Seducing Mr. Rank One

Chapter 2

"Open your book on page 56 and answer the pretest, numbers 1 to 20. Copy and answer. Then tomorrow, we will start discussing our first lesson for second grading period." I yawned while looking at Miss Hernandez. I tried to hear what she was saying but my ears failed. Though, I've heard something about painful...

Mathematics.

Our first subject. Well, Miss Hernandez is our class adviser. Mabuti na lang at sinulat niya sa white board 'yong page kaya nakacatch up naman ako.

Kinuha ko 'yong book ko sa Math at in-open sa page 56. Kinusot ko pa iyong mata ko dahil feeling ko may muta pa ko o ano. Ito agad ang bumungad sa'kin ngayong umaga.

Napabuntong-hininga na lang ako nang makita ko 'yong mga tanong. Sandamakmak na numbers. I hate numbers. As well as symbols... and letters, I guess. Lalo na si x and y. Iyan iyong madalas na example, e.

I knew they hate me, too. The feeling was really mutual.

Kinuha ko na rin 'yong notebook ko at G-Tech na ballpen para makapag-start magsagot.

Pre-test lang naman 'to kaya hindi ko talaga kailangan i-stress ang sarili ko. Isa pa, hindi ko forte ang Math kaya ang mga pre-test na ganito – biyaya talaga sa'kin. Kaso... hindi ako pwedeng umi-score ng mababa.

Pasimple akong tumingin sa katabi ko at nakitang nasa number 10 na siya. Napailing na lang ako. Ba't ba ang bilis niya magsagot? Kakasabi lang ni ma'am na magsagot na tapos number 10 na agad siya? Baka naman, nasimulan niya na sa bahay nila 'tong pre-test?

"Cheating, huh?" Napaiwas ako ng tingin nang magsalita siya. I glared at him.

"For your information, I'm not cheating, Villafuerte." Madiin kong sabi kasabay ng pag-ikot ng mata ko. It couldn't be helped. He was irritating the shit out of me.

"So, why are you looking at my paper?" Nanliit pa ang mata nito dahilan para magmukhang nakapikit siya.

Minsan, ang sarap na lang dukutin ng singkit na mata nitong si Yttrium.

"Ano bang pakialam mo?" Pinanliitan ko rin siya ng mata.

"Oh, teka... mag-aaway na naman kayo, e." Saway sa amin ni Deanne. Inis akong tumingin sa notebook ko at hinawakan na ang ballpen ko para magsimulang magsagot.

Nakakainis talaga 'tong element na 'to. Umagang-umaga, singkit na mata niya agad ang bubungad sa'kin.

"Uy, Jazz... may sagot ka na sa number one?" Tiningnan ko si Deanne at umiling.

"Hindi pa nga ako nakakapagsagot. Paano ka ba naman makakapagsagot? E, nakakabadtrip 'yong katabi mo. Panira ng araw..." Medyo nilakasan ko iyong boses ko. 'Yong maririnig ni Yttrium.

Bakit ba kasi naging seatmate ko 'to? Sa lahat-lahat. Out of 40 students.

"Someone's talking about annoyance without knowing that she's more annoying..." Mas nanliit ang mata ko nang magsalita pa siya. Hinarap ko ito.

"Nagpaparinig ka ba?" May pagkainis na tanong ko sa kanya.

Lumabas ang ngisi sa labi nito. "Bakit, tinamaan ka ba?"

Oh, ghad. Magaling na siya sa academics, bakit magaling pa siya pati sa pang-aasar?

Binasa ko na lang 'yong mga question at tinry na sagutan. Dito na lang ako magfocus kaysa masira ang ulo ko sa pakikipagtalo kay Yttrium. Knowing him, pagdating sa asaran, hindi ko siya matatalo. I just needed to answer this. Pretest lang naman ito. Hindi pa recorded, so nothing to worry.