Vengeance vs. Love

♤《10》 Crazy for you

"MAY napili ka na bang escort para sa debut mo?" Tanong ni Starr kay Kara.

Naglalakad sila ngayon ng kaibigan papunta sa may tabing ilog. Breaktime nila ng mga sandaling iyon kaya sa halip na makipagsiksikan sa mga estudyante sa cafeteria ay napagdesisyonan nilang dito na lang magpalipas ng oras. May baon din naman si Starr na sandwich. Isa pa ay iniiwasan niyang magkrus uli ang landas nila ni Trigger dahil nangako siyang gagawin niya ang lahat ng paraan para iwasan ito. So far effective naman dahil halos magi-isang linggo na rin silang hindi nagkikita.

"Meron. Pero sila mum at dad ang pumili." Sagot niya bago kumagat sa sandwhich na binigay sa kanya ng kaibigan.

"Kilala mo?"

Naupo siya sa isang malaking batong nakausli sa may damuhan saka pinagmasdan ang mahinang agos ng ilog.

"Yeah. I met him few times." Sagot niya at inalala si Tom.

Simula ng magkakilala sila ni Tom ay napapadalas na ang pagdalaw nito sa kanya sa bahay. Lagi itong may dalang mga bulaklak at chocolates.

"Kilala ko ba?" Naupo si Starr sa tabi niya.

"Siguro? Anak ng business partner ni daddy. His name is Tom Scarf." Sagot niya saka kumagat uli sa sandwhich.

"Tom Scarf ba kamo?" Nanlaki ang mga mata ni Starr.

Natawa naman siya sa itsura nito. "Oo. Bakit?"

"Ohhhh my goshhhhhhh! Fret, make sure na i-arrage mo ako ng sayaw sa kanya sa debut mo or else itatakwil kita." Parang highschool lang kung makatili itong si Starr.

Kaya pala pamilyar ang mukha ni Tom noong una niya itong nakita dahil isa pala itong sikat na artista. Nalaman niya iyon mismo dito dahil tinanong niya kung ano ang trabaho nito ng minsang dumalaw ito sa bahay nila. Nagulat pa nga ito na hindi niya ito kilala. Hindi kasi siya mahilig manoond sa tv at sumagap ng mga balita sa social media kaya napagii-iwanan siya ng panahon. She prefered to spend most of her free time reading books rather than stalking celebrities or waste her time in other nonsense stuff.

Tatanggi sana siya ng malaman na ito ang napili ng mga magulang na maging escort niya sa debut niya ngayong darating na Sabado. Gusto sana niya si Skyler pero agad na bumagsak ang mga balikat niya ng maalalang mortal na magkatunggali pala ang Goldman at Lamprouge.

Sa mga nakalipas na linggo ay naging malapit ang loob niya kila Skyler, Shin at Leonard. They've been really nice to her kahit na alam ng mga ito na ayaw sa kanya ni Trigger.

"Iyong-iyo siya sa gabing iyon. Kaya 'wag kang mag-alala." Kinindatan niya ang kaibigan.

"'Yan ang gusto ko sayo e." Niyakap siya nito.

Ginantihan niya ang yakap nito.

"Paano nga pala sila Skyler? Invited din ba sila?" Tanong ni Starr ng maghiwalay sila.

"Hindi ko alam. Masyado kasing komplikado ang sitwasiyon." Nakaramdam siya ng lungkot.

Hinawakan ni Starr ang kamay niya. "How complicated ba?"

Humugot muna siya ng malalim na hininga bago sumagot. "Hindi kasi maganda ang naging relasyon ng daddy ko sa pamilya nila Skyler. Gustuhin ko mang imbitihan sila ay hindi pwede. Kasi siguradong magkakagulo kapag nakita sila ni daddy."

"'Yan ba ang rason kaya mo iniiwasan si Trigger nitong mga nakaraang araw? Alam mo bang hinanap ka niya noong nakaraan sa 'kin."

"Talaga? Bakit daw?" Hindi makapaniwalang tanong niya.

"Wala siyang sinabi e."

"Nasaan ako ng araw na iyon?" Tanong niya uli.

Tumaas ang isang kilay ni Starr. Isang nanunudiyong ngiti ang sumilay sa labi nito. "Why you're so bothered na hinahanap ka niya?"