لا احلل النشر بذون دكر اسمي وصال بروان
يوري: كين شي موشكيل عندك شي مانع
العفريت:واش نتي عارفة معامن باغيا تهضري
يوري: اه عارفة
العفريت: راك باغيا تمشي لجهنم برجليك واش مستوعبة شنو كتقولي
يوري:(تكرشخات بالضحك) ممكن نشوفو
العفريت: ( تصدم ) ياله زيدي ماشي شغلي نتي اللي درتيها بإيديك
يوري:(واتا سير راه خاصك تخاف عليه هو ماشي انا ههههه انا راني ميتة اصلا ماعندو مايصور مني ) صافي سير
العفريت غادي قدامها او هي باركة كتمنظر في القصر او تخطط غابوحدها عقلها خدام في اي خطوة خطاتها غادية بالعبار تاوقف العفريت او دار عندها
العفريت: شوفي انا حدي هنا بغيتي تدخلي هالباب قدامك ولكن شهدي بعدا
يوري: ( ماداتهاش في شنو قال تخطاتو او زادت) دق دق دق
الوحش:(من الداخل:) شكون هادا اللي باغي يموت اليوما
يوري:(زادت من قوة الدقات)
الوحش:( ناض قافز حل الباب او هو يتصدم بيوري واقفة قدامو بلاما تخاف منو) تي اش كديري هنا شكون خرجك من الحبس
يوري: ماشي مهم
الوحش: لا مهم او بزاف
يوري: مكنتش عارفة فيك قوة الهضرة
الوحش: واش مخيفاش ماعارفاش شكون انا
يوري: نت الوحش اللي مخوف كلشي شنو هو الجديد( في نفسها: قربت لشنو باغيا الا ماخليتك تعصب ما نكونش سميتي يووووووري)
الوحش: يعني ماخيفاش
يوري:علاش غانخاف منك( او بدات كتاوب) جبتي ليا النعاس مافخباركش
الوحش: علاش نتي ماخايفاش مني
يوري: حيت مافيكش شيحاجة اللي نخاف بسبابها الطولة او التجريدة كينة بحالي بحالك شنو اللي غادي يخليني نخاف منك
الوحش: مخفتيش انو نقدر ناكلك 😋😊
يوري: ماغتقدش تاكلني في خبارك هادي
الوحش: هوووووو شنو سر هاد الثقة كاملة
يوري: ( قربات منو كلما كتقرب هي كيبعد هو ) هذا هو السر
الوحش:(معرفتش علاش هي الوحيدة اللي مخافتش مني او ما هرباتش )
يوري: بلاما تهضر عارفاك نت كتغدى على الخوف ديال بنادم او لا ديال الكائنات كاملة نت ماغاتقدش عليا حيت مخيفاش منك او ما عنديش نقطة الضعف اللي تقدر تستغلني بيها
الوحش: مستحيل يكون شيحد معندوش نقطة الضعف
يوري: من نيتك نوريها ليك هههه ماغاتدخلنيش بغيت نمشي لبيت الما
الوحش: شنو
يوري: الحمام الطواليط بيت الما فين كتقضياغراضك البولية التغوطية
الوحش: معرفتش علاياش كتهضري
يوري: على نت عمرك بلتي كدير فيها زعما البريستيج
الوحش:خرجي عليا برا خلي يمشي معاك شيحد لبرا
يوري: مبقيتش باغيا تمشي بغيت نرجع عند خوتي دبا
الوحش: را الباب قدامك او ما تحاوليش تهربي راه كلشي مراقب
يوري: حاول تمنعني 😄😄
الوحش:ماغاتقدريش
يوري:(دارت راسها غادية ) الا درتها في دماغي جرب تحيدها ليا
الوحش:(بينو او بين راسو ) طلعات ما ساهلاش
يوري بدات الخطة ديالها للهروب كتوضاح رجعات للزنزانة ديالها دارت يمين او شمال ماشافت حد او هي تهز الشعلة ديال العافية او قرباتها للحديد حيت الحديد كينصاهر مع العافية بدات بأمير او مرة مرة كتشوف جنابها لا يكون شيحد شافها تابدا كتبان ليها السنسلة ديال الحديد كتلاشى بالشوية بالشوية حتى تحلات كانلةمي امير ما تحركش من بلاصتو تاجمعات ايدها او عطاتها ليه تصرفيقة ما تمناهاش لعدوك او بقات كتنخد فيه او تهضر
يوري: عائشة صافي ماتت مبقاتش باح مشات شوف خوتك حداك كيولاو واش باغي خوتك يتعذبو باغيهم يموتو ( جراتو) شوف أميرة كيولات كتبان شوف ليالي كيولات واخا مكتعرفوش بعضياتكم مزيان مي شوف عائلتك كتمشي قدامك هادا هو امير الراجل ديال الدار انا بانت ليا ماريا هي الراجل نت شنو دير غير جلس او نجيبو ليك زيف دير العكسة او قول ليا نجيب ليك ساية او بقع تنذب تال القرن الجاي تاترجع معانا شوية اه عائشة ماتت الله يرحمها راه البكا من مورا الميت خسارة راه ماتت وحدة باقية عائلة على قدها ترحم عليها او نقد خوتك ( محساتش تاعنقها امير بدا كيبكي)
امير: راها كانت كلشي بالنسبة ليا حبيبتي ختي كلشي منقدرش نعيش بلا بيها
يوري: ترحم عليها وا اذكرو امواتكم بالخير واش بكاك هو اللي غادي يرجعها شوف ما متخليش التضحية ديالها تمشي غاهكاك او دمها يضيع ياله راه معنديش الوقت راه دبا غاتكون مرآة عالم الأحياء محلولة ولكن توصل 12 ديال الليل غاتسد او لا تسدات ماغاتعاود تحل تال 10 سنين خرا ياله باقة غاسعتين او الطريق بعيدة
امير:( مسح دموعو) اه ياله نحلو السناسل كاملين
صوت من اللور: احم احم اش كديرو احباني في الله
يوري:(ضارت ) والو غاملقينا ما نديرو قلنا اجيو نلعبو الحبل او نتفكرو يامات الصغر
الوحش:ضريفة بريئة مني
يوري: شتي راه مكينش بحالي حق ربي ( دارت لأمير ) واش انا قلت ليك اليوما الحد كين روبو نت كمل شنو دير او خليه عليا انا اوا فاش كنا
الوحش: كنا فين قلتي غاتوريني النجوم
يوري: واخا ماقلتهاش مي ماندرهاش لحبيبي في وجهو( هزات رجلها او عطاتها ليه بين رجليه جابتو كاو بالألم ( انا :راه ماشي الدقة بعد المرات اللي كتطيح الخصم ديالك مي تعرف فين ضرب او بالخصوص المناطق الحساسة بحال العنق تحت الرجلين الأنف او زيد او زيد حيت واخا يكون الخصم ديالك قداش او قدما يكون قوي او مستحيل تهزمو راه الا خدمتي عقلك غادي تجيبو كاو وجهت نظري انا هادي ولكن حرية الإنتقاد*) مني طيحاتو خلات امير منباهر بهاد المخلوقة اللي قدامو ) يوري: سد فمك راه الموت كتدور او كمل شنو كنتي كدير من بعد او تصدم مي ماشي دبا
اميرة:(حل ليها السنسلة او هي تهضر) توحشتك اماريا
يوري: ماشي انا ماريا انا يوري انا هنا باش نعاونكم كاملين
امير:على فيناهي ماريا
يوري: اوووف شحال عزيز عليكم تسولو في هاد الوقت( الوحش ناض) هاد اللشي الا بغيتو ياله تقعدو قدامي جريو الا عندكم شي سوفل مي باين ماعندكم والو
اميرة:ولكن فين
#يتبع
أنت تقرأ
ماهو ذنبي ؟؟
Paranormalقصتي ماشي بحال القصص اللي كتعرفو كتستهوي المراهقين ديال اليوما هاد القصة كتكلم على بنت ما شفقاتش عليها الدنيا او ما حناتش فيها ظلماتها قسات عليها يتماتها شرداتها او اخدت اعز ما عندها خدات مها او باها برائتها طهارتها غادي نخليوكم تعرفوها كثر في القصة
