غلطة مراهقتين

بقلم كهرمانة 

الحلقة التااااسعة   والعاااااشرة

وهاي حلقتين  خليتهم  بحلقة وحدة يدللو حبايبي المتفاعلين  😘😘

تحجي وكلامتها تجرح بلعومها  ماكدرت تسيطر على دموعها وشبكتني اشلون بيج

خولة منو الج اني حتى بموتي ماراح أرتاح  لازم اشوفلج  مكان أمن بيه عليج ...

حجت هبة بصوت حزين ماما فدوة لاتعوفينا  اخذينا وياج احجي ويه هذا اللي يسمونة

موت واذا قبل نروح والله مانحجي شي نكعد عقال  بس خلينا بحظنج  لمتنا  وهي بقت

تشهك وعلى صوت البجي اجو بقية جهالها الزغير جان يحجي

ماما ابيج ابجين  منو دلبج  (ماما شبيج تبجين منو ضربج )

وصار يشم بركبتها  أذن المغرب وهي كالت يلة حبايبي  هسة نكوم نصلي وبعدها الكل وياي على المطبخ

سحبتني من أيدي  وكالت هذا اللي طلع بأيدي بس الموت جان أسرع  من احقق كل احلامج

حالج حال أي طفلة كل اللي راح اقدمة  شوية ذكريات وهسة يله عالوضوء 

والكل صار يتوضأ  وتعلمنا  برغم احنا زغار بس حبت تزرع أشياء بسيطة بداخلنا

ماننساها  مثل أول صلاة  محد ينسى العمر اللي بدأ يصلي بيه

كملنا صلاة  وكعدتنا ع الميز كل واحد  بمكانة  وكلتلنا يلة كل واحد يقدم الطلب مالته

اعتبروا نفسكم اليوم بالمطعم  واني كرسون الطلبات 

اللي طلب بيض وطماطة  واللي طلب بتيتة  واللي طلب كباب كلي  وهي كالت كل

طلباتكم متوفرة  وإضافة مني كبة وزلاطة 
الكل فرح وبقوا  يصفكون

كملت العشه وتعشينا  بس هي أكلت شي قليل لأن  جانت موجوعة بس تضغط على نفسها

كل شويه تكول آآآه وهبة تسألها شبيج ماما شنو يوجعج تكللها لا حبيبتي  بس شوية

عضيت لساني ... كامت وبقت هي تغسل مواعين وهبة  مسحت الميز اجيت اساعدها

كالت انت ارتاحي  هذني الايدين  الترفات مااريدهن يتعبن انخلقن بس للراحة  ابتسمتلي وباست رأسي 

فرشتلنا وكالت يلة تعالوا حبايبي لحظني  بس حظنها  ماجان  مجرد ايدين  وتلمنا بيهم لا

جان أمان  ودفء   واسع رغم اني وجهال تكومنا عليها تسولفلنا قصص وهي بقت تكح  وتكح  بعدنا عنها حتى ترتاح 

ماحسينا الا بدفرة باب الغرفة  جان زوجها حالته  مبهذلة  قميص مفتوح الدكم وشعر

منفوش  وأيده  بيها بطل مااعرف شنو جانت ريحته مقرفة ... كلتله ياحسافة وصلت بيك كدام الجهال