لقيت روحي بعد ما لقيتك

البارت الثامن

بعد ما رجعوا فراس و سامي البيت و خذوا كم تهزيئة من الجد لانهم تأخروا اجتمعوا كلهم في المجلس الكبير و قال لهم الجد : مابي واحد منكم يتبع بنت ولدي إلين لندن و الي بيتعبها بكسر له رجوله
ابو رامي : بس يبه هي ...
الجد يقاطعه و يكمل : هي بنت اخونا و تبقى منا و فينا .. توك عرفت انه عندك بنت اخ يا ولدي العزيز و يكون بعلمكم إلين تربيتي و خبز يدي اكيد هي مارح تهرب اﻻ لسبب و تعرفوا كلكم ان إلين عزة نفسها و كرامتها اهم شي عندها ( و هو يوجه نظره لحفيداته يبي يشوف ردة فعلهن )
طبعا البنات كلهم توترن و كل وحده تناظر الثانية بتوتر
الجد : المهم الحين كل واحد يرجع بيته و إلين خلوا موضوعها علي و ﻻ حتى تفكروا تتبعوها انا الي برجعها
فارس بمزح : افاااا جدي طرده يعني
الجد معصب و مو طايق نفسه و بصرخة : قم انت ﻻ بارك الله فذا الشكل قم تقلع عن وجهي ﻻ امسح بوجهك الارض
فارس انتفض بخوف و سامي كاتم ضحكته : ان شاء الله ياجدي
الجد و هو يتمتم و يسند نفسه ع العصا : عيال آخر زمن ما يجون اﻻ بالعين الحمرا جعلهم للاسهال المزمن
كل واحد اخذ عياله و طلعوا لفللهم و هم كلهم غل و حقد على إلين إلي بنظرهم من دخلت حياتهم و هي مشاكل
؛--------------------------------
فؤاد دخل البيت و هو مروق ع الآخر و يغني بصوته النشاز بصوت عالي : اااه ما خسرتك أبداً شنو احتاجك مثلا مو باليي و أصلا ما رييدددكككً - انتبه لامه الي كانت قاعده في الصاله و جنبها ترف و رفيف تلعب في الأرض
هلاااااا وواااااللله بأحلى أمم في الدنيا ي لبيه بس الله لا يحرمني منس ي شيخه
أم راكان ابتسمت لولدها بهدوء : هلا يمه تو ما نور البيت
ترف : افاا يمه يعني أنا كنت مظلمة البيت
أبو راكان كان طالع من المطبخ و في يده صحن فطاير: أنتي من دونك اللمبات كلها تنطفي
فؤاد : يبه وش ذا الي في الصحن
أبو راكان : و الله يا ولدي هذي فطاير لقيتهم يسوونها عشان خالتك بتجي عند أمك
فؤاد و هو يمد يده للصحن : الله شكلها ديليشز ( لذيذ )
أبو راكان و هو يضرب أصابع يد فؤاد ع الخفيف : عيب عليك هذي حقي أنا جايبهم لي روح جيب لنفسك
فؤاد يسوي نفس البنات : آآااايي بابا عورتني ماحبك .. بعدين أنت مو ملاحظ انك سمنان
أبو راكان : لا و الله ماني سمين وش زيني وش حلاتي كلن يتماني و الا يا تروف
ترف : أي و الله يبه انك صادق كل بس بسم الله عليك
أم راكان كانت تناظر اولادها بسعاده و هي مبتسمة فجأة تحولت ابتسامتها إلى حزن يكسي ملامح وجهها الباهت اااه ليتك معهم
فؤاد انتبه لأمه و يبي يلطف الجو و هو يطلع جواله : يمه مارح تصدقين شنو شفت اليوم
ترف بغباء : إيش شفت توم كروز
فؤاد : بلا هبال تروفووهه بعدين أنا اكلم مامتي - و هو يفتح جواله - ينه شوفي بس شوفي
أم راكان مسكت الجوال تشوف و سرعان ما فتحت فمها  بدهشه و عيونها امتلت دموع
———————————————-
دخلت البيت و هي مروقة و شايله كيسين و وراها فيصل شايل تقريبا خمس اكياس كبيرة
فيصل : أففف نوير شنو شاريه أنتي
نور بضحك : و لا شئ و الله كان خاطري ادخل كم محل بس مافي وقت
جات أم سالم : تو الناس وين كنتو
نور برواقان : هااي مامي
أم سالم : وش قلة الأدب ذي يالي ما تربيت ليش تخلي بنتي الضعيفة المريضة تشيل اكياسك
فيصل يناظرها ببرود و لا رد عليها
نور : يمه الله يهديك ما تشوفي ان فيصل شايل كل الأكياس و أنا بس كيستين و بعدين هذي أغراضي
فيصل بدون لا يرد عليها ناظرها ببرود و طلع فوق يودي الأكياس غرفة نور
أم سالم : حسبي الله عليه من ولد عاق
نور : أففف يمه ليش تقولي له كذا حرام ياخي متى رح تعامليه زين ترا حتى هو بشر إنسان يحس و الكلام الي تقوليه له يجرحه حتى لو ما بين لك
أم سالم : اسمعوا بس من يتكلم و أنتي مشغله محاميه عنه و بعدين تعالي هذا لوح ما يحس
نزل فيصل و على وجهه ابتسامته الهادية : أنا طالع توصون بشي ؟!
أم سالم : قلت لك لوح ما يحس قلتي لي لا
نور طلعت تنهيدة طويله : يارب صبرك
فيصل رفع حاجبه و على وجهه ابتسامته : باي أنا طالع
———————————————————
في واحد من القصور الفخمة
كان جالس على اللابتوب و يطالع فلم ولاهو معه يفكر
في وحدة شغلت له باله من يوم شافها و هو مو على بعضه و دووومم سرحان كل الي يدور في باله من هذي اللي شفتها وش اسمها بنت من لا يكون حبيتهااا لااا ما اعتقد
قطع عليه سرحانه ضربة على ظهره من اخته و هي تقول له : الي مأخذ عقلك يتهنى به
فراس: افففف ما تشوفي أني كنت مندمج مع الفلم خبرتي علي أمم جويي يا كلبه
جود : ايييهه وااضضضحح انك مندمج و الا هو الفلم خلص من يوم أنا داخله غرفتك
فراس: طيب وش دخلك تخلصي علي شتبي جايتني تالي الليل
جود و هي تسوي نفسها مسكينه : فرووسي حبيبي تدري أني أختك الوحييدة
فراس : لااا و الله عندي أخت أزين منس كملي بس شتريدي
جود : تدري يا اخي الحبيب أن ايبادي اخترب و أنا ابي ايبادك الجديد بلييييزززز تككففى طلبتك ابي اشوف مسلسلي
فراس : طيررييي بس يا شيخة ما عندنا بنات يتابعون مسلسلات حب و غرام
جود : طيب ما قلت مسلسل حب بس تكفى يا اخي العزيز طلبتك
فراس و لمعت في باله فكره و ابتسم بخباثه : طيب بس بشرط
جود بفرح : اشترط الي تبي
فراس : اول شئ احلفي انك ما رح تقولين الا الصدق و الكلام الي باقوله ما يطلع من بينا
جود بدون لا تفكر : والله و قسم بالله أقولك الصدق و ما اكذب و لا باقول لاحد شي شنو شرطك
فراس : طيب بما انك حلقتي و ما تقدري تكذبي ابسألك من اللي كانت لابسه فستان زهري و شعرها كان مفتوح يوم آخر مره جمعنا جدي في بيته قبل لا تهرب مسودة الوجه
جود و هي تتذكر : ايييهه ماحد كان لابس زهري الا إلين
فراس فتح فمه بصدمه و بدون شعور : امماااا ذيك الحلوة الين
جود بغيرة واضحة : أي حلوة و أي خرابيط لا حلوة و لا شي و وجهها كله ميكب و عيونها عدسات و الا لو شفت شكلها الحقيقي كان تفلت العافية
فراس و هو رافع حاجبه يدري ان اخته تغار منها : قال شينه قال و الله انها أزين منس
جود عصبت : أقول تعطاني الايباد و الا كيف
فراس و هو يضحك : احلللى يا الغيراااننن خذيه داخل الدرج
راحت جود تأخذ الايباد و جات بتطلع بس قبل ما تطلع قالت : مالت عليك و على الحلوة حقتك ( تقصد الين )
فراس أنسدح على ظهره و هو يضحك و يفكر في إلين ياااا لبييييييهه ويني أنا عن هالقمر من زمان
———————————————————-