الحلقة الثااااامنة
عادل ...
شفتها تعبت كلتلها نامي ارتاحي ... معقولة بني آدم لهيج دناءة توصل
نفسيتة يأذي أخته علمود الفلوس شنو اللي حصله بس كره أخته
الأخ سند لأخته بس ياحيف عاصم حصل بس ذنب ظلمها ودمارها يارب لاتخليني
بهيج موقف وأكون بيه ظالم لأخواتي
قصة خولة وعتني هواية كمت احتقر نفسي بالحظات اللي جنت أقسى بيها
عليها وعلى أخواتي قبل لا اتزوجها لازم اصلح نفسي
مديت أيدي على بطنها حسيت بحركة الطفل فرحت بقيت اسولف وياه
حبيبي أبني الغالي مااعرف شنو جنسك لكن اللي أعرفه أنت قطعة من روحي
أتمنى تجي بصحة وسلامة وتكون حلقة الوصل اللي تكمل بيها فرحتنا وتكمل بيها
راحة أمك اللي تعبتها الدنيا وغدر أقرب الناس إلها
اني باجر لازم اخلي أمي ترجع للسونار تعرف جنس الجنين مرة ثانية ليش مابين بالمرة الأولى
مرت أحداث اليوم مثل ماهي صار العصر اخذت أمي وخولة للسونار بقيت منتظر
أمي تطلع وتبشرني انه الطفل سليم مابيه شي مهما كان جنسه اني قابل بأي شي من رب العالمين نعمه
طلعت أمي تضحك وبأيدها ورقة السونار كلتلها ها يمة بشري اهم شيء مو مشوهة
كالت بالمبارك يمة أجتك بنية مابيها شيء تكول الدكتورة الحمد لله
الله ماقصر طلبت منه وانطاني ييمة اني احب البنات وانوب بنت ابني اني
ناذرة إذا طلعت بنية جهازها كله عليه ومن تطلع من الأربعين البسها كلادة ذهب
بوست امي براسها واني الفرحة ماشايلتني كلج خير وبركة يمة ربي يطول بعمرج
بعدها باركت لخولة مبارك علينا البنوتة حبيبتي ان شاء الله جيتها علينا خير وبركة
يلة نرجع للبيت أبشر الحجي ...
مر اليوم واني كلش فرحان أقسمت
اعوض خولة وانسيها سنين الظلم والعذاب رضيت بقسمة رب العالمين هذا المكتوب
وصلت خولة بحملها شهر ٨ صارت ثكيلة وضعها يتأزم صارت عدائية أكثر وتضرب
بأي شي تركت حتى شغلي واتفرغتلها لان أهلي يخافون منها واساسا هاي مسؤوليتي
شفت أنواع الضرب والعض منها بس مااشتكيت مرة من المرات جانت نايمة
مااحس الا والكلاص مكسور بكصتي والدم يجري على وجهي
وهي مفزوعة من المنظر
أنت تقرأ
غلطة مراهقتين
ChickLitتدور أحداث القصة حول شقيقتين اقترفتا غلطة أودت بهما إلى ما لا يحمد عقباه ... فما هي تلك العواقب تجاه غلطة مراهقة طائشة 🔞🔞🔞
