غلطة مراهقتين

،،،، غلطة مراهقتين  ،،،

الحلقة الثالثة 

بقلم كهرمانة 

بقيت يومين ماداومت أربعاء وخميس بعدين

حجيت ويه أبوي صاح عادل وبقى  يرزل بيه

وكال يلة بنيتي  روحي شوفي دروسج

واقري  مالج شغل بأحد اظنك  فهمت كلامي

يعادل  ... عادل هز راسة بمعنى موافق وراح

وصار يوم العرس وجان عرس ضخم

بالنسبة لأبو عادل ابنه الجبير وأول

فرحته  .... ذبح الذبايح  وعزم القريب

والغريب  وبعدها اجت سيارات  الزفة عبارة عن مارسيدسات  ام ١٨ راكب ...

وكعدت النسوان تصفك وتهلهل  ناس فرحانة

وتصرفاتهم  بدون تصنع هذه بيئتهم ...

زفوا العرسان لغرفتهم ...

عادل جان فرحان ومخبوص اشلون راح يتقرب لزوجته ...

عادل ... زفوني لغرفتي دخلت سلمت

و لكيتها مغطية وجهة شلت الغطا

  وهي بس  تتمضحك كلتلها تعالي عاطت بيه ...

كلت عروس وخايفة  وهاي اول ليلة  زواجها

  اعذرها  واتحمل لازم اكون هادئ وياها ...

كعدت احجي وياها واوصيها شنو احب

وشنو اكره واذا تشوفني عصبي تبتعد عني

وما تراددني  وتتجنب تسوي شغلات اكرهها  لأن وقت عصبيتي  افقد ...

خلصت كلامي وهاي ساعة تهز رأسها  ساعة

تضحك ... كلبي لعب منها شنو سالفتها 

كلتلها كومي  بدلي  ماتعبتي  شنو ناوية تبقين بالبدلة  اليوم ...

هي سكتة ولاعبالك احجي وياها بقت تشبك

اصابعها  وتباوع على السكف  وتبتسم  وتحرك  ركبتها  ...

كلت خلي ابادر اني يجوز  هي تريد مني اساعدها 

كومتها ومديت ايدي على السحاب فتحته

وطلع ظهرها كدامي صافي صح هي سمرة

بس شايلة كل معاني الأنوثة  المغرية  ...

وصلت لنهاية السحاب اشو هاي كرصتني قوي

وكالت ماتستحي  يلة ولي ...

بقيت متصنم بمكاني  ... والف فكرة اجت

على بالي اني طبعي شكاك  وكلت خاف

جانت  تحب وجان يلمسها  وهسة جبروها

عليه لا خليني مااستعجل بالحكم عليها  ...