الحلقة الساااابعة
استمر الوضع على هذا النهج ... لااني مرتاح ولاخولة هدأت ولااهلي مرتاحين
اباوع على وجوهم الخوف منها أخواتي يبتعدون دائما بغرفتهم ماالومهم لان
خولة صارت عبارة عن بشر مؤذي على طول الوقت اعصابها مشدودة وبطنها
كبرت هذا غير معاناني كل ليلة لان هي نومها مو طبيعي تتحرك وتتحلم وتحجي
وتهلوس هواي واخاف تتأذى هي واللي بطنها ... مثل كل ليلة احجيلها قصة قبل
النوم لان هي حالها من حال حوراء نفس العقل يعني طفلة ... اباوع عليها غافية
ولاعبالك بيها شي غطيتها ونمت اني هم ...
ماحسيت الا وهي أيديها بركبتي وتصيح الا اموتج مثل ما عذبتيني انت وياه اكرهكم اخذوا كل شي وعوفوني ...
بقيت اتلاوى وياها الا ان دفعتها وبعدتها عني بقيت اكح متت الا شوية جانت
بحالة مخيفة واعصاب مشدودة ساعتها بعد يأست ماكو أمل صار الوقت اللي
اكول عنها هي مجنونة ... شربت مي
ورجعتلها لكيتها تصب عرك استغفرت
ربي غسلت وجها وكلتلها نامي هي بس عيون مفتوحة ... رحت توضيت وكعدت
اقرأ قرآن بعد وقت طويل على الآذان ... بعدها خلصت ورجعت لكيتها
صاحية نمت بصفها بس وضعها جان يكسر الخاطر أشرتلها تعالي ومديت ايدي نامت عليها
كلتلها خولة منو اللي مأذيج لو أكلج سولفيلي عن أهلج امج وأبوج اشلون
ماتوا ... تنهدت بحسرة قوية وبعدها نزلت دموعها الحارة على أيدي مسحت
عيونها ... كلتلها اعتبريني نفسج كاعدة كبال المراية وتسولفين وية روحج انسي
وجودي بس احجي خليني اعرف شبيج شنو اللي وصلج لهيج مرحلة ...
خولة ... امي وأبوي جانوا مثل عصفورين بس انحكموا بقفص لايكدرون يطلعون
منه ولايكدرون يعوفونه اتعودوا عليه بس هم ماعرفوا بعد روحتهم هذا
القفص وين راح يصفى بيه الزمن ومنو راح يرحمه ويقدرة لخاطر اللي جانوا ساكنين بيه رغم حنيتهم على الكل ...
هذا القفص دفع الثمن غالي لأن الكل جان يظن هو السبب بتفضيل العصفورين اله على الغير .
عادل ... تفاجأت بكلامها واكول دخيلك ربي معقولة هاي خولة اللي يسمع كلامها
هذا يكول مابيها شيء بس هي الظاهر شايفة الويل وأشكال العذاب مرات قليلة
اشوفها بحالة ممتازة بس مثل هالمرة ما شفتها تحجي كلام موزون ادهشني .. رجعت كلتلها اي والعصفورين
أنت تقرأ
غلطة مراهقتين
Chick-Litتدور أحداث القصة حول شقيقتين اقترفتا غلطة أودت بهما إلى ما لا يحمد عقباه ... فما هي تلك العواقب تجاه غلطة مراهقة طائشة 🔞🔞🔞
