ماهو ذنبي ؟؟

part 28

القصة :ما هو ذنبي
للكاتبة:وصال بروان
لا احلل النشر بذون ذكر اسمي ☡☡☡
أميرة:(وجهها صفر او نايضةمخلوعة) كح كح كح
أمير:(دار عندها خايف) هاكي شربي الما بسم الله عليك كان غير كابوس
أميرة:(كتبكي) عرفتي شفت بحالا ختي كتعيط ليا او كتقول ليا لاش تخليتو عليا ماشي انا ختكم إهئ إهئ او كتبكي او تغوت او شوية مشات بعدات عليا او قالت ليا هاني مشيت مبقيتوش تشوفوني غانمشي عندي ختي او شوية بانت ليا بحالا مشات عند شي بنت كتشبه لماريا فوطوكوبي ديالها او انا نفيق اهئ إهئ ختي مشات ليا حنا السباب ياك انا السباب باش وقع ليها هاد الشي كامل ياربي تسمح ليا انا اللي خليتهم يديوها كون بقيت حداها ماكانتش غاتضيع لا هي لا حبيبت قلبي عيوشتي معرفتش شنو واقع ليهم اآه ياربي آآآه(او غوتات واحد الغوتة كتخوي فيها كلشي ) علاااااااااااش ياااااااربي تايوقع ليا هكا أمير علاش كيوقع لينا هكا اش درنا باش هكا يوقع لينا عمرنا اذينا شي حد او لا ضحكت على شي حد آه يا قلبي آه نت نصفي الثاني اكيد حاس بشنو كنحس بيه فين مشات ختي الصغيرة فيناهي الأميرة ديالي فين مشااااااااااتت(شوية شدها أمير عنقها او خلاتها كتنخصص في حضنو او بدا كيطبطب عليها )
امير:(كيتحسر على ختو) شوووت حنا ما درنا والو هاد اللشي غامقدر علينا نعيشوه باش يعرف الخالق ديالنا باش يختابرنا او صافي آمني بالله دبا ترجع هي او حبيبتي
أمير: سمعيني دبا او حضري معايا عقلك
أميرة: ياك ما وقعات لختي شيحاجة راني حاسة انو وقعات شيحاجة او نت مخبي عليا
أمير: لا مكين من هاد اللشي والو غير جاني اتصال من اللي عندو ماريا او عائشة او قال ليا نجيبك نتي او عمي أحمد لقصر المرايا
أميرة : علاش قال ليك تجيب عمي
أمير:لا معرفتش 
أميرة : اوا شنو كتسنى ياله نمشيو بغيت نشوفهم ديني عندهم دبا
أمير: نقولها لأحمد باش يمشي حيت اللي مختاطفينهم وحدة بنتو من لحمو او دمو او لخرى بنت خوه حيت المتصل كان كيأكد على حضور أحمد
أميرة: بسلامة
)امير خرج مشا كيقلب على أحمد فين غايكون وصل لبيتو او بدا كيدق)
دق دق دق
أحمد :شكون ..دخل
أمير: عمي بغيت نهضر معاك
أحمد : سير مامساليش
أمير:مساليش ياكما كتصنع ليا في الصوارخ او لا النووي
أحمد:(بحدة) حتارم راسك راني عمك
أمير: هههه من امتا كنتي عمي او فين عمرني عتابرتك عمي هههع ضحكتيني بزاف عليك كلمة عم خسارة الواليد الله يرحمو كان خوك ولكن عمرك ما توصل ليه حتى في صبعو الصغير(أو دار عند أسيل اللي مسرحة فوق الناموسية او دايرة فيها موتة حمار ) يخخ تفو  على شي بشر كتشوفهم كيبان ليك ابليس حسن منهم ملامحههم بريئة مي أفعالهم شيطانية ابليس او ما دارهمش شي بشر هنا الذبيحة فيه حلال
أسيل:(دايرة فيها عيون البراءة) ولدي أمير شنو درت ليك انا راني في متابة مك علاش كتعاملني هكا إهئ إهئ
امير: انا ما ولد حد او مي حسن منك او اشرف مئة مرة منك
أحمد: شوت حبيبتي متبكيش يا اغلى ما عندي
امير: نقول دايرة ليك السحر الاسود هاد اللفعةنسيتي بنتك  نسيتي كبدتك نسيتي كلشي او لا شنو
أحمد : ما عندي بنت أنا ما عندي بنت اللي ترد الهضرة على اللي كبر منها  مستحيل تكون هاديك بنتي هاديك بنت مها كتشبه ليها يخ الحاجة اللي ما تشبهش مولاهاحرام تفو على تريكة الويل الكحل
أمير: غسل فمك مليون مرة بالصابون باش تهضر على خالتي نجمة(أم عائشة) او حسن منك هادي اللي كتهضر عليه عمرها ماكانت تهز فيك الراس اللي بغيتها كانت تعطيها ليك بلاما تغليها عليك او كانت صابرة معاك او صابرة على معاملتك ليها لدرجة ماتت غير بالفقصة او القهرة او الضرب او الخوف اللي كنتي معيشها فيه هاد اللشي اللي خلاها تعلق راسها في الثرية ديال البيت ولكن انا ماشي بحالك عائشة أمانة في عنقي ليوم الدين او نت نخليليك الله خلي هاد اللفعةتنفعك راه اللفعة ما كتلدغش راسها كتبخ سمها غير في اللي داير عليها (الي كانو كيقولو ليا علاش عائشة كتكره والديها فهذا هو السبب حيت بسباب باها مها شنقات راسها او ماتت)
أحمد : برا منشوفش كمارتك
أمير: خلي بنت الزنقة تنفعك أما نجمة او عائشة فهم لاليات هاد الكلبة اللي هنا (أو خرج)
بينما هو نازل في الدروج تلاقى مع أميرة
أميرة: مالك معصب اشنو واقع او فيناهو عمي
أمير: هذاك ما عم تاواحد فينا او مستحيل يكون اب بزاف عليه كلمة أب كتبقى فيا غير عائشة اللي عندها أب بحال هذا معرفتش شنو دايرة ليه أسيل تا سمح في بنتو على ودها او تبرأ منها او قال ليا معندي بنت سميتها عائشة أنا
أميرة: صافي سكت او ياله نمشيو غاحنا براكة
أمير: صافي ياله زيدي باش نوصلو البلاصة
#يتبع