واحده قريبتى حكيتلى عن ابنها لما كان فى ثانوى كان ليه زميل فى الفصل احواله وتصرفاته بقت مش طبيعه ودايما سرحان وبيلاقوه بيتكلم مع حد مش موجود ... فبتقول ان واحد من زمايلهم راح عنده البيت ومامته قدمتلهم الغدا لكن حطت على الترابيزة اطباق لفرد زياده فبيسأله ده لمين راح قاله للشيطان !!!
وقاله بص للحيطه اللى وراك وانت تعرف فالولد بيبص لقى خيال لكائن غريب واضح جدا عالحيطه ..
طبعا طلع يجرى وحلف مايدخل بيته تانى ...
و بعد فتره زميل ابنها اللى تصرفاته غريبه ده جاتله حاله ساب دروسه والمذاكره وبقى قاعد فى المسجد ليل نهار وعلى طول يبكى ومش مبطل صلاه ...
ولما اصحابه سألوا عنه مامته واخواته عن سبب الحاله اللى هو بقى فيها دى عرفوا انه كان مصاحب مجموعه من عبدة الشيطان
لكن هو دخلها بس علشان يتعرف على بنات وخصوصا انه عرف ان فى طقوس بتتعمل فيها خلع للملابس فقال اهيص معاهم يومين وبعدين اسيبهم ...
وفى الاول كانوا بيطلبوا منه يقول بعض الطلاسم وبعض التصرفات زى انه لازم يعمل حساب للشيطان فى اكله وشربه ...
وفعلا بقى الشيطان يظهرله وزميله شافه عنده ..
لكن اللى حصل بعد كده ان كان عندهم تجمع فى مكان وكان المطلوب يقفوا على باب الحمام وكل واحد يربط مصحف فى رجله ويدخل بيه داخل الحمام وهو بيقول بعض التعاويذ ...
فالولد ده لما جه الدور عليه رفض انه يعمل كده وبيبص لقى اللى دخل قدامه وقال التعاويذ راحت النار مره واحده ولعت جوه الحمام ...
فخد بعضه وطلع يجرى وروح بيته وفضل قافل على نفسه كام يوم عمال يعيط ويستغفر ربنا ... وبعد كده بقى مش بيسيب المسجد ولا بيسيب المصحف من ايده وقال انه هيعيش عمره كله يطلب من ربنا انه يسامحه عاللى عمله ..
أنت تقرأ
حدث بالفعل "قصص حقيقية"
Paranormalاتظن اننا نعيش في هذه الحياة وحدنا !! هل تعتقد هذا فعلا ؟؟ هل تؤمن بالجان ؟ لا عليك لنسأل بشكل ارقى من ذلك واكثر تحضرا .. هل تؤمن بالقوى الخفية!! ..... هذه ليست قصة او رواية من وحي خيالي وانما بعض المواقف الغريبة التى ليس لها تفسير علمي ولكنها...
