ماهو ذنبي ؟؟

البارت 49

القصة: ماهو ذنبي
الكاتبة وصال بروان
لا احلل النشر بذون ذكر اسمي وصال بروان ☡☡
البارت 49
تتمة 😍😍

شوية كيتسمع صوت كيخلع متقدرش تميز الصوت منين جاي اللي تقدر تميز انو صوت نسائي كيخلع
(بنبرة كتخلي بنادم يرجف من الخوف ) بغيتوني نخرج هاني خرجت وجدو ريوسكم غادين تشوفو يوري على حقيقتها 😂😂😂 غادي نخليكم تعذبو كيما عذبتوني كيما حرقوتوني على قبل ولدي غادي نخليكم تانتوما تحرقو
اشرف:و لكن هما مادارو والو
..:هههه ماشي شغلي دنبهم انهم من البشر البشر خيبين انانيين اشرار قتلو ليا ولدي في كرشي تاقبل ما يتزاد خلاوني نتشوا على قبلو البشر قاسين بزاااف😭😭🙏 شنو ذنبي انا او شنو ذنبو هو قتلوه قبل تامانشوفو شنو درت انا شنو اه كانت خطيئة او كنت كنتعاقب عليها مي شنو ذنبو هو علاش قتلوه او رماوني في غابة الموت علاش..
امير: اشرف اش واقع هنا او شكون نتي
يوري: سمعو قال ليكم شكون انا اوا سمع انا هي ديك البنت اللي تغصبات في شبابها تزوجات براجل قد باها او هي بنت 12 حيت الراجل مكيعيبو غير جيبو او البنت انفوا تبلغ خاصها تمشي لدار راجلها او ان البنت المستقبل ديالها ماشي القرايا لا المستقبل ديالها هو الراجل او الولاد او الكوزينة عرفتو مني كانو كيدهزوني ماكانتش عارفة تاشنو كيعنيه الزواج أو لا شنو خاصني ندير حيت كانو قايلين ليا انو حنايا غادين لعرس شي بنت من الدوار او فينما نسولهم علاياش ملبسيني القفطان او الطوانك او السنسلة كيقولو ليا واش باغا تحشمينا قدام الناس( يوري: ماما حنا فين غادين
الأم: معروضين لواحد العرس ديال بنت فاطنة
يوري: اه ولكن متحيديش ليا ضفيرتي راها زوينة عجباتني
الأم: ولكن خليني غير نقاد ليك شعرك
يوري: واخا ولكن علاش كتجمعي ليا حوايجي في ديك البليزة
الأم: غير بغيت نصدقهم على شي ناس داك اللشي علاش
يوري: واسربي راه بغيت نلعب
الأم: واتي جلسي اللرض واش ماعييتيش من اللعب
يوري: صافي هاني
الأب: واش باقين ماساليتوش من الجماعة
الأم:( وقفات ) صافي هاحنا سالينا( او عنقات بنتها او بدات كتبكي )
يوري: علاش كتبكي اماما راني معاك ماغادية فين شنو واقع علاياش كتبكي راك غاتخليني نبكي تانا
الأم: لا والو غير بغيت نبكي أو صافي( في سرها سمحي ليا ابنتي حيت كذبت عليك سمحي ليا بزاف هاد الدموع راهم ديال الفراق او ديال الندم حيت ما قلتش ليك الصراحة سمحي ليا بزاف) ) اه داوني كيما كنقول للعرس او انا مافاهمة والو تاجلسوني حدا واحد الراجل كبير في العمر او انا سولت ماما على علاش جلسوني حداه ولكن كان لا رد غير كتشوف فيا او صافي تال شوية او جات ماما داتني لواحد البيت او جلساتني فوق الناموسية 《 يوري: ماما اشنو كنديرو هنايا
الأم: شوفي راني شوية او جاية
يوري: راني باقة كنخاف الا بقيت بوحدي
الأم: نتي شجاعة بزاف او غادية تقاومي كنعرفك ابنتي مزيان او راني غانبقى غير برا مي عندي ما يدار شوية او جاية
يوري: صافي ماشي مشكيل مي جيبي ليا مونيكيتي باغيا نلعب بيها بينما جيتي
الأم: راهي حداك في ديك الباليزة بسلامة( او خرجات ) 》غير هي خرجات او هو كيدخل نفس داك الراجل اللي كانو جلسوني حداه في اللول 《 يوري: عمو اش جاي دير هنا ياكما باغي تلعب معايا بمونيكتي شتيها شحال زوينة ياك
الراجل: اه زوينة زوينة بزاف غير هو غانلعبو لعبة خرى حسن من هادي
يوري: الحبل كارطة مالة شنو هي هاد اللعبة
الراجل: ( كيقرب )
يوري: عمو بقا تما علاش جاي عندي راه ماما كتقول ليا مانهضرش مع الغراب
الراجل: هههه ماقالتش ليك مك اني راجلك
يوري: شنو كتعني كلمة انك راجلي
الراجل: يعني اني مزوج بيك او انتي حلالي دبا
يوري: فايتة سمعتها من ختي هاد الكلمة ولكن كتكون راجلي حتى نكون سنيت على شي ورقة ياك
الراجل: ههه انا راني دبا راجلك سنيتي او لا ماسنيتيش انا راجلك
يوري: ماتقربش ليا اعمي سير بعد مني ماما ماما قولي ليه يبعد مني بابا بابا خويا فينكم بعد مني لهيه ماتقربش ليا 😭😭
الراجل: تاحد ماغادي يسمعك او حتى الا سمعوك مستحيل يتجارؤو يدخلو سمعي الغزالة او راه مك او عائلتك هما اللي جابوك لهنايا غير كوني هانية( او مشاناحيتها )
يوري: لااااااااااا》
مني فقت الصباح مالقيتش حوايجي مالقيتوش تاهو بزز باش نضت نشوف شنو طاري حيت شفت الهاراج بزاف لقيتهم هازين سروالي اللي كنت لابسة البارح او فيه بقع ديال الدم انا قلت ياكما لعبات الوداد البارح او ما عارفاش انو الوداد لعبات عليا انا البارح فقت ماعارفة راسي من رجليا ماعاقلة على والو من غير انهم كيزغرتو او يغنيو فرحانين مي واحد الشوية تقلبت 180 درجة مني شتو واقف قدامي كاع داك اللشي اللي وقع البارح عاود تجسد قدامي بحالا كنتفرج في فيديو بعينيا مي معرفتش في انا اطار غانحط هاد اللشي اللي وقع ليا واش في اطار الإغتصاب او لا راه راجلي او حلال عليا معرفتش شنو غاندير اخر حاجة عقلت عليها هي وجهو الضاحك او غيبت مني فقت لقيتهم كاملين مجمعين عليا او كيضحكو معرفت واش نضحك او لا نبكي
#يتبع
البنات راه باقة كنكتب حيت البارح مكتبت والو كنت مريضة او مشات ليا الكونيكسيو