_______________التحت او على مائدة الافطار
امير : هاد المسخوطة عوتاني معطلة كيف ديما هادي غير خمسة الدقائق عندها الله يعطينا وجهها
امير : تقولي عروسة غادين بيها لراجلها
( مصاب غير ديوني تانا عند راجلي راني عييت مانتسنى فيه واخا يكون جاي على فكرون غايكون وصل ماريا : وصال استغفري بالله اشمن زواج سيري تنعسي بعدا تزوجو اللوالا باقين غير الحوالا انا : ياك اماريا والله ما تبقا فيك غابلاتي ماريا : الا وصلتي لوذنك عضيها انا : سيري تق### درقي عليا كمارتك خليني نكمل القصة او نتي لاصقة فيا بحال الكولة سبيسيال )
اميرة : والله مكذبتي فيها . ماريا واماريا راه لفطور عندو وقت كيتحط مع السبعة او نص ماشي العشرة واتي سربي
ماريا :( جاية او كتمتم )هانا جاية غير بالشوية عليكم لا يترطق ليكم شي عرق
امير : هالالة العروسة جات صلا او السلام على رسول الله ياكما باغاني نجي نهزك واتي سربي ياكما كتمشاي على البيض
اميرة : ياله طفات عليك الشمعة ياكما عندك شي رونديفو او مافخباريش هاد الوقت كامل في الطواليط باش تقادي لينا تقولي غادية تبرزي نتي ماشي غادية تقراي
ماريا : بحال نتوما طيارة كتلبسو بالزربة نتا غير سكت نتا بوحدك خاصك واحد الساعتين غير باش تقاد لينا او لا كنا خارجين خلاص تما بقينا النهار كامل او نتا تقاد تقول غادين بيك عريس ماخليتي للمرة ما تقول ياكما كتكون ناوي تخطب او ما في خبارناش او كيقولو الدراري دغيا كيلبسو نت مخليتي للعيالات مايقولو
امير : غادي تسكتي او لا نجي نهرس لختي هاداك الفم اللي عاجبك
ماريا : على زينك نتا اللي شافك يتخلع بحال الا شاف جن بسم الله الرحمان الرحيم
امير : مغيارة نتي او خلاص او حتا الا كنت غادي نتزوج ماغاديش نجيبها ليكم باغين تقتليها ليا او لا تكركبيها من الدروج كيما درتي لأمال ( صديقة امير القديمة )
ماريا : هاديك هيا اللي جبداتني انا مادرت ليها والو هيا اللي تستاهل اجي بعدا شكون هاد مسخوطة الوالدين اللي غادي تقبل بيك الله يحسن عوانها معاك ( وابربي اماريا معرفتش واش هاداك وجهك او لا قفاك انا بعدا مصاب غير تزوجيني ليه والله ما ندير شي حاجة نبوس ليك رجليك او يديك والله )
ياله بغا يجاوبها امير او هي تقاطعو اميرة : وابربي الا مسكتوش غادين نوريكم نجوم الليل في عز الظهر سكتو او كولو نتي راه قريب ليك الوقت على المدرسة او نتا راك معطل اصلا لذلك ديها معاك وصلها تال المدرسة
امير : هادي تمشي معايا انا لا مايمكنش امبوسيبل نديها معايا نتي غير كتخرفي واقيلا جاك الزهيمر بكري
ماريا : بحال انا غير ميتة عليك باش ديني او اصلا واخا تكون غير نت اللي كاين نفضل نبقا في الدار او ما نمشيش معاك
اميرة :كلمة وحدة او قلتها ياله كولو او سكتونا واش ميمكنش ناكلو شي نهار في خاطرنا معرفتكم خوت او لا ضرات عبد السلام
امير او ماريا : ها حنا ساكتين ( كيخنزرو في بعضياتهم )
_____(ماريا كتخنزرحابسة الضحكة حيت عزيز عليها تعصب خوها )
امير : بنفخة الا ساليتي ياله نوضي تقعدي نوصلك لخربتك او نمشي لخدمتي
ماريا : باقة ماساليتش ماكليتي تانسالي او نمشي معاك
امير : بففف وحلة معاك اللي ماقدو فيل زيدوه فيلا اقسم بالله او ما تنوضي غادي نحسب تال عشرة نلقاك في الطونوبيل او لا غادية تحسبي سنانك قدامك راك عارفاني نديرها او نفوتها او غمزها 1 2 3 4 ماجا فين يكمل عشرة لقاها سبقاتو للطونوبيل كتكلاكسوني عليه دار واحد الضحكة نصر زعما
امير : هانا غادي الا حتاجيتي لشي حاجة قوليها ليا او عيطي ليا ياله باي
اميرة : طريق السلامة او حضي معاك هاديك المسخوطة راه خاصها واحد القتلة ديال العصا او عافاك ماديرش راسك فيها راه باقة صغيرة
امير : صغيرة على فم السبع او مشا
# يتبع
أنت تقرأ
ماهو ذنبي ؟؟
Fantastiqueقصتي ماشي بحال القصص اللي كتعرفو كتستهوي المراهقين ديال اليوما هاد القصة كتكلم على بنت ما شفقاتش عليها الدنيا او ما حناتش فيها ظلماتها قسات عليها يتماتها شرداتها او اخدت اعز ما عندها خدات مها او باها برائتها طهارتها غادي نخليوكم تعرفوها كثر في القصة
