غلطة مراهقتين

الثااااالث عشر 

بقلم #كهرمانة 

تعال حبوبة طب  للبيت ...
منو أنت شرايد 
هااا  ... أريد يوسف آخذ منه الدروس

اي صار هسة اصيحلة بس هو مو ويانا انتقلوا على بيتهم الجديد  دقائق ويجيك  مو بعيد
 
سرور ... أحس كلبي نغزني  من  هالولد  اكو شي بداخلي يجذبني  اله

رحت مسحت  على رأسه ولعبت بشعره جان سرح  ونازل على كصته  كرصته من خدودة  ...
شنو اسمك دنفوش 

اني مو دنفوش ... أسمي كرار
سرور ... فديتو  كروري  الحلو ... كول لماما  شويه تقصر من شعرك جاي يدخل بعيونك

كرار ... هااا  مو بابا مايقبل
سرور ... شبيه ابوك مايقبل انت مو رجال

شبيك يحظي هو مقص انطيه لأمك  وتاخذ منه شوية

كرار ... ماما فقيرة تخاف من  بابا

سرور ... ماشي حبيبي  سلملي  على  امك ...  يلة هذا  يوسف أجاك  عود دوم

تعال اشوفك رحت بس الطفل نظراته  ورايه  يوسف يحجي وياه وهو مركز بيه  استغربت  رحت ودخلت جوة

صار العصر عماتي جانوا مسوين كليجة ام التمر رغم بساطتها بس طعمها حلو لانها معجونة  بحب

كعدت بيبي تصبلنا  جاي وتنطينا  كليجة وهي تسولفلنا  على أيامهم  قبل
شوية واجوا مسرة ويوسف ... بيبي  سألته

حبوبة  منين هذا الوليد الصبح اللي اجاك 
كللها   بيبي هذا طالب جديد ويانا أجه نقل من سساوة 

بيبي ضحكت ... اسمها السماوة 

كللها يوسف اي بيبي هو فقير اجه كعد يمي  وصاحبته  وكلتله  من تحتاج شي تعال بس كول بيت حجي سعد ابو عادل

هو بالفرع اللي قبلنا ...
كلتلة بيبي ... يااا  ولك بيت منو كلهم اعرفهم شو ردلي اسم ابوه وجده

كللها كرار محسن حميد

بيبي شهكت ... يااا ولج سرور هذا أقارب امج ابن عمها شنو رجع لبيته بعد هالسنين

  والله زمان تزوج  وخلف السنين  تركض بينا منو جان متوقع محسن  يتزوج

ويخلف الله يهديه ان شاء الله  بطل سوالفه المكسرة الله يساعد اللي اتزوجته

بقى كرار مستمر يجي بحجة يوسف ... يبقى يركز ويصفن هواي بشكلي  وكأنه

فنان ويرسم و يخزن بعقلة  صور من وجهي عيونه شايلة كلام هواي وغامضة

ولاعبالك  عيون طفل نثرت  هالافكار  من  راسي  وكلت اسأله  عن  خالتي ام هيفاء

وبلكي يعرف شي عن أمي آخر مرة  رحت اشوفها كالوا مريضة

اوووف يا أمي ليش هيج  موجودة بالدنيا واحنا محرومين من  بعض

اسألك كروري ... هم تعرف أم هيفاء