ماهو ذنبي ؟؟

البارت 21

اسيل : نت ؟ اشرف ( او بدات كتخضار او تصفار المهم قاع الوان الطيف ولاو في وجهها او بدات كتدعي ياربي ما يكون سمع والو حيت عارفة اشرف شكاك )
اشرف : مالكي واش مريضة ياك لاباس شوفي وجهك كي صفار
اسيل : ( بدات كتكحب ديال بلعاني او نتوما عارفينها مني كنكونو صغار كنديروها باش منمشيوش للمدرسة راني عتيقة بيكم ) كح كح كح
اشرف :( مخلوع ) كريمة الما اكريمة سربي خالتي اجي جلسي رتاحي واش نعيط ليك الطبيب
الخدامة غانولي نعيط ليها بكريمة اوك
كريمة : هاكا اسيدي
اشرف : هاكي شربي بالشوية عليك
اسيل :(كتهضر بزز ) كح لا بلاش كح غير خليني كح نطلع لبيتي كح او غانولي بخير خاصني كح غير نعس ليا او نرتاح شوية كح كح كح ( واه شحال فيك ديال الكذوب ا لالة اسيل خاصنا نعطيوك جائزة الاوسكار في التمثيل )
اشرف : اووف مكتسمعيش ياله نمشي معاك نطلعك لبيتك اه كريمة واخا تجيبي معاك كاس ديال الليمون يكون بارد او صيبي ليها الفطور او ديه ليها لبيتها
كريمة : واخا اسيدي او الله يشافيك اللالة او مشات الكوزينة
اشرف مشا مع اسيل كيطلعها في الدروج دقة دقة شافهم احمد مشا كيجري تقولو ساحرة ليه
احمد :( مخلوع ) مالها اش وقع ليها عيطو على الطبيب
اشرف : غير كتكحب او وجها صفر معرفتش مالها او مخلاتنيش نعيط للطبيب شوف نت معاها
اسيل : ( اوف عاوتاني خاصني نمثل اني مريضة باش ما نتكشفش ) كح كح احمد هاني شوية او غانولي لاباس متخلعش كح خاصني غير نعس ليا شوية او نفطر
احمد : اووف شحال راسك قاصح ياله نديك صافي اولدي الله يرضي عليك غير سير كمل شغالك انا هنا
واحد الشوية سمعو صوت تصفيقات من وراهم 👏👏👏👏👏👏
...: لا لا نتوما عائلة واو مكينش ما حسن منكم كملو ديك المسرحية اللي كنتو كتديروها دبا
اشرف : مالك نت ديها في سوق راسك او بعد من جيهتي
...: راه السي الكريم ختي اللي هادي سيمانة باش طارت معرفتها ميتة مخطوفة حية اش واقع ليها واكلة شابة او انت الاب المثالي حشومة او عيب نقولو ليك اب بزاف عليك الأبوة بنتك موضرة او انت جالس ليا منايا بحال الولية لا لا نتوما بعدا مخليتو ليا ما نقول الصراحة
احمد : امير متجاوزش الحدود ديالك راك جالس في قلب داري واقيلا او من الفوق انا عمك او اولى بيك او ماسوقيش فيهم بجوج راهم كبرو المهم عائشة وصلات ل18 عام ولات وصية على راسها زيد عليها ماريا هديك كتبقى ختك نت ماشي انا
امير : عليا باليمين او باش كيحلفو الرجالة الحرين او نلقى عندكم ولو دخل صغير باللي واقع ليهم حتى تكونو حفرتو قبركم بيديكم خليو غير أميرة الداخل مريضة مني مشات ماريا مبقاتش كتاكل او لا تشرب
احمد : صبرت عليكم بما فيه الكفاية ياله برا خرجو عليا من داري او دي عليا حتى ختك من هنا مني نجي منلقاكمش
امير : تصاحبنا غامييتين باش نبقاو عندك خليهم هما ينفعوك او بالخصوص خالتي اسيل غادي تصدمكم بجوج عقلو فين قلتها ولا لا العقرب ( او بدا كيضحك ) او انت اخويا العزيز اللي كنت معتابرك خويا او صاحبي بسباب هادي ( كينعت لأسيل) بدلتيني او وليتي بحالا مكتعرفنيش دبا كلشي يبان ولكن كنقسم ليكم او يكون عندكم دخل في هاد الشي او لا نلقا ختي قايسين منها طرف واحد والله ما نرحم فيكم شي واحد
اشرف : برا ياله سمعتي اش قال اوا الباب وسع من كتافك وريني اش غادي تدير هز هوايجك او برا عليا من هنا
في جيهة اخرى في واحد البيت اقل ما يقال عنه كوري ماشي بيت هداك كينة واحد البنت ناعسة شعرها مدلي على وجهها او ايديها او رجليها مربوطين في الناموسية اللي حاشة واش تكون ناموسية ملبسينها كسوة بيضة تال الركبة مقطعة رجليها مطبعين بالزروقية مخلط بالدم او كينين اثار ديال السوط في لحمها الريحة خانزة تما ايديها ولاو حالتهم حالتها تشفي العدو ناعسة ماشي ناعسة نقولو ميتة او هيا باقة حية جسد بلا روح تسمعات الساقطة ديال الباب طق طق
المجهول : الزوينة فيقي راني جبت ليك الفطور ( حاشة لله واش يكون هداك فطور المهم بلاما نقولو باش منخليش الشهية ديالكم تمشي ليكم )
البنت : اممممم او دموعها جفو بكثرة البكا
المجهول :( حيد ليها السكوتش من على فمها ) الدريات الزوينات كيكونو مأدبات كيسمعو الهضرة اوا هاكي كولي
البنت : كح كح كح الما بغيت الما
المجهول : هاكي شربي باقين محتاجين ليك
البنت : فيناهيا ماريا كح كح
المجهول : حيت نتي زوينة غانقول ليك فيناهيا صاحبتك ماريا الالة ديناها لوكرالثعلب حتى تلحقي عليها الا بقيتي عايشة
عائشة : بغيت نعرف شنو درنا ليك كنا في البيت ديالي ناعسين الصباح لقيت راسي هنايا او. بعاد اللباس اويلي غادية نتسطا انا قول ليا شنو وقع هالهار راني مبقيت عاقلة على والو اجي شحال او انا هنا النهار او الليل ولاو عندي بحال بحال
المجهول : نتي دبا سيمانة او انتي هنايا انا بعدا جاوني اوامر من الفوق باش نقتلك ولكن بطريقتي انا علاش او كيفاش معندكش الحق تسولي او لا غايكون العقاب ديالك كثر من هكا
عائشة : غير قول انا راني ميتة ميتة في كلتا الحالتين
المجهول : بعدا اللي كلفني باش نقلتك هو. ..

#يتبع
تعليقاتكم