غلطة مراهقتين

مساااء  الحب والأشواااق  لأحلى متابعااات  ... أحبكم  ... آسفة على التأخير ... سرور   ظروفها صعبة تعبت لحد ماكدرت  احصل خيط يوصلني  لها اتواصل وياها حتى تكملي بقية التفاصيل حبابيي  إذا عليه أني  اختمها  بس لازم عندي فكرة عن النهاية مو من يمي لذلك اعتذر مرة ثانية اللي يحب يكمل وياية اهلاً وسهلاً واللي مايحب  ينتظر  القصة تكمل ويقرأها ... 🌷😍🙂
وهذاااا بااارت طويل للترضية  عن الغياب

غلسوا على السحك بدون تعديل 😁

الثااااامن عشر

بقلم #كهرمانة

هااااا  أي   لا لا ماأعرفها  قابل شنو عندي وياها

بداخل سرور ... ارتباك مؤيد يثير هواية شكوك بداخلي ... خليني أستخدم  كيد النساء ...

ليش تنكر مؤيد... عمه سولفتلي  عنكم

مؤيد ... شنو شسولفتلج  هالفلتانة  هاي خلي تولي لاتصدكين  بيها شما تحجي عليه

سرور ... معناها  أكو شيء لازم اليوم أعرفه 

اولاً ماأسمحلك تغلط وتحجي على عمتي أفتهمت
ثانياً إذا أنت تكول ماعندي شيء وياها احجيلي اني سمعت منها وهسة أريد  أسمع من عندك وبعدها أحكم 

مؤيد .... سرور حبيبتي  هسة شلج بدوخة الرأس هاي خلينا عصافير حب منطلقين ماعليج  من بغيرنا  اللي يريد يفرق بينا ويخرب أجمل لحظات الحب ...

سرور ... اذاً مؤيد اللي كالته عمة عنك صح هاي هي  لهنا وينتهي كل شيء  كل واحد بطريق

مؤيد ... هوب هوب حدج  يابة شنو ينتهي كل شيء  ليش سرور أنت  بسرعة تستسلمين  وتضحين  بيه دائماً ... بس مادام  صار الحجي هيج تعالي اسولفلج  كل شيء  وأنت احكمي  قبل لااسولف  اريدج تخلين هالكلمتين  حلقة بأذنج 
أني حبيتج الج أنت لأنج سرور بغض النظر  عن حوراء تكون عمتج 

واسمحيلي اكولج  شيء هالأنسانة  مااطيقها  لو آخر يوم بحياتي يبقى مستحيل أباوع  عليها هالتعبانة 

سرور ... مؤيد رجاءً بلا غلط كلتلك 

مؤيد ... ليش لأن أخاف  عليج لأن  فضلتج  عليها لأن  حبيتج  لأن  رفضتها  هي

سرور ... رفضتها  أنت  شجاي  تحجي لخاطر الله  دخت رأسي  بعد مااتحمل   شنو هالدوامة  اللي خليت نفسي بيها

مؤيد ... تعالي سرور أني  اعتذر بس احجي من  قهري  ...
كل الكلام اللي كالته  الج  هو كذب السالفة الحقيقية  هسة تسمعيها مني

يبت الناس اني بيوم من الايام امشي ويه صديقي  بطريقنا  ومثل كل شاب اكشخ والبس  بالصدفة صديقي وحبيبتة  تقابلوا  بالشارع  وجانت عمتج حوراء وياها بس هي عينها مانزلت  عني  نظراتها  تفحص  وافتراس  حسيتها  تريد تمتلكني 
اني هذا النوع مايستهويني  من  البنات
احب الثكيلة  واللي ماتنطي  مجال مثلج حبيبتي  هذا اللي خلاني أحبج
ورى هالسالفة يومين اجاني  صديقي كال البنية  اللي ويه حبيبتي  بذاك اليوم معجبة  بيك تكول عجبني  حلو حبيت كل تفاصيلة
كلتلة  مو نوعي  ماأحب الرخيصة ... مبين هاي خبرة  ام الولد من خلال نظراتها  
ورفضتها  وصل ردي لها ... حرامات هي عمتج  وحرامات  هي أخت رضا
لذلك أني ماحبيت اجرحج  واحجيلج  اكيد هي هسة راح تكول يركض وراي ودز عليه بنات ومن هذا خريط  الشوارع  ابد لاتصدكين  ... وكوني حذرة لاتخليها ولو مجرد شك عدها بعلاقتنا  ترى تخرب حبنا