القصة على لسان احد اصدقائي...
إمبارح رجعت من الشغل الساعه 10 بلليل وأنا داخل البيت لقيت أخويا واقف في البلكونه بتاعت أوضتي وضهره للشارع دخلت البيت ناديت علي أخويا مردش دورت في الشقه ملاقتهوش قلت يمكن طلع فوق علي السطح طلعت الفون من جيبي لقيته فاصل شحن حطيت التليفون يشحن وقعدت في أوضتي وفاتح الباب فجأه لقيت أخويا دخل بسرعه الأوضه التانيه والباب إتقفل رُحت علي الأوضه التانيه بخبط بقوله إفتح ياإبني مردش عليا قلت له إفتح هكسر الباب لقيته بيقولي إمشي أحسنلك قلت له مالك طيب قالي إمشي قلت له صوتك متغير ليه ياإبني فيك إيه مردش قلت له براحتك وقلت هدخل أشوف الفون كده شحن ولا لسه دخلت الأوضه لقيت فيشه الشاحن متشاله إزاي معرفش وفجأه لقيت النور قطع بحاول أدور علي كشاف مش لاقي كشاف دخلت المطبخ علشان أجيب شمعه لقيت أخويا طالع من المطبخ مولع شمعه خدتها منه وقلت له مالك ياعم بقي سابني ودخل الأوضه وقفل الباب عليه تاني دخلت الأوضه بتاعتي وأنا ماسك الشمعه وقفلت الباب ورايا لقيت النور جه بلف وشي كده لقيت أخويا قاعد علي السرير قلت له منك لله خضتني ياعم أنت عفريت ياإبني أنت مش لسه داخل الأوضه وقفلت وراك دخلت هنا إزاي أفهم بقي بصلي كده وإبتسم وسكت إضايقت منه خدت الفون والشاحن وسيبته وطلعت قعدت في الصاله ولقيت الفون شحن 10% فتحته وشويه سمعت صوت حلل بتخبط جامد في المطبخ وحنفيه المايه بتاعت الحمام والمطبخ إتفتحوا وصوت ضحك عالي والباب بتاع الأوضه بيتقفل ويتفتح جامد وشميت ريحه زي دخان أو حريقه كان عندي برود ساعتها إزاي معرفش عليت صوتي قلت له أنت يازفت بطل بقي الشغل ده أحسنلك أنت بتهبب إيه عندك سمعته بيضحك بصوت عالي أوي وشويه لقيت أخويا بيتصل بيا قلت ياربي بقي علي الهبل والليله دي رديت عليه قلت له نعم ياعبيط عايز إيه قالي أنت فين ياعم برن عليك من بدري قلت له والله أنت عمال تخيلني هنا وتكسر في الشقه وتخوفني وتقولي برن عليك قالي ياأمير أنا وماما وإخواتك عند خالتك من العصر علشان تعبانه وبتصل عليك من بدري علشان أعرفك إننا هنتأخر شويه أنا سمعت كده مصدقتش دخلت الأوض مفيش حد والحلل زي ماهي في المطبخ والحنفيات مقفوله ومفيش أي آثر للدخان جريت علي باب الشقه ولأول مره الباب مش راضي يفتح خالص أحاول فيه مش راضي يفتح بردو
مش عارف إيه خلاني إلتفت ناحيه المطبخ لقيت خيال أسود جاي عليا الباب مش راضي يفتح خالص جريت علي البلكونه من حُسن حظي إننا في الدور الأول وجمب البلكونه عمود نور نزلت عليه بسرعه ..
أنت تقرأ
حدث بالفعل "قصص حقيقية"
Paranormalاتظن اننا نعيش في هذه الحياة وحدنا !! هل تعتقد هذا فعلا ؟؟ هل تؤمن بالجان ؟ لا عليك لنسأل بشكل ارقى من ذلك واكثر تحضرا .. هل تؤمن بالقوى الخفية!! ..... هذه ليست قصة او رواية من وحي خيالي وانما بعض المواقف الغريبة التى ليس لها تفسير علمي ولكنها...
