عائشة : شوفي فيا احبيبتي انا منقدش نآذيك نتي اعز ما كنملك نتي ختي الصغيرة شوفي فيا متخلينيش نتعذب
ماريا: ( هزات عينيها فيها ) ياك انا عزيزة عليك او كتبغيني متخليهمش يقربو ليا ياله نرجعو للدار عافاك نتي عارفاني كنخاف من الظلمة بغيت امير فيناهو ياله خرجيني من هنا الا بقيت هنا غادية نحماق
عائشة : غير نلقى كيفاش نخرجك من هنا او نهربو انا وياك غير زيدي تحملي شوية الله اربي شنو اللي درت
شوية كنسمعو صوت خطاوي ديال شي صباط نسائي غادي او كيقرب
ماريا :(تخلعات الوان الطيف كاع بانو عليها في وجهها ) هاهي الشريرة جات غادي تضربني ثاني ختي متخليهاش ديني عافاك مبغيتش نمشي معاها او بدات كتاكل في ظفرانها
المرأة :(عينيها كيوحيو بالشر ) مرحبا او الف مرحبا عندنا الضياف هنا او شكون عائشة بنت احمد العمراني من الفوق جيتي تونسي ختك او توادعي معاها اح شحال جيتو كيوت مع بعضياتكم ولكن حيت انا ضريفة غانعطيكم عشرة الدقايق باش توادعو مع بعضياتكم
عائشة: علاش كتقبلي اهاد المرة سيري بعدي من البنت قبل ما ندير فيك ايدي
المرأة : اولا سميتي سارلا ثانيا آخر مرة تهزي عليا يديك او لا نهرسهم ليك (شداتالفك السفلي ديال عائشة او هضرات) خاصك تخافي مني احبيبة او كنتمنى صوتك ما نبقاش نسمعو او لا غانقطع ليك اللسان ديالك او اجي القطيوطة ديالي الصغيورة(على ماريا) تمشي مع خالتو سارلا نوريك واحد الحاجة غاتعجبك مزيان
ماريا : خالتي عفاك لماخلينا نمشيو عمرني ما نبقى ندير البسالة وعد عفاك بعدي مني طلقيني عائشة ختي قولي ليا طلقني مبغيتش نمشي معاك وامبغيتش نمشي معاك طلقيني كتوعتيني اهئ اهئ عائشة ختيييييي عتقييني
يتبع
أنت تقرأ
ماهو ذنبي ؟؟
Paranormalقصتي ماشي بحال القصص اللي كتعرفو كتستهوي المراهقين ديال اليوما هاد القصة كتكلم على بنت ما شفقاتش عليها الدنيا او ما حناتش فيها ظلماتها قسات عليها يتماتها شرداتها او اخدت اعز ما عندها خدات مها او باها برائتها طهارتها غادي نخليوكم تعرفوها كثر في القصة
