لقيت روحي بعد ما لقيتك

البارت السادس

عند فيصل و نور
صحت نور و جاها الطبيب و فحصها وعطاها اذن خروج من المستشفى .. فيصل وده يغير مود اخته شوي
فيصل : نووروووه نويير نووور هيي انتي
نور : نعم شتبي
فيصل : وش رايك نروح مول و اﻻ مكان ياخي طفش في البيت
نور : و الله انها فكرتن منتازة ابي اشتري اكسسوارات لعرس صديقتي و ابي شوزات جديدات شوزاتي يعع صارن قديمات و ابي بلوزات و مﻻبس جديدة اييه صح و ابي كمان شنطه جديده و ابي ...
فيضل قاطعها : يههب علييييك كنك مو داخله السوق مت عششر سنين هذا انتو ي البنات كل شوي نبي و نبي الله يصبرنا بسس
نور كشت عليه : من زينكم عاد طبعا ﻻزم نحافظ على اناقتنا
ضحك فيصل على ردها و شغل على اغنيتهم المفضله و قاموا يرقصوا عليها بخبال
------------------
بعد ما خلصوا غدا قاموا يكملون بخث عن بنت عمهم الين الي صار لها مختفيه من الفجر و ﻻ احد يدري وين راحت
عند سامي و فراس
كان فاارس و سامي جالسين في المطعم بعد الغدا و يشربون شاهي و مروقين و يناظروا الناس و يتنطزوا على اللي رايح و الجاي
سامي : و الله ما اتحرك من ذا المطعم غير على فندق اريح فيه و انام
فارس: و انت صادق و الله شيحسون فيه ذوﻻ المخابيل قال ايش قال ﻻزم نروح ندور على بنت عمنا
سامي و هو يقلدهم و يقلب عيونه و يهز كتوفه بعبط : في النهاية هي تظل بنت عمنا و من لحمنا و دمنا
فارس : و الله ما اتشرف بذي الأشكال انا ( مر طيب وحده من بنات عمه فباله و ابتسم ﻻ شعوري ) يزين بنات عمي بس كلهن اﻻ ذي الكافرة
سامي و هو يشرب من شاهيه: طيب وش فيك تتبسم
فارس : ابد و الله ( و هو يأشر براسه على بنت تمشي مشية معوقه ) شف بس شف المشيه يقال انها تتدلع الحين
سامي كان يشرب شاهي و لما شاف البنت تفل الشاهي فوجه فراس من الضحك :  ههههههههههههههههههه ياا شيييخ الله يقلعك وش ذي المشيه
فارس : الله يقلعك انت يا الكافر الفاجر يا اليهودي وشو له تتفل الشاهي فوجهي الله ياخذك
سامي لف عليه و هو يشوف شكل فارس كيف من الشاهي ما قدر يتحمل و ضحك بصوت عالي و هو يأشر على فراس كل الناس لفووا على صوت ضحكة سامي و مستغربين شافوا فارس و ضحكوا عليه
فارس خﻻص عصب وصلت معاه قام اخذ كاسة الشاي حقه و كتها على سامي
سامي سكت و هو يناظر لفارس بصدمة : وش ذا يا الحقير
فارس : الي تشوفه يا الكلب 
راح الحمام و هو يسب و يشتم فسامي و يغسل ثوبه بقهر من الشاهي
جا سامي و هو يسب فارس و شوي و يتطاقوا ثم حاسبوا و طلعوا من المطعم على فندق عشان يرتاحون
------------------------------
عند رامي و محمد
راحوا المطار و خبروهم انهم فاقدين بنت اسمها إلين بنت عبد الله ال..... و قالوا لهم انهم يبون يشوفون سجﻻت المسافريت و اعطوهم يشوفونها
محمد و هو يدور و يقلب : و الله يا رامي ما شكلها سافرت صار لنا نص ساعه و احنا نحوس
رامي : كمل ياخي كمل مستحيل اجل وين بتروح
محمد : علني علمك بس ...  و سكت
رامي و هو عاقد حواجبه : بس ايش ؟؟ وش فيك
محمد و هو يقرأ الاسم : إلين بنت عبدالله ال...... هذا اسمها صح
رامي و هو يقترب منه : اييييه هو اسمها
محمد : أجل ابشرك البنت مسافرة لندن الساعه 5 الفجر يعني احتمال تهبط الليله
رامي بصدمه : اييييييييشش لندن و الساعه 5 ؟؟
محمد بقهر : ايييييه
رامي : طيب خلنا نعلم جدي و اتصل على ذوﻻ المخابيل فارس و سامي قل لهم انا لقيناها
محمد و هو يطلع جواله : طيبب
رامي اتصل بالجد
الجد : لقيتوها ؟
رامي : جدي هدي اعصابك شوي
الجد بصراخ : رح تتكلم و اﻻ كييييفف ؟؟
رامي : جدي بنت ولدك المصون بنت اليهودية مسافرة لندن من الساعه 5 الفجر و انتم يا غافلين
الجد بصدمه : كيييففف لنندن و من الساعه 5
رامي : ايييه يا جدي
الجد بحزم : طيب ارجعوا البيت انت و عيال عمك ابيكم كلكم
رامي : طيب مع ....
ما كمل كلمته لان الجد انهى المكالمة
رامي بقهر : ابووووك يا الشايب مهو بهين هه
محمد : ذوﻻ المخابيل جواﻻتهم مغلقه و ﻻ واحد منهم يرد
رامي : تﻻقيهم بفندق رايحين بسابع نومة و انا و انت ندور بذي المطارات ندور بنت الفاجرة .. ع العموم جدي بينا كلنا و قال لنا ارجعوا خلنا انا و انت نرجع و هم يتصرفوا
محمد : يﻻ
---------------------------
فبيت الجد
ما زال الجد مصدوم من الكﻻم الي سمعه كيف و ليش تروح إلين تربيته هو الي رباها بنفسه هو و زوجته ما اعتبروها مغيدتهم اعتبروها بنتهم حطوها بعيونهم و عطوها أشياء ما عطوها عيالهم حافظوا على راحتها و كانت راحتها أولى من راحتهم .. مستحيل إلين تنسى كل ذا إﻻ إذا .. إﻻ إذا احد قال لها بشي و هو يدري كره بنات عمها لها
كل هذا كان يدور بعقل الجد ما كان يسمع وش تقول الجده او زوجته ماحس اﻻ لما مسكته من كتفه و هي تسأله بعيون دامعه : وينها ؟ وينها بنت الغالي وينها الغاليه عيى عندك خبر عنها
الجد بجمود: سافرت
الجده : ميين ميين سافر ﻻﻻ ﻻااا مستحييييل مستحيل إلين تروح إلين تربيتي انا مستحيل تسوي كذا
الجد : و انا اقول كذا مستحيل إلين تسوي كذا بس من الباب للطاقه اكيد فيه احد ازعجها اكيد احد قال لهها كﻻم و انتي تعرفيي الين كل شي اﻻ كرامتها
الجده بس تبكي و تهز راسها بالموافقه على كﻻم الجد
الجد : انا شاك فبنات عمها اكيد هم قالوا لها شي انتي تعرفي كيف هن يكرهنها و ما يواطنوها
قام الجد على حيله و هو يستند بعصاته طلع من المجلس للصاله الواسعه الي كان الكل مجتمع فيها
الجد بصوت عالي و هو موجه أنظاره للبنات : مييييينن فيييكم قلت أدبها على إليين مييييننن ؟؟
البنات كلهم ساكتات كلهم خايفات و ﻻ وحده تكلمت
الجد: من ازعجت إلين و خلتها تهرب منن
غدير لما سمعت تهرب بدت شطانتها : و الله يا جدي حنا ما مره قلينا ادبنا على إلين و ﻻ قلنا لها شي ابدا
سهى تشجعت : اصﻻ مدري وش عاجبكم فيها بنت اليهوديه هذا هي في النهايه هربت ما يندرى مع من طست
الجد عصب من الكﻻم الي سمعه ة بصرخه هزت البيت كله : اصصصص انتي وياها إلين تربيتي ز أعرفها زين و الكره إلي فعيونكن لها اشوفه و ما خافي عليي لكن و الله اليوم  رح اطنشكن بمزاجي لييش لان ما عندي دليل قوي لكن و الله من احصلها و اسألها عن السبب و اعرف انه انتن مسويات لها شي و الله ان موتكن يكون على ايدي و بالنسبة لليهوديه ما اليهودي اﻻ انتي وياها الله ياخذ العدو
البنات كلهن خايفات و يرتجفن لان دائما يسبن ف إلين و هن يدرن انهن السبب فهروبها
سما : الله ياخذ روحها ان شاء الله
البنات : الله يسمع منك