في غرفة كبيرة و واسعة ألوانها غامضة يغلب عليها اللون الأسود و الأبيض و في آخر الغرفة مكتب كبير و كرسي جلد أسود فخم ينم على جدية و غموض الشخص الي يجلس عليه كانت جالسه بكل هيبه خلف هذا المكتب الكبير و تشتغل بكل جدية ما همها كلام الناس عنها أو انها بنت و تمسك حلال ابوها كان بالنسبة لها شيء عادي .. تكره عادات المجتمع الي بنظرها أشياء تافهه و خرافات تتمنى لو تنمحي من الوجود .. تتمنى لو كان للبنت حرية رأي و حرية اختيار أو لو يكون للبنت مكانه و هيبه في المجتمع .. ليش الكل ينظر للبنات بنظرة ضعف و تقليل شأن ؟؟ هذي انا بنت و أدير مشاريع أبوي و شركاته إلي متوزعة فالسعودية و برا السعودية حتى .. حاولوا أعمامي يمنعوني من إدارة حلال أبوي بعد مرضه لكني رفضت رفض قاطع مستحيل اسمح لهم بهذا الشيء انا اعرفهم زين طماعين و يبون حلال أبوي الي ياما سهر عليه و ياما تعب عشانه في النهايه يجون أعمامي و ياخذونه على البارد لااااا و يا ليت بعد لو رح يديروهن صح اكثر حد لهم شهر أو شهرين و تلقون الشركات كلها خسرن بسبب إدارتهم الفنانة " قامت من على مكتبها بغرور و هي رافعه رأسها و تتوجه للنافذة الكبيرة الي تطل على أجمل مناظر ألمانيا ابتسمت بغرور و هي تقول فنفسها " : هه اجل البنات بنص عقل و ما يقدرن يسوون شيء هه ينطبق عليهم كلهم إلا أنا غرور بنت خالد أقدر اسوي كل شي بنفسي و لا احتاج لرجل غبي يدخل حياتي و يدمرها الحمدلله عندي حلالي و حلال أبوي و اقدر أديره بنفسي ..
قطع عليها تأملها صوت الباب
غرور بصوت بارد : تفضل
دخلت الشغالة و هي تقول : السيد خالد استيقظ من النوم و يريدك ان تتناولي الإفطار معه في الحديقة
غرور هزت رأسها بمعنى طيب
طلعت الشغالة من المكتب و وراها غرور بعد ما ناظرت نفسها في المراية و عطت نفسها نظرة واثقة
#تعريف سريع بغرور : اسم على مسمى مغرورة و واثقه بنفسها مسكت حلال ابوها بعد ما صابته جلطه و صار ما يقدر يمشي و عاجز عن الكلام تحب ابوها حييييييبيلللل و بالنسبة لها هو الرجل الوحيد الي ممكن يدخل لحياتها و ما تتمنى تعيش عند رجال غيره أو انها تتزوج.. من ناحية الشكل فهي جميييييللللههه حيييييل عيونها العسلية واسعة و مكحلة و رموشها طوال و كثيفات انفها حاد و شفايفها متوسطة و وردية بشرتها صافيه و بيضا ضعيفة و قصيرة و هذا اكثر شيء ما تحبه فنفسها و دائما تشرب حليب عشان تطول بس مافي فايدة 😂😂
———————————————
عند رنيم و أمها
طول الطريق و أمها توصيها بالسناعه و الكلام المعسول و كيف تتصرف
رنيم بملل : اففففف يمه ترا مو اول مرة نروح معها كل ما نروح تقولي لي نفس الكلام
ام ثامر : ايه لان التكرار يعلم الشطار و عدلي نقابك و انزلي يالله و لا تنسي الي قلته لك عسى تكوني من نصيب راكان
رنيم بعصبية : ماني ناسيه ماني ناسيه و مابي راكان ابي فؤاد
ام ثامر تمشي قدامها و رنيم تمشي ورا أمها
داخل البيت طبعا كلهم كانوا ساكتين و الضيق واضح على وجههم
رن الجرس و جات الشغاله تفتح الباب و دخلوا رنيم و أمها
ام ثامر و رنيم : السلام عليكم
الكل : و عليكم السلام
ترف : تفضلي يا خاله
ام ثامر و هي تشيل النقاب من وجهها : كيف حالكم حبايبي من زمان عنكم
راكان : و الله يا خالتي مشاغل الدنيا
ام ثامر : أي مشاغل هذي الي تلهيكم عني
رنيم من اول ما دخلت و هي عيونها ما نزلت عن فؤاد و تناظره بنظرات حب
فؤاد يشوف رنيم و نظراتها و كاره نفسه يليل وش تبي ذي من اليوم و عيونها ما نزلت عني وين الحيا وين الاستحياء و الله و لا تعرف درب الحيا حتى جعل عيونها العمى هي و ذاك الارالر ( يقصد الايلاينر بس خانه التعبير 😂) الي تقول كنه فرعون
فؤاد و هو يقوم و يمسك راكان من كتفه عشان يقوم معه : احنا رح نطلع يا خاله عشان تأخذون راحتكم
رنيم و عيونها على فؤاد و بدون ما تحس : انا راحتي بقربك
ام ثامر تفشلت من بنتها و قرصتها ع الخفيف و تسلك لبنتها : ههه قصدها اييه احسن تطلعوا تبي تشيل نقابها عيب يا رنيم الله يهديك هذا بيتهم خليهم جالسين
راكان كاتم ضحكته و يطلع أصوات نفس الخنزير
و فؤاد خلاص وصلت معاه و بصوت عالي : استغفر الله
و طلع برا مع راكان
ترف تبي تضحك بس ما قادرة و قالت : انا بطلع انادي أمي
ام ثامر : فشلتيني الله يفشلك
رنيم : و الله مو بقصدي يمه
ام ثامر : امسكي لسانك طيب
رنيم : احبه و الله احبه
ام ثامر بغيض من بنتها : حبتك جنيه هذا الي يتابع مسلسلات تركيه أصلا حتى الولد تنرفز منك و طلع ترا أنتي بالطريقة هذي تنفريهم كلهم منك مو بس فؤاد بالخبله و بعدين على مين أنتي تكذبي ادري انك ما تحبيه و تحبي فلوسه
رنيم ؛ و الله عيال هاليومين ما يجي معهم غير التميليح و ايه ما احبه و لا أطيق خلقته حتى افففف عثيث
ام ثامر : اسكتي شرفت ست الحسن و الدلال
ام راكان بابتسامه : حي الله وخيتي و بنتها شلونكم شخباركم وينكم من زمان ما شفتكم
ام ثامر بمجامله : و الله الحمدلله طيبين كيفك أنتي عسى بخير يارب
رنيم و هي تبوس راس خالتها: كيفك يا خاله ان شاء الله طيبه
ان راكان و هي تجلس : الحمدلله بخير عساكم الخير ( انتبهت لرنيم انها ما شالت غطاها ) هو وش فيك رنيم يمه ما شلتي عباتك
رنيم و هي تسوي انها مستحيه : لاا يا خاله بس كانوا هنا فؤاد و راكان
و قامت تفصخ عباتها و نقابها
ام راكان مبهورة ببنت اختها : و الله و حلويتي يا رنيم و صرتي عروسه
ام ثامر : ايه و الله العيال كبرت
رنيم : تسلمي يا خاله
ترف تقدم لهم القهوة و التمر ام ثامر تخر بنتها بمعنى قومي ساعديها
رنيم بعد ما انتبهت وقفت و هي تقول لترف : تروفه عطيني عنك خلني انا اقهويهم
ترف : لا ما يصير خليني انا
رنيم : أقول بلا رسميات اعطيني
ترف عطتها و هي كلها استغراب من وين نزل الأدب و الأخلاق فجأة
رنيم تقدم القهوة و التمر و تسولف برزانة و أدب كل ذا كان تحت إعجاب ام راكان ببنت اختها و ام ثامر تمدح بنتها و ترف عيونها سبع أمتار قدام من الأدب الي نزل على رنيم فجأة و رنيم تسوي نفسها مستحيه و هي تفكر كيف تجيب راس فؤاد و تخليه تحت سيطرتها
—————————————-
عند فيصل الي كان جالس و نايم على سريره و يفكر بحياته و طموحاته يفكر بحب ابوه الشديد له و سبب كره أمه له طيب يمكن هي ما تكرهني هي بس تبي مصلحتي هه أي مصلحة ذي إذا الأم طول وقتها بس تنافخ على ولدلها و تهينه و لا كأنه إنسان لو انها تعامل قطوة ما عاملته زي ما تعاملني اااااااههه يا يمه لو تدري بالجرح الكبير الي خليتيه داخل قلبي جرح مستحيل أي شخص يقدر يجبره مافي احد يقدر يداوي جرحي غيرك و أنتي ويييييننن وييينننكك أنتي عني ما يهمك شي يخصني و لا اهمك انا بكبري مريض بخير حزين فرحان مجروح و الا عادي ميت و الا باقي حي ما يهمك وين حنان الأم الي أشغلونا فيه وين حنان الأم الي يتكلمون عنه بس أني حنونه معهم كلهم الا انا ليش انا بالذات ما تحبني .. يمكن انا ماني ولدها الحقيقي و أمي ماتت من زمان و لا احد قال لي طيب إيش ذنبي انا أعيش كذا مثل الأعمى اسمع بس ما ادري وش اللي يصير حولي احس بالدنيا تخنقني خلاص ما عاد فيني طاقة عشان اقدر أتحمل اكثر .. كل شيء اقدر أتحمله الا أمي أمي هي نقطة ضعفي هي الي تداويني و هي الي تجرحني إلى متى و انا صابر إلى متى رح أظل كذا اااااههه يا ربي ساعدني
سمع صوت جواله يرن بس ماله خلق يرد و هو غارق في دوامة أفكاره فكره توديه و فكره تجيبه و هو مثل التائه فضلمه يدور بصيص من الضوء عشان يتبعه لكن للأسف كل ما شاف بصيص اختفى عنه بسرعه قبل لا يتبعه أو انه يشوف مصدره حتى
انتبه لجواله الي عاد الاتصال مره ثانيه
هه منو ذا الفاضي الي اتصل علي
اوووووه هذا فؤاد الي شفته ذاك اليوم في المول خلني اشوف إيش يبي
فيصل : الو السلام عليكم
فؤاد : حي الله ابو فؤاد وينك يا شيخ ما تتصل و لا تسأل
فيصل لا و الله من متى المعرفة : و الله مشاغل الدنيا و دراسه و كذا
فؤاد : طيب مشغول الحين ؟؟
فيصل يلييييللل إيش يبي هذا : لا و الله قاعد بالبيت
فؤاد ؛ طبب ممكن نلتقي عازمك على الغدا
فيصل فرصه و الله أغير مودي الكئيب : طيب وين
فؤاد : نفس المكان الي التقينا فيه
فيصل و هو يتذكر : ايييهه طيب اشوفك هناك
فؤاد : اوكك سي يو
فيصل أنهى المكالمة و هو مستغرب اول مره يكلم شخص ما يعرفه و يتكلم معاه بذي السلاسه كنه يعرفه من سنييييييينن
قام فيصل يتروش و و يبدل ملابسه
لبس تيشيرت احمر و فيه خطين طوليات بالاسود و معاه جينز اسود و جوتي سبورت احمر و ابيض مشط شعره و لبس عليه كاب اسود و لبس نظاراته الشمسية و تعطر من عطره الرايق ( قلت لكم قصة حياته 🤣🤣) و أخذ جواله و طلع شاف ابوه و أمه جالسين بالصاله
فيصل : يبه انا طالع تأمرون على شي
ابو سالم : توكل ربي يحفظك
ام سالم : أكيد رايح تهيت و الا وين رايح مثلا
فيصل بابتسامه : لا يمه هذا واحد من الربع اتصل عليي يقول ابي اشوفك مدري وش فيه و هذا انا طالع اشوفه يلا مع السلامه
طلع فيصل من البيت و هو متوجه عند فؤاد
—————————————————
عند الين الي رجعت بيتها و نامت لين العصر تحس بالضيقة تخنقها تبي و تحس بألم يعتصر قلبها تبي تفضفض و تشكي همها تبي صدر يحتويها و يحتضنها و تبكي عليه إذا تعبتها الحياه تبي كتف تسندها كل ما مالت
جلست و هي ضامه رجولها على صدرها و تبكي بخوف و بألم تبكي الوحدة الي عايشه فيها شعور متعب انك تعيش وحيد لا انيس و لا صديق و فوق هذا كله الكره الي تشوفه بعيون الكل لها ما تدري وش سوت لهم عشان يكرهونها لذي الدرجة
ياااارررببيي ساعدني ياربي كون فعوني يارب ارحمني برحمتك .. انا بظل عايشة طول حياتي وحيدة وحيدة و منبوذة مافي احد يحبني و لا احد يبيني الي كانوا يبوني و يقدموني على نفسهم ماتوا راحوا و خلوني أواجه الحياه وحدي خلوني أتعذب و أعيش الحزن و الكآبة .. اللهم احيني ما كانت الحياة خير لي و توفني إذا كانت الوفاة خير لي .. مسحت دموعها بعشوائية و قامت تتروش بماي بارد تغيل همومها و تطيح و تبدأ حياة جديدة بس مارح ترجع نفس قبل ضعيفة لا رح تصير إلين القوية الي رح تقدر تبرمج نفسها من جديد و تعيش وحدتها بنفسها و تكمل حياتها بلا انيس و لا صديق الفكرة هذي ممكن ترعبنا من المرة الأولى لكن فيما بعد رح تلقى نفسك احسن انم تعيش بعيد عن البشر و بعيد عن ضجتهم و ضوضاءهم تعيش حياتك بهدوء و سكينة و سلام
———————————————————-
انتهى البارت العاشر 🖤
يارب يكون عجبكم و ان شاء الله تتحمسوا للبارتات الجايه
توقعاتكم و كمنتاتكم تسعدني
و صوتوا لي باليز ☺️🤣😂
البارت الجاي رخ يكون يوم الثلاثاء أو الخميس بإذن الله
و شكراً 🖤
أنت تقرأ
لقيت روحي بعد ما لقيتك
Teen Fictionرواية يجتمع فيه الفلة و الاكشن مع الحزن و الرومنسية تابعوا روايتي و اتمنى تعجبكم ملاحظة : الروايه فيها كميه من الخيال 💘 مع تحياتي لكم برنسيسه _ كوووول
