لقيت روحي بعد ما لقيتك

P15🖤

أستغفر الله و أتوب إليه
اللهم صلي و سلم على سيدنا محمد
—————————————————
عند فيصل
أذن المغرب و هو لين الحين على جلسته ما تحرك من مكانه
قام و توضى و صلى و جلس يقرأ قرآن .. بعدها قام و رجع مكانه ببرود و وجهه خالي من أي تعبير ..
وقف بسرعه و طيش و هو يلم ملابسه بسررعهه و يحطها بشكل غير مرتب داخل الشنطة .. طلع الملف الي يحتفظ بشهاداته التعليميه فيه و حطه داخل الشنطه .. تحرك بشكل متوتر و هو يدور جواز السفر و بطاقة الأحوال و اي شي يخصه تأكد من وجودها كلها و حطها داخل شنطة صغيره تحمل ع اليد
—————————————
عند فؤاد
جالس بغرفته و منسدح على سريره و حاط يده اليمين على عيونه و اليسار تحت رأسه و هو يحس بالضيق يسكن قلبه و ظلاااام دامس يلفه و قلبه يون بألم و وجع ، شعور يجيه و يقوله ان فيصل هو جواد يعني هو اخوك ، و شعور يقوله لا مستحيل محنا بفلم أكشن و اخوك مات مات من زمان ، هذا غير الأفكار السوداويه الي تدور فراسه مثلا كيف اختفى ، هل من الممكن انه يكون انخطف و إذا انخطف مين خطفه ، أكيد واحد من أعداء الشركه او من حساد ابوه
" لو كان مخطوف فمافي احد رح يخطفه غير واحد من أعداء شركة ابوي ، يا ذي الشركه الي ما جابت لنا الا المصائب ، صحيح انها تدخل لنا مبالغ طائلة ، لكن مافي احلى من لمك الأهل و العائلة و يكون ابوك جنبك و مساندك في كل خطوة تخطوها من حياتك ، اااااههه من يا ابوي تركتنا و حنا صغار و خليتنا على حيلة الخدم و امي المكسور قلبها ، و رجعت لنا لما خفت الحقيقه تطلع و نعرف انه عندنا اخو ، بس ما اقدر انكر انه مو حنون معنا ، حنين واجد معنا بس الحنان جا بوقت غلط يوم صرنا كبار و اعتمدنا على نفسنا جا الحنان ، ماحد مرتاح الا رفيف يا حضها بحنان ابوي بس استغفر الله اشفيك قلبت حسود بس مسكينه ما حست بحنان امي ، من جابتها و هي عند ترف ، الله يعين بس "
سمع صوت أذان العشاء قام و توضى و صلى و يدعي وبه انه ييسر له اموره و يقويه
سمع صوت طرقات على الباب
تكلم بصوت مرتفع شوي : نعم
شاف ان الباب انفتح بصعوبة ، رفع نظره يدور اللي دخل الغرفة ، بس ما شاف احد وقف و هو يمشي يبي يشوف من عند الباب
ارتسمت على شفته ابتسامه و هو يشوف رفيف جالسه على الأرض و ماسكه رجلها و زامه شفايفها بألم واضح و عيونها المغرقه بالدموع الي رافضه تنزلها ، نزل فؤاد لمستواها و هو يحضنها بخفه : شفيها حبيبة اخوها
رفيف بصوت يرجف : ما في ثي ( شي )
فؤاد و هو يحملها : متأكدة
رفيف نزلوا دموعها ببراءة: رجلي اووفف
فؤاد حطها بحضنه و هو يمسح على رجلها بحنان اخوي : خلاص راح اوفف
رفيف هزت راسها : اي لاح
فؤاد يمسح دموعها : إيش تبي
رفيف نزلت من حضنه بحماس : بابا دوووللل ( يقول ) تعال عشى
فؤاد : طيب يلا نروح
مسك يدها و هو يمشيها معه لتحت و يسولف معها و هو مستمتع بسوالفها الي تضحكه و تغير مزاجه دايما
——————————————————
في اليوم الثاني
داخل مكتب راكان
كان جالس و يتأكد من الأوراق الموجودة عنده و يحاول يرسم خطه واضحة عشان الصفقة الي رح تصير اليوم بتربحهم كثير و يكسبهم شهره اوسع
سمع صوت طرقات على الباب ، تكلم بصوته الثقيل : تفضل
دخل أحمد بهدوء و هو يتوجه لمكتب راكان : أستاذ راكان قاعة الاجتماعات جاهزة
راكان باهتمام و توتر طفيف: و الضيافة ؟؟
احمد : جاهزة
راكان و هو يوقف : تأكدت من كل شي ابي كل شي يكون بيرفكت اليوم
أحمد بتأكيد : تطمن طال عمرك كل شي جاهز و مثل ما انت تحبه
راكان زفر براحه : الحمدلله طمنتي بس الحين ابروح أتأكد من كل شي
طلع راكان من مكتبه و توجه اول شي لقاعة الاجتماعات ، ريحتها عود مثل ما طلب و مرتبة و مجهزة مثل ما هو يبي بالضبط
طلع لقاعة الضيافة مشى فيها باهتمام و هو ينقل نظره على الورود الموزعة على الطاولات بشكل مُلفت للأنظار ، ألوان المفارش كانت باألوان هادية و مريحة ، الفواحات الموزعة على الزوايا و تغير لونها كل شوي ..
طلع من الغرفة و هو مرتاح ، كان بيتوجه لمكتبه بس تذكر مدخل الشركة
مشى للمدخل باستعجال و هو يناظر ساعته خوف من ان يكون الضيوف على وصول ، ما باقي شي و يوصلوا الضيوف ،
شاف المدخل مرتب و نظيف مثل ما طلب ريحة العود منتشرة في
المكان
طلع متوجه لمكتبه و هو يحاول يهدىء نفسه من التوتر الي فيه
جلس خلف مكتبه و هو يحاول يشغل نفسه بأي شي عشان ينسى توتره
رفع رأسه بانزعاج من صوت الطرقات على الباب : تفضل
فتح الموظف الباب و بتوتر : أستاذ راكان صاحب الشركه المنافسة وصل و هم الحين في قاعة الاجتماعات
راكان وقف و هو يحاول يعدي نفسه : طيب طيب الحين جاي
——————————————-
في بيت احد ابطالنا
جالس على الكنبة و رافع رجوله على الطاولة الموجودة قدامه و عيونه على الكتاب الي بين يديه و يقلب بين صفحاته بملل
عيونه على الكتاب لكن باله مو معه ، باله سافر لمكان بعيد ، ..
رجع رأسه لورا من ذكرى اجتاحت تفكيره
قبل سبع سنوات من الان
كان عمره وقتها ١٧ سنه ، توفى ابوه بنوبة قلبية بشكل غريب ، و توفت امه بعد اربع شهور من وفاة ابوه بنفس السبب و بشكل غامض
ذا الشيء دفعه للتفكير و البحث عن سبب موتهم بهذي الطريقة الغامضة ،
وقت العزا كان الحزن مخيم على صدره استلم مسؤولية اكبر من سنه ، كان واجب عليه انه يعتني باخته الصغيرة و يكون لها الأخ و الأخت و الأبو و الأم و ما يحسسها بالنقصان و فنفس الوقت لازم يحميها من كيد أعمامه و عماته و عيالهم ، الي بالنسبة له أفاعي مو أهل او انه يقدر يعتبرهم سند
و بينما هو كان غارق في تفكيره كيف يحمي اخته ، سمع محادثة بين أعمامه بالغلط
العم خلف بغضب : اسكت يا سعود و لا تخليني أقوم عليك الحين وش بك جالس تتراجف
سعيد : انا قايل لكم من اول لا تقولون له ذا جبان و بيفضحنا
سعود بعصبيه : عشان اني خايف عليكم من عذاب ربي و عشان اني خايف عليكم من الفضيحة صرت جبان ها يا سعيد ، انتم كيف طاوعكم قلبكم تيتموا عيال اخوكم و هم صغار حرام عليكم و الله يا حسافة بس
راشد : انت وش تقصد بكلامك ذا يعني حنا قاتلين ؟؟
سعود بغضب : ايه قاتلين و نص بعد اجل تتآمرون على اخوكم و مرته و تقتلوه بطريقتكم القذرة و كل ذا حقد منكم حسبي الله و نعم الوكيل عليكم
خلف : ااصصص و انقلع من وجهي هذا الي ناقص بزران يتكلمون
سعود و الغصة فحلقه: اييه انا بزر انا بزر لأني احاول اصحيكم و اطلعكم من القذارة ألس انتو فيها انا بزر لأني احاول اصحي ضميركم الميت الي قتله حقدكم على اخوكم ، و انت
- يقصد خلف - عشان اخوك تزوج الي تحبها تسوي فيه كذا تفكر اني ما اشوفك ؟؟ ما الاحظ عيونك الي شوي و تطلع من محاجرها يوم تلمح زولها ، ا...
خلف قاطعه بلكمه على وجهه و الغضب واضح فعيونه: اسكتتتت و لا عاد اسمعك تتكلم و انقلع من وجهي
سعود و هو يمسح الدم الي على شفته: أصلا ما أتشرف يكون عندي اخوان قاتلين هه و ياليته سبب عشان يقتلون عشانه سبب تافه اتفه منكم تف عليكم
و مشى تاركهم وراه غافل عن الي سمع كل كلمة انقالت
رجع من خياله الأليم على صوت خالته و هي تناديه للغدا
مسح على وجهه بإرهاق و هو يوقف و يردد بداخله : رح انتقم لكم لو كان على حساب موتي
سؤال : مين تتوقعوا يكون ؟؟
//—/—————————
في بيت قديم , مهترىء قضى عليه الزمن
بالتحديد داخل غرفة غير عن باقي البيت بأثاثها الجديد و ديكورها الفخم
الأب بصوت حازم : اسمعيني زين و افهمي اليوم في الليل الساعه ١٢ إبيك تطلعي و انتي متنكره كالعادة و للمكان المعتاد  تسلمي هذي الكيس لجاسم و انتبهي ترا قلت جااااسسسم اسأليه قبل لا تعطيه الكيس اسألي عن اسمه فاهمه ع العموم هو رح يكون ينتظرك و أتوقع رح يعرفك على طول
هزت لتين راسها ببرود و هي تمسك الكيس الممدود لها : أوامر ثانيه ؟؟
الأب و هو يشفط من سيجارته : لا و برا يلا و ايه صح - اعتدل في جلسته- ياااا ويييللك ثم يا ويلك لو احد درى انك طلعتي فاهمه و الكيس ذا خبيه ما ابي اي شخص يشوفه حتى انتي لا تفتحيه
هزت لتين راسها بملل و هي تخبي الكيس تحت بلوزتها
طلعت من غرفة ابوها و هي متوجهه لغرفتها هي و خواتها
فتحت الباب و صكرته باهمال جلست على فراشها الأرضي و تمسح على وجهها بتعب
تولين - اختها - : هيييي وش فيك وش كان يبي ابوك ذا
لتين : وش يبي يعني كالعاده
عقدت رناد حواجبها بعدم فهم ثم فتحت عيونها بصدمة و هي تتأتىء : ل ل لا تتتت تقولي يبيك نفس اول
لتين ببرود : ايه  و خلاص اسكتي رجاءً ماني ناقصه
رمت لتين نفسها على مخدتها و هي تغمض عيونها و تحاول تنام
و تولين تفكر باختها و شنو اللي بيصير لها من ورا ذي الطلعات
تعريف سريع
لتين عمرها ٢١ سنه شخصية قويه و عنيدة و الي فرأسها تسويه و من ناحية الجمال جميله بيضا و عيونها وساع لونها بني غامق شعرها اسود و قصيرموشها لا قصيره و لا طويله يعني نص و نص انفها حلو و مناسب على شكل وجهها و شفايفها مليانه شوي و عاطيتنها جمال خاص
تولين عمرها ٢٥ حنونه تعتبر نفسها الأم و الأب للتين و هي اختها الوحيدة من امها و ابوها احيانا تصير قاسيه و في الجمال بشرتها برونزي عيونها واسعه و عسليه شعرها طويل يوصل لخصرها و لونه على عسلي شفايفها صغار و عندها شامه تحت شفايفها
• وش تتوقعوا يكون دور لتين و تولين بالقصه
-/—————————————
نرجع لشركة راكان
مسك الملفات و الأوراق المهمة و هو متوجه لصالة الاجتماعات
دخل القاعه و هو راسم على ثغره ابتسامة ثقة و ينقل أنظاره بين الجالسين على الكراسي لمح وحدة كانت جالسة بعباءتها  رفع حاجب باستغراب و هو يلقي السلام : السلام عليكم و رحمة الله و بركاته
الكل / و عليكم السلام
صافح الحضور باليد و اكتفى بإلقاء التحية بالكلام على الحرمة
راكان بثقة : معاكم رئيس شركة ال.... للتجارة راكان بن قيس ال...
الحرمه ببرود : معاك غرور بنت خالد ال... رئيسة شركات ال...
راكان بصدمه : انتي الرئيسه - رفع حاجبه باحتقار و قرف - هه تشرفنا
غرور ببرود : الشرف لي ، ممكن نبدأ على السريع
راكان بغرور : أحمد لو سمحت ابدا بالشرح
غرور بنظرات : و ليه مو انت يا أستاذ راكان و الا ما عندك معلومات عن المشروع الي رح مسويه مثل الي حصل الحين هه ما عندك معلومات عن شركتنا و عن صاحب الشركه هه ، يلا اخلصوا علينا عندي اشغال اهم
راكان ناظرها بقهر فعلا هو ما كلّف على نفسه انه يبحث عن اوضاع شركتهم الحاليه كل الي سواه كان استناد على معلومات سابقة لما كان ابو غرور هو الي يدير هذي الشركات
أعطاها نظرة احتقار و هوريناظرها من فوق لين تحت ثم صد عنها لاحمد الي وقف متوجه للبروجكتر و بدأ بشرح المشروع و الرؤية المستقبلية و أهمية هذا المشروع بالنسبة لشركاتهم
راكان و عيونه على غرور : المشروع هذا يناسبنا و رح يكسبنا كثير
غرور ببرود و هي تلعب بالقلم و بأسلوب مستفز : بس ما نتجاهل انه إذا فرّطتوا في اي نقطة بسيطة ممكن أنكم تخسروا كثير بعد
راكان مد رجله من تحت الطاولة و دعس على وجلها بقهر
غرور ارتاعات من الشي الي ألمها برجلها و نزلت راسها تشوف و لقت رجل راكان ، رفعت راسها و هي تناظره بقهر ، مدت رجلها القصيرة تحاول توصله بس مافي فايدة ضربت برجلها بقهر على الأرض و هي تناظره بكره ، راكان ابتسم بشماته و رفعة حاجب و هو يناظر بعيونها الي واضح عليها القهر
احمد و هو يمد الأوراق لراكان : أستاذ راكان تفضل وقع و بعدها اعطِ الانسه غرور
وقع راكان ثم مرر الأوراق لغرور و هو يناظرها بابتسامه كاتم خلفها ضحكته : تفضلي آنسة غرور وقعي
غرور سحبت الأوراق من راكان بقوه و بشكل ملفت ادى إلى استغراب الي كانوا موجودين ، و وقعت و مدت الأوراق لخالد
راكان و هو يوقف : أجل تمت العملية على خير
غرور باستفزاز و هي ترسم ابتسامه وضحت من عيونها : وش عمليته لا يكون بس داخل غرفة عمليات و انا مدري
خالد حط يده على ثمه و يحاول يكتم ضحكته
راكان بغيض و عيونه على غرور : تفضلوا لقاعة الضيافة
وقفوا الموجودين و غرور مرت جنب راكان و دعست على رجله كانتقام
راكان بغيض : خييييررر وش تبي انتي
غرور و هي تعدل عبايتها : و لا شي بس حبيت انتقم منك يا أستاذ راكان - و مشت عنه -
راكان : أف منك يا القزمه الله يعيني عليك بس
—————————————
في الليل
بعد ما أتأكدت ان الكل نايم
راحت للمخزن و هي تطلع ملابسها الصبيانيه
لبست البنطلون الجينز الواسع و التيشيرت و لبست الكبوس ( الكاب ) و نزلته على عيونها و اخر شي لبست الجاكيت و رفعت القبعه فوق راسها ، خذت الكيس  و مفتاح السيارة الي أعطاها إياها ابوها عشان تنفذ اوامره
و طلعت و هي مخبية وراها لتين و أظهرت بدلها لؤي
——————
انتى البارت
أتمنى يكون عجبكم و حماس
و شكرا على تعليقاتكم
و على انتظاركم
اكتبوا توقعاتكم ❤️🔥
لوووفف يووو