حدث بالفعل "قصص حقيقية"

لازالو حولنا

القصة على لسان احد اصدقائي ..

اخويه الله يرحمه لما كان عندنا بالبيت فى اواخر شهرين قبل وفاته من 5 ستوات وكان تعبان والسرطان اثر على النطق والحركه كنا نلاقيه زى ما يكون بيكلم حد فى السقف وبيدخل نقاشات من غير صوت وزى ما يكون فى حوار عميق وساعات يبتسم واول ما ندخل عليه يسكت خالص ويغمض عينه كانه نايم ؟ وكانت اختى فى كام مره لقت ولد صغير شكله حلو اوى وشعره اصفر بيجرى فى البيت الصبح بيدخل علي اخويه اختى تدخل وراه تلاقى اخويه نايم ومافيش حد عنده كل ده اثناء تعبه المهم لما اخويه توفاه الله يرحمه هو ملحقش يوصى بحاجه او يقول حاجه لان السرطان اثر عليه تماما فضلت اسمعه جوه ودانى لمدة شهر بيبلغنى حاجه خاصة لما اكون بليل لوحدى افتكرت كتير بصاته عليه واساله انت عايز تقول حاجه يقول اه بهز راسه بس مش بيعرف ينطق بس بعد وفاته عرفت ايه هى من الصوت اللى فى ودانى وعملتها له  والصوت راح.. اختى بعد ما عدى بتاع 3 سنين على وفاة اخويه شافته يوم الجمعه واقف جنبها بشحمه ولحمه بيبص عليها اترعبت وشهقت فاختفى بسرعه ومرجعش تانى يظهر وبردوه ابن اختى الطفل شافه الغريب ابن اختى شافه وشاف جدتى انا واختى اللى عمره ما حضرها وشاف والدى وبيتكلم عنهم عادى كانه شاف جماعه اصحابه ولا جيرانه وقال ادله صدقناه خاصة لما كان لسه صغير اوى بتاع سنه ونص او سنتين كان كتير فى البيت ليلة الجمعه بليل يفضل يقول جدو سراج ويهزر ويلعب وحسينا انه فعلا موجود ... قصه تانيه زمااان من حوالى 15 سنه كنت بليل لما اقوم رايحه الحمام كنت بعدى على الصالون كنت بشوف ست لابسه ابيض وخمارطويله اوى وبتصلى وكنت  شفتها كذا مره وبعد كده اختفت البيت بالمناسبه مش مرعب ولله الحمد كل اللى يدخله يحس براحة غريبه جدااا ويحب جدرانه وموقعه ومش عايز يمشى برغم ان بابا واخويه كل واحد فيهم اتوفى فيه بسبب المرض كل واحد فيهم كان عيان الله يرحمهم ويرحم الجميع