غلطة مراهقتين

الحلقة الثانية عشرة

#كهرمانة

تبقى بكلبي حسرة لو سمعت كلمة اليمة 😔

رجعت دلال من اهلها بعد ما طلعت من الأربعين  وبابا ولا كأنه يشوفني  تغير

عليه حتى قليل صرت اروح أكعد يمه بيبي متكفلة بكل شي حتى الملابس لان هو شال أيده من عندي ...

كبرت اختي مسرة وكامت تمشي واني احبها اروح العب وياها بس دلال جانت

دائما  تطردني امشي ولي منا لاتوصلين يم بنتي افتهمتي  المخبلة

بيبي تعبت من دلال ومن عركها  وحتى عماتي يتعاركون وياها مايقبلون عليه ...

يمكن لو أمي صاحية ومابيها شي ماراح تحبني مثلهم ... بس ابقى احن لأمي مو بيدي

مرة اذكر دلال جاي تكلي  كبة  للعشه لان هي شرطت على بابا تعزل ماتبقى وياهم ...

اني استغليت الفرصة رحت العب ويه مسرة  هي هم تحبني  جانت بأيدها لفة

خلتها  بحلكي  عضيت منها ... شوية واجاني الراشدي  حتى اللكمة  وكعت من حلكي وبقى يجري دم ...

اني صرت صخر ابد مادمعت  ولاتحركت عيوني مفتوحة  وكلبي يحمل حقد وقسوة عليها

مسرة بقت تبجي ومخروعة  ...

أجت بيبي تركض تشوف مسرة شبيها ... شالت مسرة وسكتتها  انتبهتلي  بيبي حلكي يجري دم ...

سألتني شبيه حلكج  دلال خافت أحجي  تخزر بيه وتخوفني  ...

كلت لبيبي  هااا مو هي جانت تلعب ويه مسرة  وشالتها وماكدرت  وكعن  وشوفة

عينج هالتبجي  تأذت سودة عليه يمة مسرة  محد يشيلج ويحبج  بهذا البيت تعالي ماما امشينا نكمل عشه ...

سحبتني بيبي وياها واني عبالك اخرسيت  من جذبها  وضربتها الي علمود لكمة اختي خلتها بحلكي  ...

والله ادفعج ثمن هذا الراشدي ...

بقى بابا يجيب اشكال وألوان لمسرة  واني اباوع بعيوني ...

مستحيل احد يفهم احساس اليتيم ...  ليش هيج بابا تغيرت

يوم من الأيام  أجه بابا رحت اركض فرحانة رجع من الشغل  وجايب لعابة

على شكل أرنب لمسرة  وانطاه الها واني أباوع منتظرته  ينطيني لعابة  ... بس طلع ناسيني ماجايبلي 

بيبي واكفة وتشوف ليش هيج يمه عادل أفه عليك تعزل سرور هاي اول فرحتك

وخطية طفلة وتلكتك بالباب حالها حال اي طفل يفرح بجية ابوه شيصير عليك لو

هم جايبلها لعيبة ويه اخيتها  شغيرك  يمه  بنيتك حرام خاف الله بيها ...

خجل من كلام بيبي ودنك  ومشى  ...