البارت 22
الكاتبة : وصال بروان
المجهول : بعدا اللي مكلفني باش نقتلك هو اشرف
عائشة : الغدار ولد الحرام ويلي ويلي حي دبا عرفت علاش باغي يقتلني اييه ولايني مطور مع راسو جا من اللور او باغي ياخد الورث كامل او من الفوق ماما الله يرحمها كانت دايرا ليا وصاية على حياتي انا او ماريا الا متنا الواليد كياخد 100 مليون هادي غير وصاية علينا ( هاد اللشي علاش احمد كان محتضن ماريا او خوتها حيت هما الوصيين الرئيسين على ماريا حتى توصل السن القانوني ثم امير حيت كبير فراه الأملاك اللي مكتوبين بسميتو ولكن في وصاية عمو لاوتعد ولا تحصى ثم كتجي أميرة التوأم ديالو عندها هديك بوحدها شركات للتصميم و الأزياء في جميع فروع العالم او هاد اللشي غير ياله كملات 19 عام الله اكبر دبا هاد ولد الحرام باغي ياخد كلشي هو او خالتو او دارت
المجهول : ( مصدوم ) الصمت
عائشة : مالك سكتي
المجهول : لا لا والو واش سارطة كسيطة او لا شنو مكتسكتيش شوية
عائشة : نسولك او ماتدريهاش مني قلة الصواب
المجهول : سولي الله يخرج هاد النهار بخير
عائشة : شنو سميتك
المجهول : او لاش باغيا تعرفي في شنو غادي تفيدك سميتي
عائشة : غابغيت نعرف شكون هادا اللي غادي يكون عندو الشرف باش يقتلني او بغيت نكسر الملل شوية
المجهول : سميتي نور كينة شيحاحة خرى
عائشة :( بدات كتضحك ) نور واع سميتو نور او بدات كتضرب او تغوت تقول جاتها الجعرة
نور : مالكي اويلي حي مالها سميتي
عائشة : واش جاتك عادي سمية نور ماشي سميت درية هادي ماشي دري
نور : بحال بحال الله يرزق غير الصحة او السلامة البنت ولات كتطالب بالتسوية او المساواة حتى من السميات ولا بحال الدري بحال الدرية حتى في الإرث ولات كتطالب بالتسوية ( اه البنات واش حتى نتوما مع اللي كيطالبو بالتسوية في الإرث بين الدري او الدرية )
عائشة : اجي عاود ليا شوية على راسك
نور : عيقتي لا واسيري تكمشي حسن ما نزرق ليك شي عين او لا واقيلا توحشتي السوط مرة خرى
عائشة : اوف الله يا ربي مكتعرفش شيحاجة من غير الضرب او العصا واش مكتهينش الرجولة ديالك مني تبغي تضرب بنت راه الرجولة ماشي هيا ضرب بنت عابر بنت الرجولة هيا تبعد عن كل ما نهاه الله هيا تحتارم الأنثى تحتارم واليديك الا كانو باقين عيشين بوس ايديهم ليل او نهار او شكر الله على هاد النعمة او بالخصوص الوالدة ديالك ( او طاحت ليها دمعة مسحاتها دغية باش مايشوفهاش نور ولكن شافها كتبكي )
نور : مالكي كاتبكي تاني راني مقربتش ليك تاني
عائشة : والو غاتفكرت مي
نور : علاش واش توحشتيها
عائشة : توحشتها او بزاف بغيت نشم الريحة ديالها بغيت تانا شي نهار نعيط حتى انا ماما بحال كاع الدريات هيا كتشوفني ولكن انا منقدرش نشوفها
نور : علاش ياك باقة عايشة
عائشة :( ضحكات بإستهزاء ) ماما ماتت نهار اللي تزاديت فيه خديت اخر نفس ليها الممرضة اللي كانت مشرفة على الولادة ديال ماما مكملاتش حتى الأربعين دارت ببابا اللي نسا واش انا بنتو واش انا كينة في هاد الحياة ديك المرة مخلات مادارت لينا انا او ماريا او ولاد عمامي اللي ماتو في ظروف غامضة عمي او مرتو ماتو او خلاو ماريا عندها ست سنين درية صغيرة باقا ماعارفا حتى شنو في الدنيا خلاوها أمانة عند بابا ساعة بابا ماكانتش قد الأمانة خلانا منا لأسيل كانت كتبيتنا في البرد في بيت الخزين بلا عشا كتنوضنا مع الصباح نشتفو على المانط او الزرابي انا في واحد الفترة وليت كنبغي امير ولد عمي اقسمت على انو يكون ليا حيت كنت داخلة في اكتئاب باقا كنبغيه ولكن ماشي بنفس الطريقة و الهوس ديال شحال هادي مشيت لبرا غير باش نكمل قرايتي او نتعالج او ياحيف الصديق او الأخ ديالنا اللي هو اشرف باغي يتخلص مننا كاملين عض الإيد اللي تقدمات ليه نهار الاول ( عائشة غير كانت باغا لمن تعاود او بان ليها نور او بقات كتعاود بدون شعور ) المهم هاد اللشي شوية من قصتي واخا غاتبقا غاتعاويدة حيت اصلا انا ميتة من شحال هادي كل لحظة كنموت او نعاود نحيا حتى وليت جسد بدون روح كنتسنا النهار اللي غانتدفن تحت التراب انا ميتة من شحال هادي ا. مكنخافش من الموت حيت مدايراش علاش غادية نخاف او كل واحد غادي يجي النهار اللي غادي يتحاسب فيه خيفة غير على ماريا شنو غادي يوقع ليها 😭😭😭
نور : الصمت
عائشة : مسحات دموعها او عينيها ولاو حمرين ) معرفتش اصلا علاش كنعاود ليك الله اودي او بدات كتضحك 😂😂😂😂 كثرة الهم كتضحك ما تعرف تبكي او لا تضحك هههههههههه
نور : عائشة او سكت
عائشة : عجباتك سميتي لا نعطيها ليك
نور : اش غادي يعجبني فيها رجعي لبلاصتك باش نربطك
عائشة : مالك دغيا كتقلب بحال الجو غير بالشوية هاني راجعة غاسكت بغيت الما بعدا اووف حلقي نشف تقول بايتة كنغني في العراسات ( وايه راك بايتو كتغوتي ماشي كتغني او في عرس الأحزان ديالك ) نطلبك طليبة خرا بغيت بوماضا ديال سيكاتريس
نور : واش تصطيتي لا اويلي حي الدرية انا باغي نعذبها شفتي اليوما رخيت ليك اللعب ولكن متدصريش باش ما نبدلش طريقة تعاملي معاك
عائشة : مالنا اش قلنا ليك قاع (شافتو خنزر فيها نور : توشحتي السوط واقيلا )
عائشة :😊😊😊😊 اويلي غاكنضحكو معاك هاني ساكتة بغيت ليا اللقوة الا هضرت بغيت ليا الضرسة نبات نغوت او نعيط الجيلالي بغيت ليا الحكة او قلة الضفران بغيت ليا خنزر فيها او هيا تسكات ضربات الطم
نور : ساليتي او لا باقي
#يتبع
تعليقاتكم بخصوص القصة
أنت تقرأ
ماهو ذنبي ؟؟
Paranormalقصتي ماشي بحال القصص اللي كتعرفو كتستهوي المراهقين ديال اليوما هاد القصة كتكلم على بنت ما شفقاتش عليها الدنيا او ما حناتش فيها ظلماتها قسات عليها يتماتها شرداتها او اخدت اعز ما عندها خدات مها او باها برائتها طهارتها غادي نخليوكم تعرفوها كثر في القصة
