ماهو ذنبي ؟؟

part 29

القصة : ما هو ذنبي
للكاتبة: وصال بروان
ممنوع النشر بذون إسمي
طلع كل من أمير او أميرة للطونوبيل او كسيراو للمجهول مسافة ديال الطريق او كانو حدا واحد الغابة كيتسناو في التعليمات حتى كسرات الصمت أميرة
أميرة : علاش جابنا لهنا شوف تقول واش كين شي مخلوق هنايا او الليل بدا كيطيح نت كتعرفني خوافة من درجة فارس
أمير: صافي راني معاك معندك مناش تخافي دبا يعيط (التيلي بدا كيصوني ترن ترن ترن)
أمير : هاللي قلنا ذكر الكلب او جبد الزرواطة الو على سلامتنا مني تنازلتي او عيطتي لينا
المتصل: انا مامساليش ليك عندي شلا ما يدار ماغانبقاش مقابلاك غانت او اطونسيو المرة الجاية نسمعك كتغوت عليا او لا ترفع عليا صوتك عمرك ما تبقى تحلم تشوف حبيبتك او ختك
أمير : كالم كالم داون اتينا بما عندك راك مستحيل تقدر تخلينا في هاذ الغابة فيناهو القصر اللي هضرتي عليه او لا غير طالقها عليا
المتصل : القصر كين وسط الغابة مي الأمير ديالنا الصغيور غاتمشي نت او ختك على رجليكم رومبلاسيو الطونوبيل فشي بلاصة او حسب عشرين خطوة للقدام غاتلقى واحد الورقة محطوطة على واحد الصخرة هزها راه فيها لغز حلو او شوية غانعيط ليك عندك 30 دقيقة باش توصل عندي الا تعطلتي دقيقة وحدة غاودعهم  ياله طوب كرونو( او بدا كيحسب ليه )
أمير: شيت يخ تفو شحال عندك دبا الساعة ااميرة
أميرة : 8:00
أمير: سمعتيه اش قال اوا حركي معايا رجليك اول حاجة غانحسبو عشرين خطوة تبعيني واحد جوج ثلاثة...خمسطاش..عشرين حبسي
أميرة: أمير انا خايفة بزاف
أمير: ما تخافيش او ياله نقلبو على ديك الورقة اوف فين غاتكون شحال دبا عندك الساعة
أميرة:8:10 سربي بقات لينا عشرين دقيقة بالضبط
أمير: ياربي عاونا نلقاو هاد الورقة اوف فين مخبيها هاد الكنس
أميرة : شعل بعدا البيل ديال التيليفون كيغادير تلقاها في الظلمة مالك تكلختي
أمير: اه نسيت راني غاتدعقت او بقاو كيقلبو هنا او لهيه باش يلقلوه ولكن تقول واش بان
أميرة: شوف لهيه كتبان ليا شيحاجة فوق ديك الحجرة
أمير: واخيرا لقيتها حمدتك ياربي او شكرتك
أميرة: حلها نشوفو شنو فيها انا لغز هاذا (حل أمير الورقة باش يشوف شنو فيها )
أمير &أميرة :(الصدمة ) ...
#يتبع