـروا ايام ووليد جابلي نقال....ماحد علم من هلي غير نجلاء ومرة مره نحكي معاه بس بشكل عادي ومازلت ما اعترفتله"

_____________________
2011/2/17
"كنا قاعدين في الصاله ونتفرجوا عالتلفزيون....مظاهرات في كل مكان وخايفين ومشيت نجري للدار رنيت ع وليد"

انا »» ولييييد وين قاعد

وليد »» قاعد برا لييش؟

انا »» وليييد روح للحوش بسررعه مظاهرات في كل مكان

وليد »» باه باه

"سكرت منه وانا خايفه وندعي...رنت عليا منى مرت عمي وتسأل وقلتلها فيه مظاهرات....مروا ايام وقعدنا نقفلوا في حوشنا فالليل وخايفين من قصة التعدي ع الممتلكات اللي صايرة...."
.
.
.
~~~~~~~~~~~~~
5:00العشية
"نجلاء في الدار وموده تلعب في دارها وماما وبابا قاعدين في الصاله...قبل بنخش عليهم سمعت ماما تقول"

ماما »» وليد ولد خوك يبي يمشي لسبها

بابا »» كييف وليييش؟

ماما »» مش عارفه قالو حصل شغل غادي...يستر الله ان شالله مايصيرله شئ من وضع البلاد

بابا »» ان شالله...توا نركب نسألهم عالموضوع

ماما »» باه

"خشيت للدار وغطيت روحي بالبطانية وقعدت نبكي.....نحبببببه اهااا نحبببه...نخاف عليه وهو قاعد معانا يابال يبي يسافر لمكان بعيييد....بعد شوي رن عليا وليد"

رديت عليه ونبكي »» وليييد

وليد انفجع »» سووومة عيووني كنننك؟!!

انا ونبكي »» ليييش هكـي لييـش حرام عليك ماقلتلي انك تبي تمشي لسبها

وليد تنهد »» اســــف...والله ماحبيـت نقولك توا وخفـت تمنعيني

انا بحزن »»ماتمـشيــش ياوليــد 💔

وليد »» اسـف والله مضطر نمشي...انحبـــــــــك

انا »» نحبـــك نحبـــك نحبـــك ونمووت فيك ياوليد

وليد بفررح »» واخيييييييييييييراً

"ضحكت ع كلمته ونسيت انه بيسافر"

وليد »» خلاص نبي نطلبك رسمي من عمي بس تبي تطـول الخطبـة 5 سنين عشان نكون روحي

انا تنهدت »» براحتك

وليد »» والله عارف انهن واجد لكن نا نبيك ومانبيش حد غيري ياخذك
.
.
.
.
~~~~~~~~~~~~~~~~~~~~~~
بعـد مرور 5 شهـور....
سـافر وليـد وبدا يشتغل وكل يوم نحكي معاه ويطمنني عليه....

حكا جـدي لـ بابا بس قالو منبوش حاجه رسمية توا....

بابا بدا يبني وبنحولوا من العمارة 💔...حاليا قـريب يكمل الحوش لانه شرا حوش بس مش متكامل...مزال غير الاثاث والزواق...

~~~~~~~~~~~~~~~~~~~~
يـوم الجمعـة...
2:00الظهـر..
"سكرت من وليـد وطلعت للكوجينه وقعدت مكسدة مع ماما شوي..."

ماما »» اليوم جـايه عمتك رجاء

انا بفرحة »» هييي بعدها ليا زماان عليهم

ماما »» اها لها زمان ماجت...بندير نا البيتزا وانتي ديري بسبوسة تمام

انا »» تمام حاضر

"خلطت بسبوسة وحطيتها في الكوشـة...بعد نص ساعه طابت وكان منظرهـا يهبلللل"

ماما »» سلم يديك

"ويخش بابا"

ماما »» ها شن صار؟

بابا بفرحة »» كملوا الزواق

ماما »» لولولولولولولولييييييي

"تنهدت بضيق وخشيت جوا ومش هاين عليا نسيبو شقتنا ونسيب وليد...سكرت ع روحي في الحمام ونزلت دمعة من عيني...وقعدت نبكـــي"
.
.
.
~~~~~~~~~~
العشية...
"جتنا عمتي رجاء مع بنتها ياسمين...قعدت ماما مع عمتي رجاء في الكوجينه وخشينا نا ونجلاء وياسمين للدار وقعدنا نهدرزوا"

ياسمين »» سومة شن اخبار وليد

انا تنهدت »» تمام بس مضايقه عشان بنحولوا ومعاش بنشوفه

نجلاء »» نعليا 🙊

ياسمين »» ههههه عادي وبعدين حوشكم قريب راه ومش بعيد واجد

نجلاء »» اها والله
.
.
.
"جـاء الليل وخش بابا للمربوعه معاه راجل عمتي...وتينا العشاء وشلتلهم السفرة...حطيت السفرة ووصلت للباب وطاح النقال مني 😳😳😳"
.
.
.
.
يـــــــــــــتـــــــبـــــــع ~~💗

للكـاتبة سـرو الحـاســـي...