غلطة مراهقتين

الحلقة الحااااادية عشرة

#كهرمانة

الحلقة الحاااادية عشرة

#غلطة_مراهقتين 

#كهرمانة

يكولون البنية مثل حظ  أمها ... آه يا أمي محتاجتج  لو أنت يمي ماجان  غلطت  وقتها  ولا وصلت للي أني بيه هسة

صفنت ورجعت بيه الذكريات واني اذكر أيامي ...

مخبلة بت المخبلة ليش هيج  شمسوية بغرفتي منو سمحلج  تدخليها  اليوم اني أعلمج ياسرور  ...

بيبي بيبي عمة عمة الحكوني  اووي شعري عوفيني  حقيرة  

ليش هيج تضربيها ياظالمة خافي  ربج  هي طفلة شوفي طبع اصابعج بخدها شتكولين لله هاي بحسبة يتيمة  ...

دلال ... عمة يرضيج  داخلة مكسرة مكياجي  وفوك هذا كلة صاعدة على ميز التواليت

وعاملتها لايصة الدنيا لوص  هذه حاقدة اني ما احبها ولااطيقها ...

شوفي ولج والله ثم والله  من اشوفج تمدين ايدج على سرور ماتلومين الا نفسج فهمتي ...

دلال .... والله مو بالكوة أتقبلها  اني مالي شغل بيها

ومنو مطالبج  تعتنين بيها سرور بنتي مااعتبرها بنت ابني ...

سرور ... عشت بيت بس مشاكل رغم هذا كله اني مدللة بيبي  وعماتي  ما قصروا عني

احسن لبس البس والحلويات اشكال رغم وقت حصار وعوز  لكن جدو ماقصر عني ...

عشت واني اكو حلقة من  حياتي مفقودة  جنت طفلة وما اعرف السالفة شنو اشوف

البنات بالمدرسة امهاتها وياها واني كل مااسأل الرد جان تكبرين  وتعرفين كل شي بوقته

  رغم بيبي وعماتي  ماقصرن وياي عمة حوراء أصغر وحدة بعماتي وآخر العنقود  الفرق بيناتنة  ٤ سنوات بيبي جانت تفضلني عليها

اني جنت اغار منها هي فقيرة دائماً اسوي المصايب  واشمرها براسها حسب كلام بيبي جنت وكحة بس سوالفي محبوبة

وبقيت  أمشي  بذكرياتي  ورجعت بيه الذاكرة على أحداث بيت جدي واشلون دلال دخلتها

فد يوم من الأيام انتظرنا بيبي تجي للمدرسة وترجعنا  بس ماكو اتأخرت بقينا بس اني وعمه حوراء والحارس واكف يمنا

الا ان هو كال تعالوا ان اوصلكم بس دلوني طريقكم ...
رجعنا للبيت لكينا  ناس هواي متجمعة بالباب  ركضنا  ...

شوية وبابا وعمو  حامد وعمو ياسين واولاد عمهم شالوا جدو لافينة بطانية  ...

وبيبي تضرب على وجها ماقبلوا ياخذوها  وياهم عماتي  يبجون ...