غلطة مراهقتين

الراااابع عشر

بقلم كهرمانة

قبل لاابدأ بالحلقة احب انوه على شغلة تخص الحلقات القادمة بمستقبل سرور ... وهي راح تبدأ بكلمات وأفعال 🔞 هي تعترف غلط وحرام بس كالت انزلهم واذكريهم حتى الأمهات يتعضون منها وينتبهون على بناتهم لايغلطون غلطتي ...
يا بنات إذا تحبون اذكرهم اكتب بس بدون سب وكلمات تجريح وارجع أكرر الغرض من القصة للأتعاض مو للأباحة ...

صديقاتي راحوا للمتوسطة واني بعدني بالأبتدائية مخلصتها أرسب وعمة حوراء

متفوقة بدراستها وصلت رابع إعدادي
بيبي كالت سرور شناقصج ليش هيج

ياامي شوفي نفسج وشوفي غيرج وين وصلوا وانت بعدج بالأبتدائية اخذيلج

شهادة أني مادايمتلج وانت شوفة عينج عائلتنا كلها شهادات

بشنو تختلفين عن حوراء هي مادللناها مثلج حتى ماتكولين محد أهتم بيه كل

شي موفرينه الج حتى شغل ماعندج وهاي حوراء كدامج عليها مواعين العشه وتعجن وتخبز ...

اوووه بيبي شسوي عقلي مايستوعب
بيبي ... انت كبرتي صرتي شابه شوفي جسمج شصار وانت حالج حال الجهال بالأبتدائية

بيبي أني المدرسة بالنسبة الي بس اخلص وقتي بيها للونسة والضحك مااريد شهادة عفتها تحجي ورحت

بعدها بليل اجا بابا كللها يمة لكيت خوش شغل بأربيل وانطوني بيت راح آخذ عائلتي واروح هناك

بعيدة يمه اخاف عليك أنت يمي بنفس المنطقة واني شايلة همك

لا يمة لاتشيلين هم ان شاء الله ماكو شي أنت بس ادعيلي بالتوفيق بهذا

الشغل مليت من الإيجار بلكي اكدر اجمع مبلغ اشتري بيه بيت وهاج يمة هاي

الفلوس تخليها يمج أمانة مااريد جنس مخلوق يعرف بيها جنت ضامها عند ولد صديقي حولتها بالدولار حتى دلال

ماتعرف بيهن يمة فدوة بس رضاج عني اني باجر الفجر اروح اشوف الشغل والبيت واذا عجبني اخذ عائلتي واروح
وسرور إذا ماتكدرين اخذها وياي

لايمة مااكدر انطيها الك بنيتي كدام عيني مااريدها تتبهذل و تنذل انت تطلع لشغلك ماتدري شراح يصير وراك

براحتج يمة بعد هي بنتج يلة يمة مع السلامة

راح بابا وبعدها بأسبوع أنتقل لأربيل
بقت بيبي تتواصل ويه بابا من التليفون الأرضي
...............................

هناك لحظات ضعف نظن أنها نقطة بداية لحياتنا الجديدة التي تخيلناها يوما ما
ولكنها اللحظة التي هوت بنا في وحل الضياع ...

وها أنا ادفع الثمن لحظة ضعف تجر لحظة أخرى ظناً مني أن أصلح ماافسدتهُ اول لحظة
،،،،،،،،،،،،،،،،،،،،،،،،
مثل روتين كل يوم دراسي ممل ... جنت أمشي بطريقي للمدرسة صادفني شاب